4. падапӯджакаттхераапада̄наван̣н̣ана̄

сиддхаттхасса бхагаватотиа̄дикам̣ а̄йасмато падапӯджакаттхерасса апада̄нам̣. айампи пуримабуддхесу ката̄дхика̄ро сиддхаттхасса бхагавато ка̄ле кулагехе ниббатто вуддхиманва̄йа саттхари пасанно суманапуппхена па̄дамӯле пӯджеси. со тена пун̃н̃ена девамануссесу сам̣саранто саккасампаттим̣ анубхавитва̄ имасмим̣ буддхуппа̄де екасмим̣ кулагехе ниббатто вуддхиманва̄йа саттхари пасӣдитва̄ паббаджито випассанам̣ вад̣д̣хетва̄ арахаттапхале патит̣т̣ха̄си.

19. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто сиддхаттхасса бхагаватотиа̄дима̄ха. джа̄типуппхамада̄саханти джа̄тисуманапуппхам̣ ада̄сим̣ аханти ваттаббе га̄тха̄бандхасукхаттхам̣ суманасаддасса лопам̣ катва̄ вуттам̣. таттха джа̄тийа̄ ниббатто викасама̄нойева суманам̣ джана̄нам̣ соманассам̣ каротӣти суманам̣, пуппханат̣т̣хена викасанат̣т̣хена пуппхам̣, суманан̃ча там̣ пуппхан̃ча̄ти суманапуппхам̣, та̄ни суманапуппха̄ни сиддхаттхасса бхагавато ахам̣ пӯджесинти аттхо. сесам̣ саббаттха утта̄намева̄ти.

падапӯджакаттхераапада̄наван̣н̣ана̄ саматта̄.