58. тена

локийа̄ти парасаддасаттхака̄ре сандха̄йа̄ха. иха ту ависесена вуттанти самбандхо. нируттийам̣ са̄ман̃н̃ена вуттатта̄ти йоджана̄. са̄ман̃н̃ена вутта̄ка̄рам̣ дассетум̣ ‘катха’нтиа̄ди вуттам̣. девехи датто брахмуна̄ даттотиа̄дӣни каттари каран̣е ва̄ виггахава̄кйа̄ни. девадатто девадаттико девийо девалотиа̄дӣни вуттипада̄ни.

таттха нируттипит̣ака̄гата̄нам̣ ‘девадатта̄ девадаттико’тиа̄дӣнам̣ вуттипада̄наман̃н̃атха̄ ниппхаттимупадассийа девало девийотиа̄дӣнампана вачанантаренева ниппхаттим̣ дассетум̣ ‘девехи датто’тиа̄ди вуттам̣. парасаддасаттхака̄ра̄нампи девало девийоти вачанантаренева са̄дханам̣ са̄дхана̄ка̄ран̃ча тесам̣ дассетум̣ ‘кечӣхӣ’тиа̄ди вуттам̣. екадесатойева паччайамиччханти тена тесам̣ девало девийо датти лочча̄ди бхавати. каппана̄га̄равоти даттасаддалопана̄мекадесавасена каппана̄га̄раво.