𑁨𑁧𑁦. 𑀓𑀦𑁆𑀤𑀕𑀮𑀓𑀚𑀸𑀢𑀓𑀁 (𑁨-𑁬-𑁧𑁦)

𑁧𑁧𑁯. 𑀅𑀫𑁆𑀪𑁄 𑀓𑁄 𑀦𑀸𑀫 𑀬𑀁 𑀭𑀼𑀓𑁆𑀔𑁄, 𑀲𑀺𑀦𑁆𑀦𑀧𑀢𑁆𑀢𑁄 [𑀲𑀻𑀦𑀧𑀢𑁆𑀢𑁄 (𑀲𑀻. 𑀧𑀻.)] 𑀲𑀓𑀡𑁆𑀝𑀓𑁄;

𑀬𑀢𑁆𑀣 𑀏𑀓𑀧𑁆𑀧𑀳𑀸𑀭𑁂𑀦, 𑀉𑀢𑁆𑀢𑀫𑀗𑁆𑀕𑀁 𑀯𑀺𑀪𑀺𑀚𑁆𑀚𑀺𑀢𑀁 [𑀯𑀺𑀲𑀸𑀝𑀺𑀓𑀁 (𑀲𑀻. 𑀲𑁆𑀬𑀸. 𑀧𑀻.), 𑀯𑀺𑀖𑀸𑀝𑀺𑀢𑀁 (𑀲𑀻. 𑀦𑀺𑀬𑁆𑀬)].

𑁧𑁨𑁦. 𑀅𑀘𑀸𑀭𑀺 𑀯𑀢𑀸𑀬𑀁 𑀯𑀺𑀢𑀼𑀤𑀁 𑀯𑀦𑀸𑀦𑀺, 𑀓𑀝𑁆𑀞𑀗𑁆𑀕𑀭𑀼𑀓𑁆𑀔𑁂𑀲𑀼 𑀅𑀲𑀸𑀭𑀓𑁂𑀲𑀼;

𑀅𑀣𑀸𑀲𑀤𑀸 𑀔𑀤𑀺𑀭𑀁 𑀚𑀸𑀢𑀲𑀸𑀭𑀁 [𑀚𑀸𑀢𑀺𑀲𑀸𑀭𑀁 (𑀓.)], 𑀬𑀢𑁆𑀣𑀩𑁆𑀪𑀺𑀤𑀸 𑀕𑀭𑀼𑀴𑁄 𑀉𑀢𑁆𑀢𑀫𑀗𑁆𑀕𑀦𑁆𑀢𑀺.

𑀓𑀦𑁆𑀤𑀕𑀮𑀓 [𑀓𑀦𑁆𑀤𑀮𑀓 (𑀓.)] 𑀚𑀸𑀢𑀓𑀁 𑀤𑀲𑀫𑀁.

𑀦𑀢𑀁𑀤𑀴𑁆𑀳𑀯𑀕𑁆𑀕𑁄 𑀙𑀝𑁆𑀞𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀤𑀴𑁆𑀳𑀩𑀦𑁆𑀥𑀦 𑀳𑀁𑀲𑀯𑀭𑁄 𑀘 𑀧𑀼𑀦, 𑀯𑀺𑀭𑀽𑀧𑀓𑁆𑀔 𑀲𑀯𑀺𑀝𑁆𑀞𑀓 𑀫𑀘𑁆𑀙𑀯𑀭𑁄;

𑀲𑀓𑀼𑀭𑀼𑀗𑁆𑀕 𑀲𑀅𑀲𑁆𑀲𑀓 𑀅𑀫𑁆𑀩𑀯𑀭𑁄, 𑀧𑀼𑀦 𑀓𑀼𑀓𑁆𑀓𑀼𑀝𑀓𑁄 𑀕𑀭𑀼𑀴𑁂𑀦 𑀤𑀲𑀸𑀢𑀺.