༩. ན་ཝ་མ་སི་ཀྑཱ་པ་དཾ

༡༡༡༡. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷ་ནྟི. ཏཱ བཱ་ལཱ ཧོ་ནྟི ཨ་བྱ་ཏྟཱ; ན ཛཱ་ན་ནྟི ཀ་པྤི་ཡཾ ཝཱ ཨ་ཀ་པྤི་ཡཾ ཝཱ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༡༡༢. ‘‘ཡཱ པ་ན བྷི་ཀྑུ་ནཱི ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷེ་ཡྻ, པཱ་ཙི་ཏྟི་ཡ’’ནྟི.

༡༡༡༣. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ཝུ་ཊྛཱ་པི་ཏནྟི ཨུ་པ་ས་མྤཱ་དི་ཏཾ. པ་ཝ་ཏྟི་ནཱི ནཱ་མ ཨུ་པ་ཛ྄ཛྷཱ་ཡཱ ཝུ་ཙྩ་ཏི. དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི. ནཱ་ནུ་བ་ནྡྷེ་ཡྻཱཏི ན ས་ཡཾ ཨུ་པ་ཊྛ་ཧེ་ཡྻ. དྭེ ཝ་སྶཱ་ནི ནཱ་ནུ་བ་ནྡྷི་སྶཱ་མཱི་ཏི དྷུ་རཾ ནི་ཀྑི་ཏྟ་མ་ཏྟེ ཨཱ་པ་ཏྟི པཱ་ཙི་ཏྟི་ཡ་སྶ.

༡༡༡༤. ཨ་ནཱ་པ་ཏྟི ཨུ་པ་ཛ྄ཛྷཱ་ཡཱ བཱ་ལཱ ཝཱ ཧོ་ཏི ཨ་ལ་ཛྫི་ནཱི ཝཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ན་ཝ་མ་སི་ཀྑཱ་པ་དཾ ནི་ཊྛི་ཏཾ.