𑁩𑁬𑁫. 𑀅𑀳𑀺𑀢𑀼𑀡𑁆𑀟𑀺𑀓𑀚𑀸𑀢𑀓𑀁 (𑁫-𑁨-𑁫)

𑁮𑁦. 𑀥𑀼𑀢𑁆𑀢𑁄𑀫𑁆𑀳𑀺 𑀲𑀫𑁆𑀫 𑀲𑀼𑀫𑀼𑀔, 𑀚𑀽𑀢𑁂 𑀅𑀓𑁆𑀔𑀧𑀭𑀸𑀚𑀺𑀢𑁄;

𑀳𑀭𑁂𑀳𑀺 [𑀲𑁂𑀯𑁂𑀳𑀺 (𑀧𑀻.)] 𑀅𑀫𑁆𑀩𑀧𑀓𑁆𑀓𑀸𑀦𑀺, 𑀯𑀻𑀭𑀺𑀬𑀁 𑀢𑁂 𑀪𑀓𑁆𑀔𑀬𑀸𑀫𑀲𑁂.

𑁮𑁧. 𑀅𑀮𑀺𑀓𑀁 𑀯𑀢 𑀫𑀁 𑀲𑀫𑁆𑀫, 𑀅𑀪𑀽𑀢𑁂𑀦 𑀧𑀲𑀁𑀲𑀲𑀺;

𑀓𑁄 𑀢𑁂 𑀲𑀼𑀢𑁄 𑀯𑀸 𑀤𑀺𑀝𑁆𑀞𑁄 𑀯𑀸, 𑀲𑀼𑀫𑀼𑀔𑁄 𑀦𑀸𑀫 𑀫𑀓𑁆𑀓𑀝𑁄.

𑁮𑁨. 𑀅𑀚𑁆𑀚𑀸𑀧𑀺 𑀫𑁂 𑀢𑀁 𑀫𑀦𑀲𑀺 [𑀢𑁂 𑀫𑀁 𑀲𑀭𑀲𑀺 (𑀓.)], 𑀬𑀁 𑀫𑀁 𑀢𑁆𑀯𑀁 𑀅𑀳𑀺𑀢𑀼𑀡𑁆𑀟𑀺𑀓;

𑀥𑀜𑁆𑀜𑀸𑀧𑀡𑀁 𑀧𑀯𑀺𑀲𑀺𑀢𑁆𑀯𑀸, 𑀫𑀢𑁆𑀢𑁄 [𑀫𑀼𑀢𑁆𑀢𑁄 (𑀓.)] 𑀙𑀸𑀢𑀁 𑀳𑀦𑀸𑀲𑀺 𑀫𑀁.

𑁮𑁩. 𑀢𑀸𑀳𑀁 𑀲𑀭𑀁 𑀤𑀼𑀓𑁆𑀔𑀲𑁂𑀬𑁆𑀬𑀁, 𑀅𑀧𑀺 𑀭𑀚𑁆𑀚𑀫𑁆𑀧𑀺 𑀓𑀸𑀭𑀬𑁂;

𑀦𑁂𑀯𑀸𑀳𑀁 𑀬𑀸𑀘𑀺𑀢𑁄 𑀤𑀚𑁆𑀚𑀁, 𑀢𑀣𑀸 𑀳𑀺 𑀪𑀬𑀢𑀚𑁆𑀚𑀺𑀢𑁄.

𑁮𑁪. 𑀬𑀜𑁆𑀘 𑀚𑀜𑁆𑀜𑀸 𑀓𑀼𑀮𑁂 𑀚𑀸𑀢𑀁, 𑀕𑀩𑁆𑀪𑁂 𑀢𑀺𑀢𑁆𑀢𑀁 𑀅𑀫𑀘𑁆𑀙𑀭𑀺𑀁;

𑀢𑁂𑀦 𑀲𑀔𑀺𑀜𑁆𑀘 𑀫𑀺𑀢𑁆𑀢𑀜𑁆𑀘, 𑀥𑀻𑀭𑁄 𑀲𑀦𑁆𑀥𑀸𑀢𑀼𑀫𑀭𑀳𑀢𑀻𑀢𑀺.

𑀅𑀳𑀺𑀢𑀼𑀡𑁆𑀟𑀺𑀓𑀚𑀸𑀢𑀓𑀁 𑀧𑀜𑁆𑀘𑀫𑀁.