১০. ছন্দংঅদত্ৱাগমনসিক্খাপদৱণ্ণনা

আৰোচিতং ৱত্থু অৱিনিচ্ছিতন্তি আৰোচিতৱত্থু আপত্তিকভাৱেন ন ৱিনিচ্ছিতং. এত্থ চ চোদকেন চ চুদিতকেন চ অত্তনো কথা কথিতা, অনুৱিজ্জকো সম্মতো, এত্তাৱতা ৱত্থুমেৱ আৰোচিতং হোতীতি দট্ঠব্বং. ছন্দং অদত্ৱা উট্ঠাযাসনা পক্কমেয্যাতি ‘‘কথং ইদং কম্মং কুপ্পং অস্স, ৱগ্গং অস্স, ন কৰেয্যা’’তি (পাচি. ৪৮১) ইমিনা অধিপ্পাযেন ছন্দং অদত্ৱা নিসিন্নাসনতো উট্ঠায গচ্ছেয্য. তেনাহ ‘‘যো ভিক্খূ’’তিআদি. কিৰিযাকিৰিযন্তি এত্থ গমনং কিৰিযং, ছন্দস্স অদানং অকিৰিযং.

ছন্দংঅদত্ৱাগমনসিক্খাপদৱণ্ণনা নিট্ঠিতা.