৭৮. এয্যা

অঞ্ঞত্ৰাপীতি ভৱেয্যামুভৱেয্যামইচ্চত্ৰাপি.

ইতি মোগ্গল্লানপঞ্চিকাটীকাযং সাৰত্থৱিলাসিনিযং

ছট্ঠকণ্ডৱণ্ণনা নিট্ঠিতা.

নিট্ঠিতা চ সব্বথা সাৰত্থৱিলাসিনী টীকেতি.

নিগম

১. সব্বদা সুভদাযিত্তা, সত্তানন্তনিসেৱিতে;

পসত্থে-ন্ৱত্থসঞ্ঞায, পঞ্ঞাতে সুভসঞ্ঞিতে.

২. চাগৱিক্কমপঞ্ঞানুদ্দযাদিগুণসালিনা;

সুভসেনাধিনাথেন, কাৰিতে ৱসতা সতা.

৩. পটিসল্লানসাৰুপ্পে, ৱিহাৰে সাধুগোচৰে;

মনোনুকূলে যোগীনং, ৱৰে ৱিক্কমসুন্দৰে.

৪. থেৰেন ৰচিতা সাযং, সাসনুজ্জোতনত্থিনা;

টীকা গুৰুপদম্ভোজ, ৰজোমত্থকসেৱিনা.

৫. বহুস্সুতানং ৱিঞ্ঞূনং, পৰমত্থাৱগাহিনং.

পৱত্ততু চিৰং চেতো, ৰঞ্জযন্তী নিৰন্তৰং.

৬. যেসং ন সঞ্চিতা পঞ্ঞা, নেকসত্তন্তৰোচিতা;

সম্মোহব্ভহতাৱেতে, নাৱবুজ্ঝন্তি কিঞ্চিপি.

৭. কিন্তেহি পাদসুস্সূসা, যেসং নত্থি গুৰূনিহ;

যে তপ্পাদৰজোকিণ্ণা, তেৱ সাধূৱিৱেকিনো.

৮. পুঞ্ঞেন সত্থৰচনাজনিতেন তেন,

সম্বুদ্ধসাসনৱৰোদযকাৰণেন;

লোকামিসেসুপি কিলেসমলা অলগ্গো,

সম্বুদ্ধসাসনৱৰোদযমাচৰেয্যং.

৯. যে-নন্ততন্তৰতনাকৰমন্থনেন,

মন্থাচ লোল্লসিতঞাণৱৰেন লদ্ধা;

সাৰামথাতি সুখিতা সুখযন্তি চঞ্ঞে,

তেমে জযন্তি গুৰৱা গুৰৱো গুণেহি.

১০. টীকাযো ৱিনসাদিনং ৱিৰচযী যো কণ্ঠভূসাপৰো,

ৱিঞ্ঞূনং জিনসাসনামলমতীসো-কাসি চানাকুলং;

সন্তোসক্কমনোমনোমকমনো সব্ভাৱনীযো মহা,

সামী মে গুৰুপুঙ্গৱো ৱিজযতে সাৰীসুতো-যং ভুৱি.

১১. ৰাজা ৱিক্কমবাহু বাহিতৰিপূ তাত্ৱস্স [ভাতাস্স] লোকিস্সৰো,

সম্মিত্তানিহনো তিসীহড়পতী যোযং মহাৱিক্কমো;

নিব্ভীতো [তিসূৰো] ৱিজযাদিবাহু ৱিজযী সো আসি লঙ্কিস্সৰো,

তং নিস্সায ফলং চিৰায ফলতঞ্চেতং সতং সন্ততং.

সিদ্ধি ৰত্থু

১. অগ্গম্মোতিৱংসেন, অভযাৰামসামিনা;

পঞ্চিকাৱণ্ণনাভূতা, সা সাৰত্থৱিলাসিনী.

২. ম্ৰম্মক্খৰমাৰোপেত্ৱা, ৱিসোধেত্ৱা যথাবলং;

সকিযব্যৱহাৰেন, তিথীৱসু কৰিন্দুনা.

৩. যুত্তে ৱস্সে লঙ্কাদীপা, সৰট্ঠমাহতা পুন;

ভাস্সপ্পদীপকাতন্ত, কাসিকাপঞ্চিকাদিহি.

৪. সংসন্দিত্ৱা ৱিচাৰেত্ৱা, ৱাচেত্ৱাচ পুনপ্পুনং;

ঊনাধিকাদি দোসানি, অপনেত্ৱা সিনেসিনে.

৫. সুদ্ধট্ঠকে চ ৱস্সেসা, পাপিতা পকতিট্ঠিতিং;

সুদ্ধাসুদ্ধংৱ দস্সেন্তী, সোধেতু পাঠসুদ্ধিযা.