༧. ག་བྦྷི་ནཱི་ཝ་གྒོ

༡. པ་ཋ་མ་སི་ཀྑཱ་པ་དཾ

༡༠༦༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ག་བྦྷི་ནིཾ ཝུ་ཊྛཱ་པེ་ནྟི. སཱ པི་ཎྜཱ་ཡ ཙ་ར་ཏི. མ་ནུ་སྶཱ ཨེ་ཝ་མཱ་ཧཾ་སུ – ‘‘དེ་ཐཱ་ཡྻཱ་ཡ བྷི་ཀྑཾ, ག་རུ་བྷཱ་རཱ [ག་རུ་ག་བྦྷཱ (སྱཱ.)] ཨ་ཡྻཱ’’ཏི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ག་བྦྷི་ནིཾ ཝུ་ཊྛཱ་པེ་སྶ་ནྟཱི’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ག་བྦྷི་ནིཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ག་བྦྷི་ནིཾ ཝུ་ཊྛཱ་པེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ག་བྦྷི་ནིཾ ཝུ་ཊྛཱ་པེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༠༦༨. ‘‘ཡཱ པ་ན བྷི་ཀྑུ་ནཱི ག་བྦྷི་ནིཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༠༦༩. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ག་བྦྷི་ནཱི ནཱ་མ ཨཱ་པ་ནྣ་ས་ཏྟཱ ཝུ་ཙྩ་ཏི. ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

‘‘ཝུ་ཊྛཱ་པེ་སྶཱ་མཱི’’ཏི ག་ཎཾ ཝཱ ཨཱ་ཙ་རི་ནིཾ ཝཱ པ་ཏྟཾ ཝཱ ཙཱི་ཝ་རཾ ཝཱ པ་རི་ཡེ་ས་ཏི, སཱི་མཾ ཝཱ ས་མྨ་ནྣ་ཏི, ཨཱ་པ་ཏྟི དུ་ཀྐ་ཊ་སྶ. ཉ་ཏྟི་ཡཱ དུ་ཀྐ་ཊཾ. དྭཱི་ཧི ཀ་མྨ་ཝཱ་ཙཱ་ཧི དུ་ཀྐ་ཊཱ. ཀ་མྨ་ཝཱ་ཙཱ་པ་རི་ཡོ་སཱ་ནེ ཨུ་པ་ཛ྄ཛྷཱ་ཡཱ་ཡ ཨཱ་པ་ཏྟི པཱ་ཙི་ཏྟི་ཡ་སྶ. ག་ཎ་སྶ ཙ ཨཱ་ཙ་རི་ནི་ཡཱ ཙ ཨཱ་པ་ཏྟི དུ་ཀྐ་ཊ་སྶ.

༡༠༧༠. ག་བྦྷི་ནི་ཡཱ ག་བྦྷི་ནི་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ག་བྦྷི་ནི་ཡཱ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི དུ་ཀྐ་ཊ་སྶ. ག་བྦྷི་ནི་ཡཱ ཨ་ག་བྦྷི་ནི་ས་ཉྙཱ ཝུ་ཊྛཱ་པེ་ཏི, ཨ་ནཱ་པ་ཏྟི. ཨ་ག་བྦྷི་ནི་ཡཱ ག་བྦྷི་ནི་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་ག་བྦྷི་ནི་ཡཱ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་ག་བྦྷི་ནི་ཡཱ ཨ་ག་བྦྷི་ནི་ས་ཉྙཱ, ཨ་ནཱ་པ་ཏྟི.

༡༠༧༡. ཨ་ནཱ་པ་ཏྟི ག་བྦྷི་ནིཾ ཨ་ག་བྦྷི་ནི་ས་ཉྙཱ ཝུ་ཊྛཱ་པེ་ཏི, ཨ་ག་བྦྷི་ནིཾ ཨ་ག་བྦྷི་ནི་ས་ཉྙཱ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

པ་ཋ་མ་སི་ཀྑཱ་པ་དཾ ནི་ཊྛི་ཏཾ.

༢. དུ་ཏི་ཡ་སི་ཀྑཱ་པ་དཾ

༡༠༧༢. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ པཱ་ཡ་ནྟིཾ ཝུ་ཊྛཱ་པེ་ནྟི. སཱ པི་ཎྜཱ་ཡ ཙ་ར་ཏི. མ་ནུ་སྶཱ ཨེ་ཝ་མཱ་ཧཾ་སུ – ‘‘དེ་ཐཱ་ཡྻཱ་ཡ བྷི་ཀྑཾ, ས་དུ་ཏི་ཡི་ཀཱ ཨ་ཡྻཱ’’ཏི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ པཱ་ཡ་ནྟིཾ ཝུ་ཊྛཱ་པེ་སྶ་ནྟཱི’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ པཱ་ཡ་ནྟིཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ པཱ་ཡ་ནྟིཾ ཝུ་ཊྛཱ་པེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ པཱ་ཡ་ནྟིཾ ཝུ་ཊྛཱ་པེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༠༧༣. ‘‘ཡཱ པ་ན བྷི་ཀྑུ་ནཱི པཱ་ཡ་ནྟིཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༠༧༤. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

པཱ་ཡ་ནྟཱི ནཱ་མ མཱ་ཏཱ ཝཱ ཧོ་ཏི [ཧོ་ཏུ (ཀ.)] དྷཱ་ཏི [དྷཱ་ཏཱི (སཱི. སྱཱ.)] ཝཱ.

ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

༡༠༧༥. པཱ་ཡ་ནྟི་ཡཱ པཱ་ཡ་ནྟི་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. པཱ་ཡ་ནྟི་ཡཱ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི དུ་ཀྐ་ཊ་སྶ. པཱ་ཡ་ནྟི་ཡཱ ཨ་པཱ་ཡ་ནྟི་ས་ཉྙཱ ཝུ་ཊྛཱ་པེ་ཏི, ཨ་ནཱ་པ་ཏྟི. ཨ་པཱ་ཡ་ནྟི་ཡཱ པཱ་ཡ་ནྟི་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་པཱ་ཡ་ནྟི་ཡཱ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་པཱ་ཡ་ནྟི་ཡཱ ཨ་པཱ་ཡ་ནྟི་ས་ཉྙཱ, ཨ་ནཱ་པ་ཏྟི.

༡༠༧༦. ཨ་ནཱ་པ་ཏྟི པཱ་ཡ་ནྟིཾ ཨ་པཱ་ཡ་ནྟི་ས་ཉྙཱ ཝུ་ཊྛཱ་པེ་ཏི, ཨ་པཱ་ཡ་ནྟིཾ ཨ་པཱ་ཡ་ནྟི་ས་ཉྙཱ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

དུ་ཏི་ཡ་སི་ཀྑཱ་པ་དཾ ནི་ཊྛི་ཏཾ.

༣. ཏ་ཏི་ཡ་སི་ཀྑཱ་པ་དཾ

༡༠༧༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་ནྟི. ཏཱ བཱ་ལཱ ཧོ་ནྟི ཨ་བྱ་ཏྟཱ ན ཛཱ་ན་ནྟི ཀ་པྤི་ཡཾ ཝཱ ཨ་ཀ་པྤི་ཡཾ ཝཱ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་ནྟཱི’’ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཝི་ག་ར་ཧི་ཏྭཱ…པེ… དྷ་མྨིཾ ཀ་ཐཾ ཀ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, སི་ཀྑ་མཱ་ནཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ དཱ་ཏུཾ. ཨེ་ཝ་ཉྩ པ་ན, བྷི་ཀྑ་ཝེ, དཱ་ཏ་བྦཱ. ཏཱ་ཡ སི་ཀྑ་མཱ་ནཱ་ཡ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ བྷི་ཀྑུ་ནཱི་ནཾ པཱ་དེ ཝ་ནྡི་ཏྭཱ ཨུ་ཀྐུ་ཊི་ཀཾ ནི་སཱི་དི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ཨ་ཧཾ, ཨ་ཡྻེ, ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ སི་ཀྑ་མཱ་ནཱ. ས་ངྒྷཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ཡཱ་ཙཱ་མཱི’’ཏི. དུ་ཏི་ཡ་མྤི ཡཱ་ཙི་ཏ་བྦཱ. ཏ་ཏི་ཡ་མྤི ཡཱ་ཙི་ཏ་བྦཱ. བྱ་ཏྟཱ་ཡ བྷི་ཀྑུ་ནི་ཡཱ པ་ཊི་བ་ལཱ་ཡ ས་ངྒྷོ ཉཱ་པེ་ཏ་བྦོ –

༡༠༧༨. ‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ སི་ཀྑ་མཱ་ནཱ ས་ངྒྷཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ཡཱ་ཙ་ཏི. ཡ་དི ས་ངྒྷ་སྶ པ་ཏྟ་ཀ་ལླཾ ས་ངྒྷོ ཨི་ཏྠ་ནྣཱ་མཱ་ཡ སི་ཀྑ་མཱ་ནཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ད་དེ་ཡྻ. ཨེ་སཱ ཉ་ཏྟི.

‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ སི་ཀྑ་མཱ་ནཱ ས་ངྒྷཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ཡཱ་ཙ་ཏི. ས་ངྒྷོ ཨི་ཏྠ་ནྣཱ་མཱ་ཡ སི་ཀྑ་མཱ་ནཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ དེ་ཏི. ཡ་སྶཱ ཨ་ཡྻཱ་ཡ ཁ་མ་ཏི ཨི་ཏྠ་ནྣཱ་མཱ་ཡ སི་ཀྑ་མཱ་ནཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏི་ཡཱ དཱ་ནཾ, སཱ ཏུ་ཎྷ་སྶ; ཡ་སྶཱ ན་ཀྑ་མ་ཏི, སཱ བྷཱ་སེ་ཡྻ.

‘‘དི་ནྣཱ ས་ངྒྷེ་ན ཨི་ཏྠ་ནྣཱ་མཱ་ཡ སི་ཀྑ་མཱ་ནཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏི. ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི.

