4. ека̄санийаттхераапада̄наван̣н̣ана̄

варун̣о на̄ма на̄мена̄тиа̄дикам̣ а̄йасмато ека̄санийаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто аттхадассисса бхагавато ка̄ле варун̣о на̄ма девара̄джа̄ хутва̄ ниббатти. со бхагавантам̣ дисва̄ пасаннама̄насо гандхама̄ла̄дӣхи гӣтава̄дитехи ча упат̣т̣хайама̄но сапарива̄ро пӯджеси. тато апарабха̄ге бхагавати париниббуте тасса маха̄бодхируккхам̣ буддхадассанам̣ вийа саббатӯрийата̄л̣а̄вачарехи сапарива̄ро упаха̄рамака̄си. со тена пун̃н̃ена тато ка̄лан̇катва̄ нимма̄наратидевалоке уппаджджи. евам̣ девасампаттиманубхавитва̄ мануссесу ча мануссабхӯто чаккаваттисампаттим̣ анубхавитва̄ имасмим̣ буддхуппа̄де кулагехе ниббатто вин̃н̃утам̣ патва̄ саттху са̄сане паббаджитва̄ начирассева араха̄ ахоси.

31. со паччха̄ сакакаммам̣ саритва̄ там̣ татхато н̃атва̄ соманассаджа̄то пуббачарита̄пада̄нам̣ пака̄сенто варун̣о на̄ма на̄мена̄тиа̄дима̄ха. таттха йада̄ ахам̣ самбодханаттха̄йа буддхам̣ бодхин̃ча пӯджесим̣, тада̄ варун̣о на̄ма девара̄джа̄ ахосинти самбандхо.

34. дхаран̣ӣрухапа̄дапанти еттха руккхалата̄паббатасаттхаратана̄дайо дха̄ретӣти дхаран̣ӣ, тасмим̣ рухати патит̣т̣хахатӣти дхаран̣ӣрухо. па̄дена пиватӣти па̄дапо, син̃читасин̃читодакам̣ па̄дена мӯлена пивати руккхаккхандхаса̄кха̄вит̣апехи а̄порасам̣ паттхарийатӣти аттхо, там̣ дхаран̣ӣрухапа̄дапам̣ бодхируккханти самбандхо.

35. сакакамма̄бхираддхоти аттано кусалакаммена абхираддхо пасанно уттаме бодхимхи пасанноти самбандхо. сесам̣ саббаттха утта̄намева̄ти.

ека̄санийаттхераапада̄наван̣н̣ана̄ саматта̄.