5. суван̣н̣апуппхийаттхераапада̄наван̣н̣ана̄

випассӣ на̄ма бхагава̄тиа̄дикам̣ а̄йасмато суван̣н̣апуппхийаттхерасса апада̄нам̣. айампи пуримаджинаваресу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто випассисса бхагавато ка̄ле екасмим̣ т̣ха̄не бхӯмат̣т̣хакадевапутто хутва̄ ниббатто тасса бхагавато дхаммам̣ сутва̄ пасаннама̄насо чатӯхи суван̣н̣апуппхехи пӯджеси. та̄ни пуппха̄ни а̄ка̄се суван̣н̣авита̄нам̣ хутва̄ чха̄десум̣, суван̣н̣апабха̄ ча буддхасса сарӣрапабха̄ ча екато хутва̄ маха̄обха̄со ахоси. со атирекатарам̣ пасанно сакабхаванам̣ гатопи саратийева. со тена пун̃н̃акаммена туситабхавана̄дисугатӣсуйева сам̣саранто диббасампаттим̣ анубхавитва̄ имасмим̣ буддхуппа̄де кулагехе ниббатто вин̃н̃утам̣ патто саттху дхаммадесанам̣ сутва̄ са̄сане урам̣ датва̄ паббаджито начирассева араха̄ ахоси.

40. со апарабха̄ге пуббакаммам̣ саритва̄ соманассаджа̄то аттано пуббачарита̄пада̄нам̣ пака̄сенто випассӣ на̄ма бхагава̄тиа̄дима̄ха. там̣ хет̣т̣ха̄ вуттаттхамева.

44. па̄моджджам̣ джанайитва̄на̄ти балавапӣтим̣ уппа̄детва̄ ‘‘па̄моджджам̣ а̄модана̄ памодана̄ ха̄со паха̄со витти одагйам̣ аттаманата̄ читтасса̄’’тиа̄дӣсу (дха. са. 9, 86; маха̄ни. 1) вийа аттаманата̄ сакабха̄вам̣ уппа̄детва̄ти аттхо. сесам̣ саббаттха утта̄намева̄ти.

суван̣н̣апуппхийаттхераапада̄наван̣н̣ана̄ саматта̄.