𑁮. 𑀅𑀭𑀺𑀝𑁆𑀞𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁪𑁧𑁭. 𑀕𑀳𑀝𑁆𑀞𑀲𑁆𑀲𑀸𑀧𑀺 𑀪𑀺𑀓𑁆𑀔𑀼𑀦𑀻𑀤𑀽𑀲𑀓𑀓𑀫𑁆𑀫𑀁 𑀫𑁄𑀓𑁆𑀔𑀦𑁆𑀢𑀭𑀸𑀬𑀺𑀓𑀫𑁂𑀯, 𑀢𑀲𑁆𑀫𑀸 𑀢𑀲𑁆𑀲 𑀧𑀩𑁆𑀩𑀚𑁆𑀚𑀸𑀧𑀺 𑀧𑀝𑀺𑀓𑁆𑀔𑀺𑀢𑁆𑀢𑀸. 𑀯𑀺𑀧𑀸𑀓𑀦𑁆𑀢𑀭𑀸𑀬𑀺𑀓𑀸 𑀅𑀳𑁂𑀢𑀼𑀓𑀢𑁆𑀢𑀸. 𑀧𑀼𑀩𑁆𑀩𑁂 𑀲𑀜𑁆𑀘𑀺𑀘𑁆𑀘 𑀆𑀧𑀦𑁆𑀦𑀸 𑀲𑀫𑁆𑀫𑀼𑀝𑁆𑀞𑀸 𑀲𑀼𑀤𑁆𑀥𑀲𑀜𑁆𑀜𑀺𑀦𑁄 𑀅𑀦𑁆𑀢𑀭𑀸𑀬𑀺𑀓𑀸 𑀏𑀯. 𑀲𑁂𑀲𑀸𑀢𑀺 𑀚𑀸𑀢𑀺𑀓𑀸. 𑀭𑀲𑁂𑀦𑀸𑀢𑀺 𑀪𑀸𑀯𑁂𑀦. 𑀅𑀥𑀺𑀓𑀼𑀝𑁆𑀝𑀦𑀝𑁆𑀞𑁂𑀦𑀸𑀢𑀺 𑀅𑀥𑀺𑀓𑀭𑀡𑀁 𑀓𑀢𑁆𑀯𑀸 𑀓𑀼𑀝𑁆𑀝𑀦𑀝𑁆𑀞𑁂𑀦 𑀙𑀺𑀦𑁆𑀤𑀦𑀝𑁆𑀞𑁂𑀦. 𑀅𑀲𑀺𑀲𑀽𑀦𑀽𑀧𑀫𑀸 𑀓𑀼𑀲𑀮𑀥𑀫𑁆𑀫𑀘𑁆𑀙𑁂𑀤𑀦𑀝𑁆𑀞𑁂𑀦. 𑀲𑀢𑁆𑀢𑀺𑀲𑀽𑀮𑀽𑀧𑀫𑀸 𑀘𑀺𑀢𑁆𑀢𑀯𑀺𑀢𑀼𑀤𑀦𑀝𑁆𑀞𑁂𑀦𑀸𑀢𑀺 𑀧𑁄𑀭𑀸𑀡𑀸. 𑀅𑀦𑀸𑀧𑀢𑁆𑀢𑀺𑀧𑀸𑀴𑀺𑀬𑀁 ‘‘𑀆𑀤𑀺𑀓𑀫𑁆𑀫𑀺𑀓𑀲𑁆𑀲𑀸’’𑀢𑀺 𑀫𑀼𑀔𑀸𑀭𑀼𑀴𑁆𑀳𑀯𑀲𑁂𑀦 𑀮𑀺𑀔𑀺𑀢𑀁.

𑀅𑀭𑀺𑀝𑁆𑀞𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.