3. саддо випа̄котикатха̄ван̣н̣ана̄

636-637. ида̄ни саддо випа̄котикатха̄ на̄ма хоти. таттха ‘‘со тасса каммасса кататта̄ упачитатта̄ уссаннатта̄ випулатта̄ брахмассаро хотӣ’’тиа̄дӣни (дӣ. ни. 3.236) айонисо гахетва̄ ‘‘саддо випа̄ко’’ти йесам̣ ладдхи, сеййатха̄пи маха̄сам̣гхика̄нам̣; тесам̣ ‘‘каммасамут̣т̣ха̄на̄ арӯпадхамма̄ва випа̄ка̄ти на̄мам̣ лабханти. рӯпадхаммесу пана̄йам̣ воха̄ро наттхӣ’’ти дассетум̣ пуччха̄ сакава̄дисса, пат̣ин̃н̃а̄ итарасса. сукхаведанӣйотиа̄ди ‘‘випа̄ко на̄ма еварӯпо хотӣ’’ти дассанаттхам̣ вуттам̣. ‘‘со тасса каммасса̄’’ти суттам̣ лаккхан̣апат̣ила̄бхадассанаттхам̣ вуттам̣. маха̄пурисо хи каммасса кататта̄ сучипарива̄ропи хоти, на ча парива̄ро випа̄ко, тасма̄ аса̄дхакаметанти.

саддо випа̄котикатха̄ван̣н̣ана̄.