2. сал̣а̄йатануппаттикатха̄ван̣н̣ана̄

691-692. ида̄ни сал̣а̄йатануппаттикатха̄ на̄ма хоти. таттха упапаттесийена пат̣исандхичиттена сахева опапа̄тика̄нам̣ сал̣а̄йатанам̣ уппаджджати. габбхасеййака̄нам̣ аджджхаттика̄йатанесу мана̄йатанака̄йа̄йатана̄нева пат̣исандхиккхан̣е уппаджджанти. сеса̄ни чатта̄ри саттасаттатираттимхи. та̄ни ча кхо йена каммуна̄ пат̣исандхи гахита̄, тассева ан̃н̃асса ва̄ кататта̄ти айам̣ сакасамайе ва̄до. йесам̣ пана екакаммасамбхаватта̄ сампаннаса̄кха̄вит̣апа̄нам̣ руккха̄дӣнам̣ ам̣куро вийа бӣджаматтам̣ сал̣а̄йатанам̣ ма̄тукуччхисмим̣ пат̣исандхиккхан̣ейева уппаджджатӣти ладдхи, сеййатха̄пи пуббаселийа̄нам̣; те сандха̄йа сал̣а̄йатананти пуччха̄ сакава̄дисса, пат̣ин̃н̃а̄ итарасса. саббан̇гапаччан̇гӣтиа̄ди сал̣а̄йатане сати еварӯпо хутва̄ оккамеййа̄ти чоданаттхам̣ вуттам̣. ма̄тукуччхигатасса̄ти пуччха̄ парава̄дисса. парато ма̄тукуччхигатасса паччха̄ кеса̄ти пуччха̄ сакава̄дисса. сесаметтха утта̄наттхамева̄ти.

сал̣а̄йатануппаттикатха̄ван̣н̣ана̄.