𑁩𑁭𑁧. 𑀤𑀻𑀖𑀻𑀢𑀺𑀓𑁄𑀲𑀮𑀚𑀸𑀢𑀓𑀁 (𑁫-𑁩-𑁧)

𑁧𑁧𑁦. 𑀏𑀯𑀁𑀪𑀽𑀢𑀲𑁆𑀲 𑀢𑁂 𑀭𑀸𑀚, 𑀆𑀕𑀢𑀲𑁆𑀲 𑀯𑀲𑁂 [𑀯𑀲𑁄 (𑀧𑀻. 𑀓.)] 𑀫𑀫;

𑀅𑀢𑁆𑀣𑀺 𑀦𑀼 𑀓𑁄𑀘𑀺 𑀧𑀭𑀺𑀬𑀸𑀬𑁄, 𑀬𑁄 𑀢𑀁 𑀤𑀼𑀓𑁆𑀔𑀸 𑀧𑀫𑁄𑀘𑀬𑁂.

𑁧𑁧𑁧. 𑀏𑀯𑀁𑀪𑀽𑀢𑀲𑁆𑀲 𑀫𑁂 𑀢𑀸𑀢, 𑀆𑀕𑀢𑀲𑁆𑀲 𑀯𑀲𑁂 𑀢𑀯;

𑀦𑀢𑁆𑀣𑀺 𑀦𑁄 𑀓𑁄𑀘𑀺 𑀧𑀭𑀺𑀬𑀸𑀬𑁄, 𑀬𑁄 𑀫𑀁 𑀤𑀼𑀓𑁆𑀔𑀸 𑀧𑀫𑁄𑀘𑀬𑁂.

𑁧𑁧𑁨. 𑀦𑀸𑀜𑁆𑀜𑀁 𑀲𑀼𑀘𑀭𑀺𑀢𑀁 𑀭𑀸𑀚, 𑀦𑀸𑀜𑁆𑀜𑀁 𑀭𑀸𑀚 𑀲𑀼𑀪𑀸𑀲𑀺𑀢𑀁;

𑀢𑀸𑀬𑀢𑁂 𑀫𑀭𑀡𑀓𑀸𑀮𑁂, 𑀏𑀯𑀫𑁂𑀯𑀺𑀢𑀭𑀁 𑀥𑀦𑀁.

𑁧𑁧𑁩. 𑀅𑀓𑁆𑀓𑁄𑀘𑁆𑀙𑀺 𑀫𑀁 𑀅𑀯𑀥𑀺 𑀫𑀁, 𑀅𑀚𑀺𑀦𑀺 𑀫𑀁 𑀅𑀳𑀸𑀲𑀺 𑀫𑁂;

𑀬𑁂 𑀘 𑀢𑀁 𑀉𑀧𑀦𑀬𑁆𑀳𑀦𑁆𑀢𑀺, 𑀯𑁂𑀭𑀁 𑀢𑁂𑀲𑀁 𑀦 𑀲𑀫𑁆𑀫𑀢𑀺.

𑁧𑁧𑁪. 𑀅𑀓𑁆𑀓𑁄𑀘𑁆𑀙𑀺 𑀫𑀁 𑀅𑀯𑀥𑀺 𑀫𑀁, 𑀅𑀚𑀺𑀦𑀺 𑀫𑀁 𑀅𑀳𑀸𑀲𑀺 𑀫𑁂;

𑀬𑁂 𑀘 𑀢𑀁 𑀦𑀼𑀧𑀦𑀬𑁆𑀳𑀦𑁆𑀢𑀺, 𑀯𑁂𑀭𑀁 𑀢𑁂𑀲𑀽𑀧𑀲𑀫𑁆𑀫𑀢𑀺.

𑁧𑁧𑁫. 𑀦 𑀳𑀺 𑀯𑁂𑀭𑁂𑀦 𑀯𑁂𑀭𑀸𑀦𑀺, 𑀲𑀫𑁆𑀫𑀦𑁆𑀢𑀻𑀥 𑀓𑀼𑀤𑀸𑀘𑀦𑀁;

𑀅𑀯𑁂𑀭𑁂𑀦 𑀘 𑀲𑀫𑁆𑀫𑀦𑁆𑀢𑀺, 𑀏𑀲 𑀥𑀫𑁆𑀫𑁄 𑀲𑀦𑀦𑁆𑀢𑀦𑁄𑀢𑀺.

𑀤𑀻𑀖𑀻𑀢𑀺𑀓𑁄𑀲𑀮𑀚𑀸𑀢𑀓𑀁 𑀧𑀞𑀫𑀁.