4. сӯчида̄йакаттхераапада̄наван̣н̣ана̄

камма̄рохам̣ пуре а̄синтиа̄дикам̣ а̄йасмато сӯчида̄йакаттхерасса апада̄нам̣. айампи пуримабуддхесу ката̄дхика̄ро антарантара̄ кусалабӣджа̄ни пӯренто випассисса бхагавато ка̄ле антарантара̄ катена екена каммаччхиддена камма̄ракуле ниббатто вуддхиманва̄йа сакасиппесу ниппхаттим̣ патто саттху дхаммадесанам̣ сутва̄ пасаннама̄насо чӣварасиббанаттха̄йа сӯчида̄намада̄си, тена пун̃н̃ена диббасампаттим̣ анубхавитва̄ апарабха̄ге мануссесу уппанно чаккаватта̄дайо сампаттийо ча анубхаванто уппаннуппаннабхаве тиккхапан̃н̃о ваджӣран̃а̄н̣о ахоси. со камена имасмим̣ буддхуппа̄де ниббатто вуддхиппатто махаддхано саддха̄джа̄то тиккхапан̃н̃о ахоси. со екадивасам̣ саттху дхаммадесанам̣ сутва̄ дхамма̄нуса̄рена н̃а̄н̣ам̣ песетва̄ нисинна̄санейева араха̄ ахоси.

19. со араха̄ сама̄но аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто камма̄рохам̣ пуре а̄синтиа̄дима̄ха. таттха камма̄роти айокаммалохакамма̄дина̄ каммена джӣвати рухати вуддхим̣ вирӯл̣хим̣ а̄паджджатӣти камма̄ро, пуббе пун̃н̃акаран̣ака̄ле камма̄ро а̄сим̣ ахосинти аттхо. сесам̣ саббаттха утта̄намева̄ти.

сӯчида̄йакаттхераапада̄наван̣н̣ана̄ саматта̄.