༡༠༧༩. སཱ སི་ཀྑ་མཱ་ནཱ ‘‘ཨེ་ཝཾ ཝ་དེ་ཧཱི’’ཏི ཝ་ཏྟ་བྦཱ – ‘‘པཱ་ཎཱ་ཏི་པཱ་ཏཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མི. ཨ་དི་ནྣཱ་དཱ་ནཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མི. ཨ་བྲ་ཧྨ་ཙ་རི་ཡཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མི. མུ་སཱ་ཝཱ་དཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མི. སུ་རཱ་མེ་ར་ཡ་མ་ཛྫ་པྤ་མཱ་ད་ཊྛཱ་ནཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མི. ཝི་ཀཱ་ལ་བྷོ་ཛ་ནཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མཱི’’ཏི.

ཨ་ཐ ཁོ བྷ་ག་ཝཱ ཏཱ བྷི་ཀྑུ་ནི་ཡོ ཨ་ནེ་ཀ་པ་རི་ཡཱ་ཡེ་ན ཝི་ག་ར་ཧི་ཏྭཱ དུ་བྦྷ་ར་ཏཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༠༨༠. ‘‘ཡཱ པ་ན བྷི་ཀྑུ་ནཱི དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༠༨༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི. ཨ་སི་ཀྑི་ཏ་སི་ཀྑཱ ནཱ་མ སི་ཀྑཱ ཝཱ ན དི་ནྣཱ ཧོ་ཏི, དི་ནྣཱ ཝཱ སི་ཀྑཱ ཀུ་པི་ཏཱ. ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

༡༠༨༢. དྷ་མྨ་ཀ་མྨེ དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཨ་དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

ཨ་དྷ་མྨ་ཀ་མྨེ དྷ་མྨ་ཀ་མྨ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་དྷ་མྨ་ཀ་མྨེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་དྷ་མྨ་ཀ་མྨེ ཨ་དྷ་མྨ་ཀ་མྨ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ.

༡༠༨༣. ཨ་ནཱ་པ་ཏྟི དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ཏ་ཏི་ཡ་སི་ཀྑཱ་པ་དཾ ནི་ཊྛི་ཏཾ.

༤. ཙ་ཏུ་ཏྠ་སི་ཀྑཱ་པ་དཾ

༡༠༨༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་ནྟི. བྷི་ཀྑུ་ནི་ཡོ ཨེ་ཝ་མཱ་ཧཾ་སུ – ‘‘ཨེ་ཐ, སི་ཀྑ་མཱ་ནཱ, ཨི་མཾ ཛཱ་ནཱ་ཐ, ཨི་མཾ དེ་ཐ, ཨི་མཾ ཨཱ་ཧ་ར་ཐ, ཨི་མི་ནཱ ཨ་ཏྠོ, ཨི་མཾ ཀ་པྤི་ཡཾ ཀ་རོ་ཐཱ’’ཏི. ཏཱ ཨེ་ཝ་མཱ་ཧཾ་སུ – ‘‘ན མ་ཡཾ, ཨ་ཡྻེ, སི་ཀྑ་མཱ་ནཱ. བྷི་ཀྑུ་ནི་ཡོ མ་ཡ’’ནྟི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཝི་ག་ར་ཧི་ཏྭཱ…པེ… དྷ་མྨིཾ ཀ་ཐཾ ཀ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ སི་ཀྑ་མཱ་ནཱ་ཡ ཝུ་ཊྛཱ་ན་ས་མྨུ་ཏིཾ དཱ་ཏུཾ. ཨེ་ཝ་ཉྩ པ་ན, བྷི་ཀྑ་ཝེ, དཱ་ཏ་བྦཱ. ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ སི་ཀྑ་མཱ་ནཱ་ཡ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ བྷི་ཀྑུ་ནཱི་ནཾ པཱ་དེ ཝ་ནྡི་ཏྭཱ ཨུ་ཀྐུ་ཊི་ཀཾ ནི་སཱི་དི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ‘‘ཨ་ཧཾ, ཨ་ཡྻེ, ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ སི་ཀྑ་མཱ་ནཱ ས་ངྒྷཾ ཝུ་ཊྛཱ་ན་ས་མྨུ་ཏིཾ ཡཱ་ཙཱ་མཱི’’ཏི. དུ་ཏི་ཡ་མྤི ཡཱ་ཙི་ཏ་བྦཱ. ཏ་ཏི་ཡ་མྤི ཡཱ་ཙི་ཏ་བྦཱ. བྱ་ཏྟཱ་ཡ བྷི་ཀྑུ་ནི་ཡཱ པ་ཊི་བ་ལཱ་ཡ ས་ངྒྷོ ཉཱ་པེ་ཏ་བྦོ –

༡༠༨༥. ‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ སི་ཀྑ་མཱ་ནཱ ས་ངྒྷཾ ཝུ་ཊྛཱ་ན་ས་མྨུ་ཏིཾ ཡཱ་ཙ་ཏི. ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ སི་ཀྑ་མཱ་ནཱ་ཡ ཝུ་ཊྛཱ་ན་ས་མྨུ་ཏིཾ ད་དེ་ཡྻ. ཨེ་སཱ ཉ་ཏྟི.

‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ སི་ཀྑ་མཱ་ནཱ ས་ངྒྷཾ ཝུ་ཊྛཱ་ན་ས་མྨུ་ཏིཾ ཡཱ་ཙ་ཏི. ས་ངྒྷོ ཨི་ཏྠ་ནྣཱ་མཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ སི་ཀྑ་མཱ་ནཱ་ཡ ཝུ་ཊྛཱ་ན་ས་མྨུ་ཏིཾ དེ་ཏི. ཡ་སྶཱ ཨ་ཡྻཱ་ཡ ཁ་མ་ཏི ཨི་ཏྠ་ནྣཱ་མཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ སི་ཀྑ་མཱ་ནཱ་ཡ ཝུ་ཊྛཱ་ན་ས་མྨུ་ཏི་ཡཱ དཱ་ནཾ, སཱ ཏུ་ཎྷ་སྶ; ཡ་སྶཱ ན་ཀྑ་མ་ཏི, སཱ བྷཱ་སེ་ཡྻ.

‘‘དི་ནྣཱ ས་ངྒྷེ་ན ཨི་ཏྠ་ནྣཱ་མཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ སི་ཀྑ་མཱ་ནཱ་ཡ ཝུ་ཊྛཱ་ན་ས་མྨུ་ཏི; ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི.

༡༠༨༦. ‘‘ཡཱ པ་ན བྷི་ཀྑུ་ནཱི དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༠༨༧. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི. སི་ཀྑི་ཏ་སི་ཀྑཱ ནཱ་མ ཚ་སུ དྷ་མྨེ་སུ སི་ཀྑི་ཏ་སི་ཀྑཱ. ཨ་ས་མྨ་ཏཱ ནཱ་མ ཉ་ཏྟི་དུ་ཏི་ཡེ་ན ཀ་མྨེ་ན ཝུ་ཊྛཱ་ན་ས་མྨུ་ཏི ན དི་ནྣཱ་ཧོ་ཏི. ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

༡༠༨༨. དྷ་མྨ་ཀ་མྨེ དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཨ་དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

༡༠༨༩. ཨ་ནཱ་པ་ཏྟི དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ས་མྨ་ཏཾ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.

༥. པ་ཉྩ་མ་སི་ཀྑཱ་པ་དཾ

༡༠༩༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཨཱུ་ན་དྭཱ་ད་ས་ཝ་སྶཾ གི་ཧི་ག་ཏཾ ཝུ་ཊྛཱ་པེ་ནྟི. ཏཱ ཨ་ཀྑ་མཱ ཧོ་ནྟི སཱི་ཏ་སྶ ཨུ་ཎྷ་སྶ ཛི་གྷ་ཙྪཱ་ཡ པི་པཱ་སཱ་ཡ ཌཾ་ས་མ་ཀ་ས་ཝཱ་ཏཱ་ཏ་པ་ས་རཱི་ས་པ་ས་མྥ་སྶཱ་ནཾ དུ་རུ་ཏྟཱ་ནཾ དུ་རཱ་ག་ཏཱ་ནཾ ཝ་ཙ་ན་པ་ཐཱ་ནཾ. ཨུ་པྤ་ནྣཱ་ནཾ སཱ་རཱི་རི་ཀཱ་ནཾ ཝེ་ད་ནཱ་ནཾ དུ་ཀྑཱ་ནཾ ཏི་བྦཱ་ནཾ ཁ་རཱ་ནཾ ཀ་ཊུ་ཀཱ་ནཾ ཨ་སཱ་ཏཱ་ནཾ ཨ་མ་ནཱ་པཱ་ནཾ པཱ་ཎ་ཧ་རཱ་ནཾ ཨ་ན་དྷི་ཝཱ་ས་ཀ་ཛཱ་ཏི་ཀཱ ཧོ་ནྟི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨཱུ་ན་དྭཱ་ད་ས་ཝ་སྶཾ གི་ཧི་ག་ཏཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཨཱུ་ན་དྭཱ་ད་ས་ཝ་སྶཾ གི་ཧི་ག་ཏཾ ཝུ་ཊྛཱ་པེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཨཱུ་ན་དྭཱ་ད་ས་ཝ་སྶཾ གི་ཧི་ག་ཏཾ ཝུ་ཊྛཱ་པེ་སྶ་ནྟི! ཨཱུ་ན་དྭཱ་ད་ས་ཝ་སྶཱ [ཨཱུ་ན་དྭཱ་ད་ས་ཝ་སྶཱ་ཧི (ཀ.)], བྷི་ཀྑ་ཝེ, གི་ཧི་ག་ཏཱ ཨ་ཀྑ་མཱ ཧོ་ཏི སཱི་ཏ་སྶ ཨུ་ཎྷ་སྶ ཛི་གྷ་ཙྪཱ་ཡ པི་པཱ་སཱ་ཡ ཌཾ་ས་མ་ཀ་ས་ཝཱ་ཏཱ་ཏ་པ་ས་རཱི་ས་པ་ས་མྥ་སྶཱ་ནཾ དུ་རུ་ཏྟཱ་ནཾ དུ་རཱ་ག་ཏཱ་ནཾ ཝ་ཙ་ན་པ་ཐཱ་ནཾ. ཨུ་པྤ་ནྣཱ་ནཾ སཱ་རཱི་རི་ཀཱ་ནཾ ཝེ་ད་ནཱ་ནཾ དུ་ཀྑཱ་ནཾ ཏི་བྦཱ་ནཾ ཁ་རཱ་ནཾ ཀ་ཊུ་ཀཱ་ནཾ ཨ་སཱ་ཏཱ་ནཾ ཨ་མ་ནཱ་པཱ་ནཾ པཱ་ཎ་ཧ་རཱ་ནཾ ཨ་ན་དྷི་ཝཱ་ས་ཀ་ཛཱ་ཏི་ཀཱ ཧོ་ཏི. དྭཱ་ད་ས་ཝ་སྶཱ་ཝ [དྭཱ་ད་ས་ཝ་སྶཱ ཙ (སྱཱ. ཀ.)] ཁོ, བྷི་ཀྑ་ཝེ, གི་ཧི་ག་ཏཱ ཁ་མཱ ཧོ་ཏི སཱི་ཏ་སྶ ཨུ་ཎྷ་སྶ ཛི་གྷ་ཙྪཱ་ཡ པི་པཱ་སཱ་ཡ ཌཾ་ས་མ་ཀ་ས་ཝཱ་ཏཱ་ཏ་པ་ས་རཱི་ས་པ་ས་མྥ་སྶཱ་ནཾ དུ་རུ་ཏྟཱ་ནཾ དུ་རཱ་ག་ཏཱ་ནཾ ཝ་ཙ་ན་པ་ཐཱ་ནཾ. ཨུ་པྤ་ནྣཱ་ནཾ སཱ་རཱི་རི་ཀཱ་ནཾ ཝེ་ད་ནཱ་ནཾ དུ་ཀྑཱ་ནཾ ཏི་བྦཱ་ནཾ ཁ་རཱ་ནཾ ཀ་ཊུ་ཀཱ་ནཾ ཨ་སཱ་ཏཱ་ནཾ ཨ་མ་ནཱ་པཱ་ནཾ པཱ་ཎ་ཧ་རཱ་ནཾ ཨ་དྷི་ཝཱ་ས་ཀ་ཛཱ་ཏི་ཀཱ ཧོ་ཏི. ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༠༩༡. ‘‘ཡཱ པ་ན བྷི་ཀྑུ་ནཱི ཨཱུ་ན་དྭཱ་ད་ས་ཝ་སྶཾ གི་ཧི་ག་ཏཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༠༩༢. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ཨཱུ་ན་དྭཱ་ད་ས་ཝ་སྶཱ ནཱ་མ ཨ་པྤ་ཏྟ་དྭཱ་ད་ས་ཝ་སྶཱ. གི་ཧི་ག་ཏཱ ནཱ་མ པུ་རི་ས་ནྟ་ར་ག་ཏཱ ཝུ་ཙྩ་ཏི. ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

