𑁭. 𑀲𑀁𑀯𑀺𑀥𑀸𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁪𑁧𑁨. ‘‘𑀢𑁂𑀦 𑀔𑁄 𑀧𑀦 𑀲𑀫𑀬𑁂𑀦 𑀅𑀜𑁆𑀜𑀢𑀭𑀸 𑀇𑀢𑁆𑀣𑀻’’𑀢𑀺 𑀘 𑀧𑀸𑀞𑁄 𑀅𑀢𑁆𑀣𑀺, 𑀓𑁂𑀲𑀼𑀘𑀺 𑀦𑀢𑁆𑀣𑀺. 𑀦𑀢𑁆𑀣𑀺𑀪𑀸𑀯𑁄 𑀲𑀼𑀦𑁆𑀤𑀭𑁄 ‘‘𑀢𑁂𑀦 𑀔𑁄 𑀲𑀫𑀬𑁂𑀦𑀸’’𑀢𑀺 𑀅𑀥𑀺𑀓𑀸𑀭𑀢𑁆𑀢𑀸𑀢𑀺 𑀓𑁂𑀘𑀺. 𑀇𑀥 𑀏𑀓𑀢𑁄𑀉𑀧𑀲𑀫𑁆𑀧𑀦𑁆𑀦𑀸, 𑀲𑀺𑀓𑁆𑀔𑀫𑀸𑀦𑀸, 𑀲𑀸𑀫𑀡𑁂𑀭𑀻𑀢𑀺 𑀇𑀫𑀸𑀧𑀺 𑀢𑀺𑀲𑁆𑀲𑁄 𑀲𑀗𑁆𑀕𑀳𑀁 𑀕𑀘𑁆𑀙𑀦𑁆𑀢𑀺. 𑀇𑀫𑀸𑀲𑀁 𑀧𑀦 𑀲𑀫𑀬𑁄 𑀭𑀓𑁆𑀔𑀢𑀺, 𑀅𑀬𑀫𑀺𑀫𑀸𑀲𑀁, 𑀫𑀸𑀢𑀼𑀕𑀸𑀫𑀲𑁆𑀲 𑀘 𑀯𑀺𑀲𑁂𑀲𑁄.

𑁪𑁧𑁪. 𑀅𑀧𑀺𑀘𑁂𑀢𑁆𑀣 ‘‘𑀯𑀺𑀜𑁆𑀜𑀽 𑀧𑀝𑀺𑀩𑀮𑀸’’𑀢𑀺 𑀯𑀘𑀦𑀢𑁄 𑀅𑀧𑁆𑀧𑀝𑀺𑀩𑀮𑀸 𑀅𑀦𑀸𑀧𑀢𑁆𑀢𑀺𑀯𑀢𑁆𑀣𑀼𑀓𑀸𑀢𑀺 𑀏𑀓𑁂, 𑀢𑀁 𑀦 𑀬𑀼𑀢𑁆𑀢𑀁 𑀤𑀼𑀓𑁆𑀓𑀝𑀯𑀢𑁆𑀣𑀼𑀓𑀢𑁆𑀢𑀸. ‘‘𑀪𑀺𑀓𑁆𑀔𑀼 𑀲𑀁𑀯𑀺𑀤𑀳𑀢𑀺, 𑀫𑀸𑀢𑀼𑀕𑀸𑀫𑁄 𑀦 𑀲𑀁𑀯𑀺𑀤𑀳𑀢𑀺, 𑀆𑀧𑀢𑁆𑀢𑀺 𑀤𑀼𑀓𑁆𑀓𑀝𑀲𑁆𑀲𑀸’’𑀢𑀺 𑀳𑀺 𑀯𑀼𑀢𑁆𑀢𑀁. 𑀢𑀣𑀸 𑀳𑀺 𑀉𑀧𑀧𑀭𑀺𑀓𑁆𑀔𑀺𑀢𑀩𑁆𑀩𑀁.

𑀲𑀁𑀯𑀺𑀥𑀸𑀦𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.