1. кусала̄кусалапат̣исандаханакатха̄ван̣н̣ана̄

686-690. ида̄ни кусала̄кусалапат̣исандаханакатха̄ на̄ма хоти. таттха кусалам̣ ва̄ акусаласса, акусалам̣ ва̄ кусаласса анантара̄ уппаджджанакам̣ на̄ма наттхӣти тесам̣ ан̃н̃аман̃н̃ам̣ пат̣исандха̄нам̣ на йуджджати. йе пана йасма̄ екаваттхусмин̃н̃ева раджджати вираджджати ча, тасма̄ там̣ ан̃н̃аман̃н̃ам̣ пат̣исандахатӣти ладдхим̣ гахетва̄ т̣хита̄, сеййатха̄пи маха̄сан̇гхика̄; те сандха̄йа пуччха̄ сакава̄дисса; пат̣ин̃н̃а̄ итарасса. а̄ват̣т̣ана̄ пан̣идхӣти убхайам̣ а̄ваджджанассева на̄мам̣. тан̃хи бхаван̇гам̣ а̄ват̣т̣етӣти а̄ват̣т̣ана̄. бхаван̇га̄рамман̣ато ан̃н̃асмим̣ а̄рамман̣е читтам̣ пан̣идахати т̣хапетӣти пан̣идхи. кусалам̣ ана̄ват̣т̣ентасса̄ти йам̣ там̣ акусала̄нантарам̣ пат̣исандахантам̣ кусалам̣ уппаджджати, там̣ ана̄ват̣т̣ентасса уппаджджатӣти пуччхати. итаро пана вина̄ а̄ваджджанена кусаласса уппаттим̣ апассанто пат̣иккхипати. кусалам̣ айонисо манасикарототи идам̣ йади акусала̄нантарам̣ кусалам̣ уппаджджеййа, акусалассева а̄ваджджанена айонисо манасикарото уппаджджеййа̄ти чоданаттхам̣ вуттам̣. сесам̣ йатха̄па̄л̣имева ниййа̄ти. нану йасмим̣йева ваттхусминти вачанам̣ ека̄рамман̣е сара̄гавира̄гуппаттим̣ дӣпети, на кусала̄кусала̄нам̣ анантаратам̣, тасма̄ аса̄дхаканти.

кусала̄кусалапат̣исандаханакатха̄ван̣н̣ана̄.