5. гандхама̄лийаттхераапада̄наван̣н̣ана̄

сиддхаттхасса бхагаватотиа̄дикам̣ а̄йасмато гандхама̄лийаттхерасса апада̄на. айампи пуримабуддхесу ката̄дхика̄ро сиддхаттхасса бхагавато ка̄ле кулагехе ниббатто махаддхано маха̄бхого ахоси. со саттхари пасӣдитва̄ чандана̄гарукаппӯракассатура̄дӣни анека̄ни сугандха̄ни вад̣д̣хетва̄ саттху гандхатхӯпам̣ ка̄реси. тассупари суманапуппхехи чха̄деси, буддхан̃ча ат̣т̣хан̇ганамакка̄рам̣ ака̄си. со тена пун̃н̃акаммена девамануссесу сампаттийо анубхавитва̄ имасмим̣ буддхуппа̄де вибхавасампанне екасмим̣ кулагехе ниббатто вуддхиманва̄йа саттхари пасӣдитва̄ паббаджито начирассева араха̄ ахоси.

24. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто сиддхаттхасса бхагаватотиа̄дима̄ха. там̣ саббам̣ утта̄наттхамева̄ти.

гандхама̄лийаттхераапада̄наван̣н̣ана̄ саматта̄.