২-৩-৪. অঞ্ঞাণাদিকথাৱণ্ণনা

৩১৪. ইদানি অঞ্ঞাণং, কঙ্খা, পৰৱিতৰণাতি তিস্সো কথা নাম হোন্তি. তত্থ যেসং ‘‘অৰহতো ইত্থিপুৰিসাদীনং নামগোত্তাদীসু ঞাণপ্পৱত্তিযা অভাৱেন অত্থি অঞ্ঞাণং, তত্থেৱ সন্নিট্ঠানাভাৱেন অত্থি কঙ্খা. যস্মা চ নেসং তানি ৱত্থূনি পৰে ৱিতৰন্তি পকাসেন্তি আচিক্খন্তি, তস্মা নেসং অত্থি পৰৱিতৰণা’’তি ইমা লদ্ধিযো, সেয্যথাপি এতৰহি পুব্বসেলিযাদীনং; তেসং তা লদ্ধিযো ভিন্দিতুং তীসুপি কথাসু পুচ্ছা সকৱাদিস্স, পটিঞ্ঞা চ পটিক্খেপো চ ইতৰস্স. তত্থ সব্বেসুপি পঞ্হেসু চেৱ ৱিস্সজ্জনেসু চ পাড়িং অনুগন্ত্ৱাৱ অত্থো ৱেদিতব্বোতি.

অঞ্ঞাণাদিকথাৱণ্ণনা.