𑁩𑁬𑁪. 𑀔𑀚𑁆𑀚𑁄𑀧𑀦𑀓𑀚𑀸𑀢𑀓𑀁 (𑁫-𑁨-𑁪)

𑁭𑁫. 𑀓𑁄 𑀦𑀼 𑀲𑀦𑁆𑀢𑀫𑁆𑀳𑀺 𑀧𑀚𑁆𑀚𑁄𑀢𑁂, 𑀅𑀕𑁆𑀕𑀺𑀧𑀭𑀺𑀬𑁂𑀲𑀦𑀁 𑀘𑀭𑀁;

𑀅𑀤𑁆𑀤𑀓𑁆𑀔𑀺 𑀭𑀢𑁆𑀢𑀺 [𑀭𑀢𑁆𑀢𑀺𑀁 (𑀲𑁆𑀬𑀸.)] 𑀔𑀚𑁆𑀚𑁄𑀢𑀁, 𑀚𑀸𑀢𑀯𑁂𑀤𑀁 𑀅𑀫𑀜𑁆𑀜𑀣.

𑁭𑁬. 𑀲𑁆𑀯𑀲𑁆𑀲 𑀕𑁄𑀫𑀬𑀘𑀼𑀡𑁆𑀡𑀸𑀦𑀺, 𑀅𑀪𑀺𑀫𑀢𑁆𑀣𑀁 𑀢𑀺𑀡𑀸𑀦𑀺 𑀘;

𑀯𑀺𑀧𑀭𑀻𑀢𑀸𑀬 𑀲𑀜𑁆𑀜𑀸𑀬, 𑀦𑀸𑀲𑀓𑁆𑀔𑀺 𑀧𑀚𑁆𑀚𑀮𑁂𑀢𑀯𑁂.

𑁭𑁭. 𑀏𑀯𑀫𑁆𑀧𑀺 𑀅𑀦𑀼𑀧𑀸𑀬𑁂𑀦, 𑀅𑀢𑁆𑀣𑀁 𑀦 𑀮𑀪𑀢𑁂 𑀫𑀺𑀕𑁄 [𑀫𑀽𑀕𑁄 (𑀲𑁆𑀬𑀸.)];

𑀯𑀺𑀲𑀸𑀡𑀢𑁄 𑀕𑀯𑀁 𑀤𑁄𑀳𑀁, 𑀬𑀢𑁆𑀣 𑀔𑀻𑀭𑀁 𑀦 𑀯𑀺𑀦𑁆𑀤𑀢𑀺.

𑁭𑁮. 𑀯𑀺𑀯𑀺𑀥𑁂𑀳𑀺 𑀉𑀧𑀸𑀬𑁂𑀳𑀺, 𑀅𑀢𑁆𑀣𑀁 𑀧𑀧𑁆𑀧𑁄𑀦𑁆𑀢𑀺 𑀫𑀸𑀡𑀯𑀸;

𑀦𑀺𑀕𑁆𑀕𑀳𑁂𑀦 𑀅𑀫𑀺𑀢𑁆𑀢𑀸𑀦𑀁, 𑀫𑀺𑀢𑁆𑀢𑀸𑀦𑀁 𑀧𑀕𑁆𑀕𑀳𑁂𑀦 𑀘.

𑁭𑁯. 𑀲𑁂𑀦𑀸𑀫𑁄𑀓𑁆𑀔𑀧𑀮𑀸𑀪𑁂𑀦 [𑀲𑁂𑀦𑀻 𑀫𑁄𑀓𑁆𑀔𑀽𑀧𑀮𑀸𑀪𑁂𑀦 (𑀲𑁆𑀬𑀸.)], 𑀯𑀮𑁆𑀮𑀪𑀸𑀦𑀁 𑀦𑀬𑁂𑀦 𑀘;

𑀚𑀕𑀢𑀺𑀁 𑀚𑀕𑀢𑀺𑀧𑀸𑀮𑀸, 𑀆𑀯𑀲𑀦𑁆𑀢𑀺 𑀯𑀲𑀼𑀦𑁆𑀥𑀭𑀦𑁆𑀢𑀺.

𑀔𑀚𑁆𑀚𑁄𑀧𑀦𑀓𑀚𑀸𑀢𑀓𑀁 𑀘𑀢𑀼𑀢𑁆𑀣𑀁.