༡༠༩༣. ཨཱུ་ན་དྭཱ་ད་ས་ཝ་སྶཱ་ཡ ཨཱུ་ན་དྭཱ་ད་ས་ཝ་སྶ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨཱུ་ན་དྭཱ་ད་ས་ཝ་སྶཱ་ཡ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི དུ་ཀྐ་ཊ་སྶ. ཨཱུ་ན་དྭཱ་ད་ས་ཝ་སྶཱ་ཡ པ་རི་པུ་ཎྞ་ས་ཉྙཱ ཝུ་ཊྛཱ་པེ་ཏི, ཨ་ནཱ་པ་ཏྟི.

པ་རི་པུ་ཎྞ་དྭཱ་ད་ས་ཝ་སྶཱ་ཡ ཨཱུ་ན་དྭཱ་ད་ས་ཝ་སྶ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. པ་རི་པུ་ཎྞ་དྭཱ་ད་ས་ཝ་སྶཱ་ཡ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. པ་རི་པུ་ཎྞ་དྭཱ་ད་ས་ཝ་སྶཱ་ཡ པ་རི་པུ་ཎྞ་ས་ཉྙཱ, ཨ་ནཱ་པ་ཏྟི.

༡༠༩༤. ཨ་ནཱ་པ་ཏྟི ཨཱུ་ན་དྭཱ་ད་ས་ཝ་སྶཾ པ་རི་པུ་ཎྞ་ས་ཉྙཱ ཝུ་ཊྛཱ་པེ་ཏི, པ་རི་པུ་ཎྞ་དྭཱ་ད་ས་ཝ་སྶཾ པ་རི་པུ་ཎྞ་ས་ཉྙཱ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

པ་ཉྩ་མ་སི་ཀྑཱ་པ་དཾ ནི་ཊྛི་ཏཾ.

