1. гихисса араха̄тикатха̄ван̣н̣ана̄

387. ида̄ни гихисса араха̄ти катха̄ на̄ма хоти. таттха йесам̣ йасакулапутта̄дӣнам̣ гихибйан̃джане т̣хита̄нам̣ арахаттаппаттим̣ дисва̄ ‘‘гихи асса араха̄’’ти ладдхи, сеййатха̄пи етарахи уттара̄патхака̄нам̣; те сандха̄йа пуччха̄ сакава̄дисса. таттха гихисса̄ти йо гихисам̣йоджанасампайуттата̄йа гихи, со арахам̣ асса̄ти аттхо. парава̄дӣ пана адхиппа̄йам̣ асаллаккхетва̄ гихибйан̃джанаматтамева пассанто пат̣иджа̄на̄ти. ида̄нисса ‘‘гихи на̄ма гихисам̣йоджанена хоти, на бйан̃джанаматтена. йатха̄ха бхагава̄ –

‘алан̇като чепи самам̣ чареййа,

санто данто нийато брахмача̄рӣ;

саббесу бхӯтесу нидха̄йа дан̣д̣ам̣,

со бра̄хман̣о со саман̣о са бхиккхӯ’’’ти. (дха. па. 142);

имам̣ найам̣ дассетум̣ аттхи арахатотиа̄ди а̄раддхам̣. там̣ саббам̣ утта̄наттхамева̄ти.

гихисса араха̄тикатха̄ван̣н̣ана̄.