22. наттхипаччайаниддесаван̣н̣ана̄

22. наттхипаччайаниддесе саманантаранируддха̄ти ан̃н̃ена читтуппа̄дена анантарика̄ хутва̄ саманантаранируддха̄. пат̣уппанна̄нанти паччуппанна̄нам̣. имина̄ наттхипаччайасса ока̄сада̄нат̣т̣хена наттхипаччайабха̄вам̣ са̄дхети. пуримесу хи ниродхавасена паччхима̄нам̣ паваттанока̄сам̣ адентесу тесам̣ пат̣уппаннабха̄во на сийа̄ти айаметтха па̄л̣иван̣н̣ана̄. сесам̣ саббам̣ анантарапаччайе вуттанайенева ведитаббам̣. паччайалаккхан̣амева хеттха на̄нам̣, паччайа̄нам̣ пана паччайуппанна̄нан̃ча на̄на̄каран̣ам̣ наттхи. кевалам̣ пана таттха ‘‘чаккхувин̃н̃а̄н̣адха̄ту там̣сампайуттака̄ ча дхамма̄ манодха̄туйа̄’’тиа̄дина̄ найена паччайа̄ ча паччайуппанна̄ ча сарӯпато дассита̄. идха пана ‘‘саманантаранируддха̄ читтачетасика̄ дхамма̄ пат̣уппанна̄нам̣ читтачетасика̄нам̣ дхамма̄на’’нти саббепи те ниродхуппа̄давасена са̄ман̃н̃ато дассита̄ти.

наттхипаччайаниддесаван̣н̣ана̄.