༦. ཚ་ཊྛ་སི་ཀྑཱ་པ་དཾ

༡༠༩༥. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ ཝུ་ཊྛཱ་པེ་ནྟི. ཏཱ བཱ་ལཱ ཧོ་ནྟི ཨ་བྱ་ཏྟཱ ན ཛཱ་ན་ནྟི ཀ་པྤི་ཡཾ ཝཱ ཨ་ཀ་པྤི་ཡཾ ཝཱ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ ཝུ་ཊྛཱ་པེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ ཝུ་ཊྛཱ་པེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཝི་ག་ར་ཧི་ཏྭཱ དྷ་མྨིཾ ཀ་ཐཾ ཀ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ དཱ་ཏུཾ. ཨེ་ཝ་ཉྩ པ་ན, བྷི་ཀྑ་ཝེ, དཱ་ཏ་བྦཱ. ཏཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ བྷི་ཀྑུ་ནཱི་ནཾ པཱ་དེ ཝ་ནྡི་ཏྭཱ ཨུ་ཀྐུ་ཊི་ཀཾ ནི་སཱི་དི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ཨ་ཧཾ, ཨ་ཡྻེ, ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ ས་ངྒྷཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ཡཱ་ཙཱ་མཱི’’ཏི. དུ་ཏི་ཡ་མྤི ཡཱ་ཙི་ཏ་བྦཱ. ཏ་ཏི་ཡ་མྤི ཡཱ་ཙི་ཏ་བྦཱ. བྱ་ཏྟཱ་ཡ བྷི་ཀྑུ་ནི་ཡཱ པ་ཊི་བ་ལཱ་ཡ ས་ངྒྷོ ཉཱ་པེ་ཏ་བྦོ –

༡༠༩༦. ‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ ས་ངྒྷཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ཡཱ་ཙ་ཏི. ཡ་དི ས་ངྒྷ་སྶ པ་ཏྟ་ཀ་ལླཾ ས་ངྒྷོ ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ད་དེ་ཡྻ. ཨེ་སཱ ཉ་ཏྟི.

‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ ས་ངྒྷཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ ཡཱ་ཙ་ཏི. ས་ངྒྷོ ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏིཾ དེ་ཏི. ཡ་སྶཱ ཨ་ཡྻཱ་ཡ ཁ་མ་ཏི ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏི་ཡཱ དཱ་ནཾ, སཱ ཏུ་ཎྷ་སྶ; ཡ་སྶཱ ན་ཀྑ་མ་ཏི, སཱ བྷཱ་སེ་ཡྻ.

‘‘དི་ནྣཱ ས་ངྒྷེ་ན ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑཱ་ས་མྨུ་ཏི. ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི.

སཱ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ ཨེ་ཝཾ ཝ་དེ་ཧཱི་ཏི ཝ་ཏྟ་བྦཱ – ‘‘པཱ་ཎཱ་ཏི་པཱ་ཏཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མི…པེ… ཝི་ཀཱ་ལ་བྷོ་ཛ་ནཱ ཝེ་ར་མ་ཎིཾ དྭེ ཝ་སྶཱ་ནི ཨ་ཝཱི་ཏི་ཀྐ་མྨ ས་མཱ་དཱ་ནཾ ས་མཱ་དི་ཡཱ་མཱི’’ཏི.

༡༠༩༧. ‘‘ཡཱ པ་ན བྷི་ཀྑུ་ནཱི པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༠༩༨. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

པ་རི་པུ་ཎྞ་དྭཱ་ད་ས་ཝ་སྶཱ ནཱ་མ པ་ཏྟ་དྭཱ་ད་ས་ཝ་སྶཱ. གི་ཧི་ག་ཏཱ ནཱ་མ པུ་རི་ས་ནྟ་ར་ག་ཏཱ ཝུ་ཙྩ་ཏི. དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི. ཨ་སི་ཀྑི་ཏ་སི་ཀྑཱ ནཱ་མ སི་ཀྑཱ ཝཱ ན དི་ནྣཱ ཧོ་ཏི, དི་ནྣཱ ཝཱ སི་ཀྑཱ ཀུ་པི་ཏཱ. ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

༡༠༩༩. དྷ་མྨ་ཀ་མྨེ དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཨ་དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

ཨ་དྷ་མྨ་ཀ་མྨེ དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི དུ་ཀྐ་ཊ་སྶ. ཨ་དྷ་མྨ་ཀ་མྨེ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི དུ་ཀྐ་ཊ་སྶ. ཨ་དྷ་མྨ་ཀ་མྨེ ཨ་དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི དུ་ཀྐ་ཊ་སྶ.

༡༡༠༠. ཨ་ནཱ་པ་ཏྟི པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ཚ་ཊྛ་སི་ཀྑཱ་པ་དཾ ནི་ཊྛི་ཏཾ.

