2. н̃а̄н̣акатха̄ван̣н̣ана̄

863-865. ида̄ни н̃а̄н̣акатха̄ на̄ма хоти. таттха дувидхам̣ н̃а̄н̣ам̣ – локийан̃ча локуттаран̃ча. локийам̣ сама̄паттин̃а̄н̣ампи хоти да̄на̄дивасена паваттам̣ каммассакатан̃а̄н̣ампи; локуттарам̣ саччапариччхедакам̣ магган̃а̄н̣ампи пхалан̃а̄н̣ампи. имам̣ пана вибха̄гам̣ акатва̄ ‘‘саччапариччхедакамева н̃а̄н̣ам̣ на итарам̣, тасма̄ наттхи путхуджджанасса н̃а̄н̣а’’нти йесам̣ ладдхи, сеййатха̄пи хетува̄да̄нам̣, те сандха̄йа пуччха̄ сакава̄дисса, пат̣ин̃н̃а̄ итарасса. пан̃н̃а̄тиа̄ди н̃а̄н̣авевачанадассанаттхам̣ вуттам̣. тенетам̣ дӣпети – йади тасса н̃а̄н̣ам̣ наттхи, пан̃н̃а̄дайопи наттхи. атха пан̃н̃а̄дайо аттхи, н̃а̄н̣ампи аттхи. касма̄? пан̃н̃а̄дӣнам̣ н̃а̄н̣ато анан̃н̃атта̄ти. пат̣хамам̣ джха̄нантиа̄ди сама̄паттин̃а̄н̣асса дассанаттхам̣ вуттам̣. да̄нам̣ дадеййа̄тиа̄ди каммассакатан̃а̄н̣асса. дуккхам̣ париджа̄на̄тӣти локуттарамагган̃а̄н̣амева дӣпети, на ча локуттарамева н̃а̄н̣анти.

н̃а̄н̣акатха̄ван̣н̣ана̄.