7. сама̄панно асса̄детӣтикатха̄ван̣н̣ана̄

671-673. ида̄ни сама̄панно асса̄детӣтикатха̄ на̄ма хоти. таттха ‘‘пат̣хамам̣ джха̄нам̣ упасампаджджа вихарати, со тадасса̄детӣ’’тиа̄дивачанам̣ (а. ни. 4.123) нисса̄йа ‘‘сама̄панно асса̄дети, са̄ часса джха̄наниканти джха̄на̄рамман̣а̄ хотӣ’’ти йесам̣ ладдхи, сеййатха̄пи андхака̄нам̣, те сандха̄йа сама̄панноти пуччха̄ сакава̄дисса, пат̣ин̃н̃а̄ итарасса. там̣ джха̄нам̣ тасса джха̄насса а̄рамман̣анти пан̃хесу тассева тада̄рамман̣атам̣ апассанто суттавиродхабхайена пат̣иккхипати, ‘‘тадасса̄детӣ’’тивачанаматтена пат̣иджа̄на̄ти. со тадасса̄детӣти суттам̣ джха̄нала̄бхино джха̄на̄ вут̣т̣ха̄йа джха̄насса̄дам̣ са̄дхети, на антосама̄паттийам̣йева джха̄наникантийа̄ джха̄на̄рамман̣атам̣, тасма̄ аса̄дхаканти.

сама̄панно асса̄детӣтикатха̄ван̣н̣ана̄.