༡༠. ད་ས་མ་སི་ཀྑཱ་པ་དཾ

༡༡༡༥. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཏི ན ཝཱུ་པ་ཀཱ་སཱ་པེ་ཏི. སཱ་མི་ཀོ ཨ་གྒ་ཧེ་སི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་སྶ་ཏི ན ཝཱུ་པ་ཀཱ་སཱ་པེ་སྶ་ཏི, སཱ་མི་ཀོ ཨ་གྒ་ཧེ་སི! ས་ཙཱ་ཡཾ བྷི་ཀྑུ་ནཱི པ་ཀྐ་ནྟཱ ཨ་སྶ, ན ཙ སཱ་མི་ཀོ ག་ཎྷེ་ཡྻཱ’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཏི ན ཝཱུ་པ་ཀཱ་སཱ་པེ་ཏི […སི (ཀ.)], སཱ་མི་ཀོ ཨ་གྒ་ཧེ་སཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་སྶ་ཏི ན ཝཱུ་པ་ཀཱ་སཱ་པེ་སྶ་ཏི, སཱ་མི་ཀོ ཨ་གྒ་ཧེ་སི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༡༡༦. ‘‘ཡཱ པ་ན བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཡྻ ན ཝཱུ་པ་ཀཱ་སཱ་པེ་ཡྻ ཨ་ནྟ་མ་སོ ཚ་པྤ་ཉྩ་ཡོ་ཛ་ནཱ་ནི་པི, པཱ་ཙི་ཏྟི་ཡ’’ནྟི.

༡༡༡༧. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ས་ཧ་ཛཱི་ཝི་ནཱི ནཱ་མ ས་དྡྷི་ཝི་ཧཱ་རི་ནཱི ཝུ་ཙྩ་ཏི. ཝུ་ཊྛཱ་པེ་ཏྭཱཏི ཨུ་པ་ས་མྤཱ་དེ་ཏྭཱ. ནེ་ཝ ཝཱུ་པ་ཀཱ་སེ་ཡྻཱཏི ན ས་ཡཾ ཝཱུ་པ་ཀཱ་སེ་ཡྻ. ན ཝཱུ་པ་ཀཱ་སཱ་པེ་ཡྻཱཏི ན ཨ་ཉྙཾ ཨཱ་ཎཱ་པེ་ཡྻ. ‘‘ནེ་ཝ ཝཱུ་པ་ཀཱ་སེ་སྶཱ་མི ན ཝཱུ་པ་ཀཱ་སཱ་པེ་སྶཱ་མི ཨ་ནྟ་མ་སོ ཚ་པྤ་ཉྩ་ཡོ་ཛ་ནཱ་ནི་པཱི’’ཏི དྷུ་རཾ ནི་ཀྑི་ཏྟ་མ་ཏྟེ ཨཱ་པ་ཏྟི པཱ་ཙི་ཏྟི་ཡ་སྶ.

༡༡༡༨. ཨ་ནཱ་པ་ཏྟི ས་ཏི ཨ་ནྟ་རཱ་ཡེ, པ་རི་ཡེ་སི་ཏྭཱ དུ་ཏི་ཡི་ཀཾ བྷི་ཀྑུ་ནིཾ ན ལ་བྷ་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ད་ས་མ་སི་ཀྑཱ་པ་དཾ ནི་ཊྛི་ཏཾ.

ག་བྦྷི་ནི་ཝ་གྒོ ས་ཏྟ་མོ.