𑁯. 𑀦𑀯𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁧𑁧𑁫𑁮. 𑀦𑀯𑀫𑁂 𑁋 𑀲𑁄𑀓𑀸𑀯𑀸𑀲𑀦𑁆𑀢𑀺 𑀲𑀗𑁆𑀓𑁂𑀢𑀁 𑀓𑀢𑁆𑀯𑀸 𑀅𑀕𑀘𑁆𑀙𑀫𑀸𑀦𑀸 𑀧𑀼𑀭𑀺𑀲𑀸𑀦𑀁 𑀅𑀦𑁆𑀢𑁄 𑀲𑁄𑀓𑀁 𑀧𑀯𑁂𑀲𑁂𑀢𑀻𑀢𑀺 𑀲𑁄𑀓𑀸𑀯𑀸𑀲𑀸, 𑀢𑀁 𑀲𑁄𑀓𑀸𑀯𑀸𑀲𑀁. 𑀢𑁂𑀦𑁂𑀯𑀸𑀳 𑁋 ‘‘𑀲𑁄𑀓𑀸𑀯𑀸𑀲𑀸 𑀦𑀸𑀫 𑀧𑀭𑁂𑀲𑀁 𑀤𑀼𑀓𑁆𑀔𑀁 𑀉𑀧𑁆𑀧𑀸𑀤𑁂𑀢𑀻’’𑀢𑀺. 𑀅𑀣 𑀯𑀸 𑀖𑀭𑀁 𑀯𑀺𑀬 𑀖𑀭𑀲𑀸𑀫𑀺𑀓𑀸, 𑀅𑀬𑀫𑁆𑀧𑀺 𑀧𑀼𑀭𑀺𑀲𑀲𑀫𑀸𑀕𑀫𑀁 𑀅𑀮𑀪𑀫𑀸𑀦𑀸 𑀲𑁄𑀓𑀁 𑀆𑀯𑀺𑀲𑀢𑀺. 𑀇𑀢𑀺 𑀬𑀁 𑀆𑀯𑀺𑀲𑀢𑀺, 𑀲𑁆𑀯𑀸𑀲𑁆𑀲𑀸 𑀆𑀯𑀸𑀲𑁄 𑀳𑁄𑀢𑀻𑀢𑀺 𑀲𑁄𑀓𑀸𑀯𑀸𑀲𑀸. 𑀢𑁂𑀦𑀸𑀳 𑁋 ‘‘𑀲𑁄𑀓𑀁 𑀆𑀯𑀺𑀲𑀢𑀻’’𑀢𑀺. 𑀅𑀚𑀸𑀦𑀦𑁆𑀢𑀻𑀢𑀺 𑀏𑀤𑀺𑀲𑀸 𑀅𑀬𑀦𑁆𑀢𑀺 𑀅𑀚𑀸𑀦𑀫𑀸𑀦𑀸. 𑀲𑁂𑀲𑀁 𑀉𑀢𑁆𑀢𑀸𑀦𑀫𑁂𑀯. 𑀢𑀺𑀲𑀫𑀼𑀝𑁆𑀞𑀸𑀦𑀁 𑁋 𑀓𑀺𑀭𑀺𑀬𑀁, 𑀲𑀜𑁆𑀜𑀸𑀯𑀺𑀫𑁄𑀓𑁆𑀔𑀁, 𑀲𑀘𑀺𑀢𑁆𑀢𑀓𑀁, 𑀧𑀡𑁆𑀡𑀢𑁆𑀢𑀺𑀯𑀚𑁆𑀚𑀁, 𑀓𑀸𑀬𑀓𑀫𑁆𑀫𑀁, 𑀯𑀘𑀻𑀓𑀫𑁆𑀫𑀁, 𑀢𑀺𑀘𑀺𑀢𑁆𑀢𑀁, 𑀢𑀺𑀯𑁂𑀤𑀦𑀦𑁆𑀢𑀺.

𑀦𑀯𑀫𑀲𑀺𑀓𑁆𑀔𑀸𑀧𑀤𑀁.