8. каммакатха̄ван̣н̣ана̄

889-891. ида̄ни каммакатха̄ на̄ма хоти. таттха ‘‘йасма̄ дит̣т̣хадхаммаведанӣйа̄дӣни дит̣т̣хадхаммаведанӣйат̣т̣ха̄дӣхи нийата̄ни, тасма̄ саббе камма̄ нийата̄’’ти йесам̣ ладдхи, сеййатха̄пи тесан̃н̃ева; те сандха̄йа пуччха̄ сакава̄дисса, пат̣ин̃н̃а̄ итарасса. дит̣т̣хадхаммаведанӣйат̣т̣хена нийатанти еттха дит̣т̣хадхаммаведанӣйам̣ дит̣т̣хадхаммаведанӣйат̣т̣хамева. саче дит̣т̣хева дхамме випа̄кам̣ да̄тум̣ саккоти дети, но че ахосикаммам̣ на̄ма хотӣти имаматтхам̣ сандха̄йа пат̣ин̃н̃а̄ сакава̄дисса. миччхаттасамматтанийа̄мавасена панетам̣ анийатамева̄ти саббам̣ хет̣т̣ха̄ вуттанайенева ведитаббанти.

каммакатха̄ван̣н̣ана̄.

екавӣсатимо вагго.