17. джха̄напаччайаниддесаван̣н̣ана̄

17. джха̄напаччайаниддесе джха̄нан̇га̄нӣти двипан̃чавин̃н̃а̄н̣аваджджесу сесачиттесу уппанна̄ни витаккавича̄рапӣтисоманассадоманассупеккха̄читтекаггата̄сан̇кха̄та̄ни сатта ан̇га̄ни. пан̃чаннам̣ пана вин̃н̃а̄н̣ака̄йа̄нам̣ абхинипа̄таматтатта̄ тесу виджджама̄на̄нипи упеккха̄сукхадуккха̄ни упаниджджха̄на̄ка̄расса абха̄вато джха̄нан̇га̄нӣти на уддхат̣а̄ни. таттха паччхиннатта̄ пана сеса̄хетукесупи джха̄нан̇гам̣ на уддхат̣амева. там̣самут̣т̣ха̄на̄нанти идха̄пи кат̣атта̄рӯпам̣ сан̇гахитанти ведитаббам̣. вуттан̃хетам̣ пан̃ха̄ва̄ре – ‘‘пат̣исандхиккхан̣е випа̄ка̄бйа̄ката̄ни джха̄нан̇га̄ни сампайуттака̄нам̣ кхандха̄нам̣ кат̣атта̄ ча рӯпа̄нам̣ джха̄напаччайена паччайо’’ти. айам̣ та̄веттха па̄л̣иван̣н̣ана̄. айам̣ пана джха̄напаччайо саттаннам̣ джха̄нан̇га̄нам̣ васена т̣хитопи джа̄тибхедато кусала̄кусалавипа̄какирийавасена чатудха̄ бхиджджати, пуна бхӯмивасена чатудха̄; екадха̄, чатудха̄, тидха̄ти два̄дасадха̄ бхиджджатӣти еваметтха на̄наппака̄рабхедато вин̃н̃а̄таббо виниччхайо.

евам̣ бхинне панеттха чатубхӯмакампи кусаладжха̄нан̇гам̣ пан̃чавока̄ре сампайуттадхамма̄нан̃чева читтасамут̣т̣ха̄нарӯпасса ча, т̣хапетва̄ рӯпа̄вачарам̣ авасесам̣ а̄руппе сампайуттадхамма̄нан̃н̃ева джха̄напаччайена паччайо. акусалепи есева найо. ка̄ма̄вачарарӯпа̄вачаравипа̄кам̣ паватте сампайуттадхамма̄нан̃чева читтасамут̣т̣ха̄нарӯпасса ча, пат̣исандхийам̣ сампайуттадхамма̄нан̃чева кат̣атта̄рӯпасса ча, а̄руппавипа̄кам̣ сампайуттадхамма̄нан̃н̃ева, йан̃ча а̄руппе локуттаравипа̄кам̣ уппаджджати, тан̃ча. пан̃чавока̄ре пана там̣ читтасамут̣т̣ха̄нарӯпассапи джха̄напаччайена паччайо хоти. тебхӯмакампи кирийаджха̄нан̇гам̣ пан̃чавока̄ре сампайуттадхамма̄нан̃чева читтасамут̣т̣ха̄нарӯпасса ча. йам̣ панеттха а̄руппе уппаджджати, там̣ сампайуттадхамма̄нан̃н̃ева джха̄напаччайена паччайоти еваметтха паччайуппаннатопи вин̃н̃а̄таббо виниччхайоти.

джха̄напаччайаниддесаван̣н̣ана̄.