১. সহধম্মিকসিক্খাপদৱণ্ণনা

সহধম্মিকং ৱুচ্চমানোতি সহধম্মিকেন ৱুচ্চমানো. কৰণত্থে চেতং উপযোগৱচনং. ‘‘পঞ্চহি সহধম্মিকেহি সিক্খিতব্বত্তা, তেসং ৱা সন্তকত্তা ‘সহধম্মিক’ন্তি লদ্ধনামেন বুদ্ধপঞ্ঞত্তেন সিক্খাপদেন ৱুচ্চমানোতি অত্থো’’তি (কঙ্খা. অট্ঠ. দুব্বচসিক্খাপদৱণ্ণনা; পাৰা. অট্ঠ. ২.৪২৫-৪২৬) দুব্বচসিক্খাপদে ৱুত্তত্তা ‘‘সহধম্মিকং ৱুচ্চমানোতি ইমস্সত্থো দুব্বচসিক্খাপদে ৱুত্তো’’তি ৱুত্তং. অনাদৰিযভযাতি অনাদৰকৰণে ভযা, তত্থ পাচিত্তিযভযাতি অত্থো. লেসেন এৱং ৱদন্তস্সাতি উজুকং ‘‘ন সিক্খিস্সামী’’তি অৱত্ৱা ‘‘যাৱ ন অঞ্ঞং ভিক্খু’’ন্তিআদিনা লেসেন ৱদন্তস্স.

সহধম্মিকসিক্খাপদৱণ্ণনা নিট্ঠিতা.