৯. দুগ্গতিকথাৱণ্ণনা

৬৫০-৬৫২. ইদানি দুগ্গতিকথা নাম হোতি. তত্থ যে দুগ্গতিঞ্চ দুগ্গতিসত্তানং ৰূপাদিআৰম্মণং তণ্হঞ্চাতি উভযম্পি দুগ্গতীতি গহেত্ৱা পুন তথা অৱিভজিত্ৱা অৱিসেসেনেৱ ‘‘দিট্ঠিসম্পন্নস্স পহীনা দুগ্গতী’’তি ৱদন্তি, সেয্যথাপি উত্তৰাপথকা; তে সন্ধায পুচ্ছা সকৱাদিস্স, পটিঞ্ঞা ইতৰস্স. আপাযিকে ৰূপে ৰজ্জেয্যাতিআদি পৰৱাদিনো লদ্ধিযা দিট্ঠিসম্পন্নস্স দুগ্গতি অপ্পহীনা, তস্স ৱসেন চোদেতুং ৱুত্তং. সেসমেত্থ উত্তানত্থমেৱ. নিৰযং উপপজ্জেয্যাতিআদি দুগ্গতিপহানমেৱ দুগ্গতিগামিনিতণ্হাপহানং ৱা দীপেতি, ন দুগ্গতিসত্তানং ৰূপাদিআৰম্মণায তণ্হায পহানং, তস্মা অসাধকন্তি.

দুগ্গতিকথাৱণ্ণনা.

৬৫৩. সত্তমভৱিককথাযপি এসেৱ নযোতি.

দ্ৱাদসমো ৱগ্গো.