১১. কম্মহেতুকথাৱণ্ণনা

৫৪৬. ইদানি কম্মহেতুকথা নাম হোতি. তত্থ যেন অৰহতা পুৰিমভৱে অৰহা অব্ভাচিক্খিতপুব্বো, সো তস্স কম্মস্স হেতু অৰহত্তা পৰিহাযতীতি যেসং লদ্ধি, সেয্যথাপি পুব্বসেলিযানঞ্চেৱ সম্মিতিযানঞ্চ; তে সন্ধায কম্মহেতূতি পুচ্ছা সকৱাদিস্স, পটিঞ্ঞা ইতৰস্স. সেসং পৰিহানিকথাযং ৱুত্তনযমেৱ.

হন্দ হি অৰহন্তানং অব্ভাচিক্খতীতি ইদং যস্স কম্মস্স হেতু পৰিহাযতি, তং সম্পটিচ্ছাপেতুং ৱদতি. অথ নং সকৱাদী তং পক্খং পটিজানাপেত্ৱা ‘‘যদি এৱং যেহি অৰহন্তো ন অব্ভাচিক্খিতপুব্বা, তে সব্বে অৰহত্তং পাপুণেয্যু’’ন্তি চোদেতুং যে কেচীতিআদিমাহ. ইতৰো তস্স কম্মস্স অৰহত্তং সম্পাপুণনে নিযামং অপস্সন্তো পটিক্খিপতি.

কম্মহেতুকথাৱণ্ণনা.

অট্ঠমো ৱগ্গো.