𑁫. 𑀧𑀜𑁆𑀘𑀫𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁮𑁧𑁦. 𑀧𑀜𑁆𑀘𑀫𑁂 𑁋 𑀅𑀢𑀺𑀕𑀫𑁆𑀪𑀻𑀭𑀁 𑀉𑀤𑀓𑀲𑀼𑀤𑁆𑀥𑀺𑀓𑀁 𑀆𑀤𑀺𑀬𑀦𑁆𑀢𑀻𑀢𑀺 𑀅𑀢𑀺𑀅𑀦𑁆𑀢𑁄 𑀧𑀯𑁂𑀲𑁂𑀢𑁆𑀯𑀸 𑀉𑀤𑀓𑁂𑀦 𑀥𑁄𑀯𑀦𑀁 𑀓𑀼𑀭𑀼𑀫𑀸𑀦𑀸.

𑁮𑁧𑁨. 𑀓𑁂𑀲𑀕𑁆𑀕𑀫𑀢𑁆𑀢𑀫𑁆𑀧𑀺 𑀅𑀢𑀺𑀓𑁆𑀓𑀸𑀫𑁂𑀢𑀻𑀢𑀺 𑀯𑀺𑀢𑁆𑀣𑀸𑀭𑀢𑁄 𑀢𑀢𑀺𑀬𑀁 𑀯𑀸 𑀘𑀢𑀼𑀢𑁆𑀣𑀁 𑀯𑀸 𑀅𑀗𑁆𑀕𑀼𑀮𑀁 𑀕𑀫𑁆𑀪𑀻𑀭𑀢𑁄 𑀤𑁆𑀯𑀺𑀦𑁆𑀦𑀁 𑀧𑀩𑁆𑀩𑀸𑀦𑀁 𑀉𑀧𑀭𑀺 𑀓𑁂𑀲𑀕𑁆𑀕𑀫𑀢𑁆𑀢𑀫𑁆𑀧𑀺 𑀧𑀯𑁂𑀲𑁂𑀦𑁆𑀢𑀺𑀬𑀸 𑀧𑀸𑀘𑀺𑀢𑁆𑀢𑀺𑀬𑀦𑁆𑀢𑀺 𑀅𑀢𑁆𑀣𑁄. 𑀯𑀼𑀢𑁆𑀢𑀜𑁆𑀳𑁂𑀢𑀁 𑀫𑀳𑀸𑀧𑀘𑁆𑀘𑀭𑀺𑀬𑀁 𑁋 ‘‘𑀏𑀓𑀺𑀲𑁆𑀲𑀸 𑀅𑀗𑁆𑀕𑀼𑀮𑀺𑀬𑀸 𑀢𑀻𑀡𑀺 𑀧𑀩𑁆𑀩𑀸𑀦𑀺 𑀆𑀤𑀸𑀢𑀼𑀁 𑀦 𑀮𑀪𑀢𑀺, 𑀢𑀺𑀡𑁆𑀡𑀁 𑀯𑀸 𑀘𑀢𑀼𑀦𑁆𑀦𑀁 𑀯𑀸 𑀏𑀓𑁂𑀓𑀫𑁆𑀧𑀺 𑀧𑀩𑁆𑀩𑀁 𑀆𑀤𑀸𑀢𑀼𑀁 𑀦 𑀮𑀪𑀢𑀻’’𑀢𑀺. 𑀲𑁂𑀲𑀁 𑀉𑀢𑁆𑀢𑀸𑀦𑀫𑁂𑀯. 𑀲𑀫𑀼𑀝𑁆𑀞𑀸𑀦𑀸𑀤𑀻𑀦𑀺𑀧𑀺 𑀢𑀮𑀖𑀸𑀢𑀓𑁂 𑀯𑀼𑀢𑁆𑀢𑀲𑀤𑀺𑀲𑀸𑀦𑁂𑀯𑀸𑀢𑀺.

𑀧𑀜𑁆𑀘𑀫𑀲𑀺𑀓𑁆𑀔𑀸𑀧𑀤𑀁.