৭. গব্ভিনীৱগ্গো

১-২. গব্ভিনীআদিসিক্খাপদৱণ্ণনা

পঠমং উত্তানত্থমেৱ.

থনে ভৱং থঞ্ঞং, খীৰং. যং পাযেতীতি যং দাৰকং পাযেতি.

গব্ভিনীআদিসিক্খাপদৱণ্ণনা নিট্ঠিতা.

৩. পঠমসিক্খমানসিক্খাপদৱণ্ণনা

পদভাজনে ৱুত্তনযেনাতি ‘‘পাণাতিপাতা ৱেৰমণিং দ্ৱে ৱস্সানি অৱীতিক্কম্ম সমাদানং সমাদিযামি…পে… ৱিকালভোজনা ৱেৰমণিং দ্ৱে ৱস্সানি অৱীতিক্কম্ম সমাদানং সমাদিযামী’’তি (পাচি. ১০৭৯) পদভাজনসমীপে অট্ঠুপ্পত্তিযং ৱুত্তনযেন. ইমা পন ছ সিক্খাযো সট্ঠিৱস্সাযপি পব্বজিতায দাতব্বাযেৱ, ন এতাসু অসিক্খিতা উপসম্পাদেতব্বা.

পঠমসিক্খমানসিক্খাপদৱণ্ণনা নিট্ঠিতা.

৪-৫. দুতিযসিক্খমানাদিসিক্খাপদৱণ্ণনা

পদভাজনে ৱুত্তা উপসম্পদাসম্মুতি ন দিন্না হোতীতি পদভাজনসমীপে অট্ঠুপ্পত্তিযং ৱুত্তা উপসম্পদাসম্মুতি ঞত্তিদুতিযায কম্মৱাচায ন দিন্না হোতি.

পঞ্চমং উত্তানত্থমেৱ.

দুতিযসিক্খমানাদিসিক্খাপদৱণ্ণনা নিট্ঠিতা.

৬-১০. দুতিযগিহিগতাদিসিক্খাপদৱণ্ণনা

দসৱস্সায গিহিগতায সিক্খাসম্মুতিং দত্ৱা পৰিপুণ্ণদ্ৱাদসৱস্সং উপসম্পাদেতুং ৱট্টতি.

সত্তমঅট্ঠমনৱমদসমানি উত্তানত্থানেৱ.

দুতিযগিহিগতাদিসিক্খাপদৱণ্ণনা নিট্ঠিতা.

গব্ভিনীৱগ্গো সত্তমো.