2. упапаттикатха̄ван̣н̣ана̄

388. ида̄ни упапаттикатха̄ на̄ма хоти. таттха йесам̣ ‘‘опапа̄тико хоти таттхапаринибба̄йӣ’’тивачана̄ни (пу. па. 35-40) айонисо гахетва̄ суддха̄ва̄сесу упапаттийа̄ араха̄ти ладдхи, ‘‘йесам̣ ва̄ упахаччапаринибба̄йӣ’’ти падам̣ париваттитва̄ ‘‘упападжджапаринибба̄йӣ’’ти парийа̄пун̣анта̄нам̣ саха упапаттийа̄ араха̄ хотӣти ладдхи, сеййатха̄пи етарахи уттара̄патхака̄нам̣; те сандха̄йа пуччха̄ сакава̄дисса, пат̣ин̃н̃а̄ итарасса. таттха йасма̄ упапаттичиттам̣ на̄ма локийам̣, тена сота̄панна̄дайопи на хонти, пагева араха̄. тасма̄сса имам̣ найам̣ дассетум̣ саха упапаттийа̄ сота̄паннотиа̄ди а̄раддхам̣.

389. са̄рипуттотиа̄ди имесу маха̄тхересу ко екопи саха упапаттийа̄ араха̄ на̄ма̄ти чоданаттхам̣ вуттам̣.

390. упапаттесийена̄ти пат̣исандхичиттена. тан̃хи упапаттим̣ есати гавесати, тасма̄ упапаттесийанти вуччати. сесаметтха утта̄наттхамева̄ти.

упапаттикатха̄ван̣н̣ана̄.