༧. ས་ཏྟ་མ་སི་ཀྑཱ་པ་དཾ

༡༡༠༡. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་ནྟི. བྷི་ཀྑུ་ནི་ཡོ ཨེ་ཝ་མཱ་ཧཾ་སུ – ‘‘ཨེ་ཐ སི་ཀྑ་མཱ་ནཱ, ཨི་མཾ ཛཱ་ནཱ་ཐ, ཨི་མཾ དེ་ཐ, ཨི་མཾ ཨཱ་ཧ་ར་ཐ, ཨི་མི་ནཱ ཨ་ཏྠོ, ཨི་མཾ ཀ་པྤི་ཡཾ ཀ་རོ་ཐཱ’’ཏི. ཏཱ ཨེ་ཝ་མཱ་ཧཾ་སུ – ‘‘ན མ་ཡཾ, ཨ་ཡྻེ, སི་ཀྑ་མཱ་ནཱ, བྷི་ཀྑུ་ནི་ཡོ མ་ཡ’’ནྟི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ས་ངྒྷེ་ན ཨ་ས་མྨ་ཏྟཾ ཝུ་ཊྛཱ་པེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ བྷི་ཀྑ་ཝེ བྷི་ཀྑུ་ནི་ཡོ པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཝི་ག་ར་ཧི་ཏྭཱ…པེ… དྷ་མྨིཾ ཀ་ཐཾ ཀ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ ཝུ་ཊྛཱ་ན་ས་མྨུ་ཏིཾ དཱ་ཏུཾ. ཨེ་ཝ་ཉྩ པ་ན, བྷི་ཀྑ་ཝེ, དཱ་ཏ་བྦཱ. ཏཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ བྷི་ཀྑུ་ནཱི་ནཾ པཱ་དེ ཝ་ནྡི་ཏྭཱ ཨུ་ཀྐུ་ཊི་ཀཾ ནི་སཱི་དི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ཨ་ཧཾ, ཨ་ཡྻེ, ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ, ས་ངྒྷཾ ཝུ་ཊྛཱ་ན་ས་མྨུ་ཏིཾ ཡཱ་ཙཱ་མཱི’’ཏི. དུ་ཏི་ཡ་མྤི ཡཱ་ཙི་ཏ་བྦཱ. ཏ་ཏི་ཡ་མྤི ཡཱ་ཙི་ཏ་བྦཱ. བྱ་ཏྟཱ་ཡ བྷི་ཀྑུ་ནི་ཡཱ པ་ཊི་བ་ལཱ་ཡ ས་ངྒྷོ ཉཱ་པེ་ཏ་བྦོ.

༡༡༠༢. ‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ ས་ངྒྷཾ ཝུ་ཊྛཱ་ན་ས་མྨུ་ཏིཾ ཡཱ་ཙ་ཏི. ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ ཝུ་ཊྛཱ་ན་ས་མྨུ་ཏིཾ ད་དེ་ཡྻ. ཨེ་སཱ ཉ་ཏྟི.

‘‘སུ་ཎཱ་ཏུ མེ, ཨ་ཡྻེ, ས་ངྒྷོ. ཨ་ཡཾ ཨི་ཏྠ་ནྣཱ་མཱ ཨི་ཏྠ་ནྣཱ་མཱ་ཡ ཨ་ཡྻཱ་ཡ པ་རི་པུ་ཎྞ་དྭཱ་ད་ས་ཝ་སྶཱ གི་ཧི་ག་ཏཱ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ ས་ངྒྷཾ ཝུ་ཊྛཱ་ན་ས་མྨུ་ཏིཾ ཡཱ་ཙ་ཏི. ས་ངྒྷོ ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ ཝུ་ཊྛཱ་ན་ས་མྨུ་ཏིཾ དེ་ཏི. ཡ་སྶཱ ཨ་ཡྻཱ་ཡ ཁ་མ་ཏི ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ ཝུ་ཊྛཱ་ན་ས་མྨུ་ཏི་ཡཱ དཱ་ནཾ, སཱ ཏུ་ཎྷ་སྶ; ཡ་སྶཱ ན་ཀྑ་མ་ཏི, སཱ བྷཱ་སེ་ཡྻ.

‘‘དི་ནྣཱ ས་ངྒྷེ་ན ཨི་ཏྠ་ནྣཱ་མཱ་ཡ པ་རི་པུ་ཎྞ་དྭཱ་ད་ས་ཝ་སྶཱ་ཡ གི་ཧི་ག་ཏཱ་ཡ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ་ཡ ཝུ་ཊྛཱ་ན་ས་མྨུ་ཏི. ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི.

༡༡༠༣. ‘‘ཡཱ པ་ན བྷི་ཀྑུ་ནཱི པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་ཡྻ, པཱ་ཙི་ཏྟི་ཡ’’ནྟི.

༡༡༠༤. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

པ་རི་པུ་ཎྞ་དྭཱ་ད་ས་ཝ་སྶཱ ནཱ་མ པ་ཏྟ་དྭཱ་ད་ས་ཝ་སྶཱ. གི་ཧི་ག་ཏཱ ནཱ་མ པུ་རི་ས་ནྟ་ར་ག་ཏཱ ཝུ་ཙྩ་ཏི. དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི. སི་ཀྑི་ཏ་སི་ཀྑཱ ནཱ་མ ཚ་སུ དྷ་མྨེ་སུ སི་ཀྑི་ཏ་སི་ཀྑཱ. ཨ་ས་མྨ་ཏཱ ནཱ་མ ཉ་ཏྟི་དུ་ཏི་ཡེ་ན ཀ་མྨེ་ན ཝུ་ཊྛཱ་ན་ས་མྨུ་ཏི ན དི་ནྣཱ ཧོ་ཏི. ཝུ་ཊྛཱ་པེ་ཡྻཱཏི ཨུ་པ་ས་མྤཱ་དེ་ཡྻ.

