উপালিপঞ্চকৱণ্ণনা

অনিস্সিতৱগ্গৱণ্ণনা

৪১৯. কাযিকউপঘাতিকা নাম কাযেন ৱীতিক্কমো.

নপ্পটিপ্পস্সম্ভনৱগ্গৱণ্ণনা

৪২০. ওমদ্দকাৰকোতি ওমদ্দিত্ৱা অভিভৱিত্ৱা কাৰকো.

ৱোহাৰৱগ্গৱণ্ণনা

৪২৪. ভেদকৰৱত্থূনি নিস্সায ৱিৱাদাধিকৰণং সমুট্ঠাতি, এৱং যথাসঙ্খ্যং গচ্ছতি. কোধোপনাহাদিদ্ৱাদসমূলপযোগং ৱিৱাদাধিকৰণং, তথা সেসেসু. ওসাৰণাদীসু নৱসু ঠানেসু কম্মঞত্তিযা কৰণং. দ্ৱীসু ঠানেসু ঞত্তিদুতিযঞত্তিচতুত্থকম্মেসু. যস্মা মহাঅট্ঠকথাযং ৱুত্তনযেনেৱ উভতোৱিভঙ্গা অসঙ্গহিতা, তস্মা যং কুৰুন্দিযং ৱুত্তং, তং গহেতব্বন্তি সম্বন্ধো.

দিট্ঠাৱিকম্মৱগ্গৱণ্ণনা

৪২৫. তিণ্ণন্নং উপৰি সহ আপত্তিং দেসেতুং ন লব্ভন্তি. কম্মনানাসংৱাসকানং লদ্ধিগ্গহিতকোৱ লদ্ধিনানাসংৱাসকো. ‘‘অৱিপ্পৱাসসীমায ঠিতস্সা’’তি মহাসীমং কিৰ সন্ধায ৱুত্তং.

৪৩৩. ‘‘উম্মাদা চিত্তক্খেপা’’তি পাঠো.

মুসাৱাদৱগ্গৱণ্ণনা

৪৪৪. পৰিযাযেন জানন্তস্সাতি যস্স কস্সচি জানন্তস্স পৰিযাযেন ৱুত্তমুসাৱাদোতি অত্থো.

৪৪৬. অনুযোগো ন দাতব্বোতি তেন ৱুত্তং অনাদিযিত্ৱা তুণ্হী ভৱিতব্বন্তি অত্থো.

ভিক্খুনোৱাদৱগ্গৱণ্ণনা

৪৫৪. ৱোহাৰনিৰুত্তিযং সদ্দনিৰুত্তিযং. মগ্গপচ্চৱেক্খণাদযো একূনৱীসতি.

উব্বাহিকৱগ্গৱণ্ণনা

৪৫৫. পসাৰেতা মোহেতা.

অধিকৰণৱূপসমৱগ্গৱণ্ণনা

৪৫৮. ‘‘যথাৰত্তন্তি অনুপসম্পন্নে অপেক্খতী’’তিপি ৱদন্তি. ‘‘যথাৱুড্ঢন্তি উপসম্পন্নে অপেক্খতী’’তি লিখিতং.

কথিনত্থাৰৱগ্গৱণ্ণনা

৪৬৭. ‘‘একাৱত্তো’’তিপি পঠন্তি, তস্স কুদ্ধো কোধাভিভূতোতি কিৰত্থো. একৱত্থোতিপি কেচি, উত্তৰাসঙ্গং অপনেত্ৱা ঠিতোতি কিৰত্থো, তং সব্বং অট্ঠকথাযং উদ্ধটপাড়িযা ৱিৰুজ্ঝতীতি. একাৱট্টোতি হি উদ্ধটং, তস্মা ন গহেতব্বং. অন্তৰা ৱুত্তকাৰণেনাতি ‘‘কিচ্চযপসুতত্তা ৱন্দনং অসমন্নাহৰন্তো নলাটং পটিহঞ্ঞেয্যা’’তিআদিৱুত্তকাৰণেন.

উপালিপঞ্চকৱণ্ণনা নিট্ঠিতা.

আপত্তিসমুট্ঠানৱণ্ণনা

৪৭০. পুব্বে ৱুত্তমেৱাতি সহসেয্যাদিপণ্ণত্তিৱজ্জং. ইতৰন্তি সচিত্তকং. দেসেন্তো, দোমনস্সিকো অঞ্ঞেহি ভিংসাপনাদীনি কত্ৱা আপত্তিং আপজ্জিত্ৱাতি অধিপ্পাযো.