2. каммакатха̄ван̣н̣ана̄

633-635. ида̄ни каммакатха̄ на̄ма хоти. таттха ‘‘на̄хам̣, бхиккхаве, сан̃четаника̄нам̣ камма̄на’’нти (а. ни. 10.217) суттападам̣ нисса̄йа ‘‘саббам̣ каммам̣ савипа̄ка’’нти йесам̣ ладдхи, сеййатха̄пи маха̄сам̣гхика̄нам̣; тесам̣ ‘‘четана̄хам̣, бхиккхаве, каммам̣ вада̄мӣ’’ти (а. ни. 6.63) саттха̄ра̄ ависесена четана̄ ‘‘камма’’нти вутта̄; са̄ ча кусала̄кусала̄ва савипа̄ка̄, абйа̄ката̄ авипа̄ка̄ти имам̣ вибха̄гам̣ дассетум̣ саббам̣ камманти пуччха̄ сакава̄дисса, пат̣ин̃н̃а̄ итарасса. пуна сабба̄ четана̄ти пан̃хесу абйа̄катам̣ сандха̄йа пат̣иккхепо, кусала̄кусале сандха̄йа пат̣ин̃н̃а̄ ведитабба̄. випа̄ка̄бйа̄ката̄тиа̄ди савипа̄ка̄випа̄качетанам̣ сарӯпена дассетум̣ вуттам̣. сесаметтха утта̄наттхамева. ‘‘на̄хам̣, бхиккхаве’’ти суттам̣ сати паччайе дит̣т̣хадхамма̄дӣсу випа̄капат̣исам̣веданам̣ сандха̄йа вуттам̣, тасма̄ аса̄дхаканти.

каммакатха̄ван̣н̣ана̄.