༡༡༠༥. དྷ་མྨ་ཀ་མྨེ དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཝེ་མ་ཏི་ཀཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨ་ཀ་མྨེ ཨ་དྷ་མྨ་ཀ་མྨ་ས་ཉྙཱ ཝུ་ཊྛཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

༡༡༠༦. ཨ་ནཱ་པ་ཏྟི པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཾ ས་ངྒྷེ་ན ས་མྨ་ཏཾ ཝུ་ཊྛཱ་པེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.

༨. ཨ་ཊྛ་མ་སི་ཀྑཱ་པ་དཾ

༡༡༠༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ དྭེ ཝ་སྶཱ་ནི ནེ་ཝ ཨ་ནུ་གྒ་ཎྷཱ་ཏི ན ཨ་ནུ་གྒ་ཎྷཱ་པེ་ཏི. ཏཱ བཱ་ལཱ ཧོ་ནྟི ཨ་བྱ་ཏྟཱ; ན ཛཱ་ན་ནྟི ཀ་པྤི་ཡཾ ཝཱ ཨ་ཀ་པྤི་ཡཾ ཝཱ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ དྭེ ཝ་སྶཱ་ནི ནེ་ཝ ཨ་ནུ་གྒ་ཎྷི་སྶ་ཏི ན ཨ་ནུ་གྒ་ཎྷཱ་པེ་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ དྭེ ཝ་སྶཱ་ནི ནེ་ཝ ཨ་ནུ་གྒ་ཎྷཱ་ཏི ན ཨ་ནུ་གྒ་ཎྷཱ་པེ་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ དྭེ ཝ་སྶཱ་ནི ནེ་ཝ ཨ་ནུ་གྒ་ཎྷི་སྶ་ཏི ན ཨ་ནུ་གྒ་ཎྷཱ་པེ་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༡༠༨. ‘‘ཡཱ པ་ན བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ དྭེ ཝ་སྶཱ་ནི ནེ་ཝ ཨ་ནུ་གྒ་ཎྷེ་ཡྻ ན ཨ་ནུ་གྒ་ཎྷཱ་པེ་ཡྻ, པཱ་ཙི་ཏྟི་ཡ’’ནྟི.

༡༡༠༩. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ས་ཧ་ཛཱི་ཝི་ནཱི ནཱ་མ ས་དྡྷི་ཝི་ཧཱ་རི་ནཱི ཝུ་ཙྩ་ཏི. ཝུ་ཊྛཱ་པེ་ཏྭཱཏི ཨུ་པ་ས་མྤཱ་དེ་ཏྭཱ. དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི.

ནེ་ཝ ཨ་ནུ་གྒ་ཎྷེ་ཡྻཱཏི ན ས་ཡཾ ཨ་ནུ་གྒ་ཎྷེ་ཡྻ ཨུ་དྡེ་སེ་ན པ་རི་པུ་ཙྪཱ་ཡ ཨོ་ཝཱ་དེ་ན ཨ་ནུ་སཱ་ས་ནི་ཡཱ.

ན ཨ་ནུ་གྒ་ཎྷཱ་པེ་ཡྻཱཏི ན ཨ་ཉྙཾ ཨཱ་ཎཱ་པེ་ཡྻ ‘‘དྭེ ཝ་སྶཱ་ནི ནེ་ཝ ཨ་ནུ་གྒ་ཎྷི་སྶཱ་མི ན ཨ་ནུ་གྒ་ཎྷཱ་པེ་སྶཱ་མཱི’’ཏི དྷུ་རཾ ནི་ཀྑི་ཏྟ་མ་ཏྟེ ཨཱ་པ་ཏྟི པཱ་ཙི་ཏྟི་ཡ་སྶ.

༡༡༡༠. ཨ་ནཱ་པ་ཏྟི ས་ཏི ཨ་ནྟ་རཱ་ཡེ, པ་རི་ཡེ་སི་ཏྭཱ ན ལ་བྷ་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ཨ་ཊྛ་མ་སི་ཀྑཱ་པ་དཾ ནི་ཊྛི་ཏཾ.

༩. ན་ཝ་མ་སི་ཀྑཱ་པ་དཾ

༡༡༡༡. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷ་ནྟི. ཏཱ བཱ་ལཱ ཧོ་ནྟི ཨ་བྱ་ཏྟཱ; ན ཛཱ་ན་ནྟི ཀ་པྤི་ཡཾ ཝཱ ཨ་ཀ་པྤི་ཡཾ ཝཱ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༡༡༢. ‘‘ཡཱ པ་ན བྷི་ཀྑུ་ནཱི ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷེ་ཡྻ, པཱ་ཙི་ཏྟི་ཡ’’ནྟི.

༡༡༡༣. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ཝུ་ཊྛཱ་པི་ཏནྟི ཨུ་པ་ས་མྤཱ་དི་ཏཾ. པ་ཝ་ཏྟི་ནཱི ནཱ་མ ཨུ་པ་ཛ྄ཛྷཱ་ཡཱ ཝུ་ཙྩ་ཏི. དྭེ ཝ་སྶཱ་ནཱིཏི དྭེ སཾ་ཝ་ཙྪ་རཱ་ནི. ནཱ་ནུ་བ་ནྡྷེ་ཡྻཱཏི ན ས་ཡཾ ