10. патхавӣдха̄тусанидассана̄тиа̄дикатха̄ван̣н̣ана̄

465-470. ида̄ни патхавӣдха̄ту санидассана̄тиа̄дикатха̄ на̄ма хоти. таттха йесам̣ па̄са̄н̣аудакаджа̄ларуккхачалана̄нан̃чева пан̃чиндрийапатит̣т̣хока̄са̄нан̃ча ван̣н̣а̄йатанам̣ ка̄йавин̃н̃аттика̄ле хаттхапа̄да̄дирӯпан̃ча дисва̄ ‘‘патхавӣдха̄туа̄дайо санидассана̄’’ти ладдхи, сеййатха̄пи андхака̄нам̣; те сандха̄йа саббакатха̄су а̄дипуччха̄ сакава̄дисса, пат̣ин̃н̃а̄ итарасса. сесам̣ саббаттха па̄л̣иануса̄рена чева хет̣т̣ха̄ вуттанайена ча ведитаббанти. патхавӣдха̄ту санидассана̄ти а̄дим̣ катва̄ ка̄йакаммам̣ санидассананти парийоса̄накатха̄ нит̣т̣хита̄.

чхат̣т̣хо вагго.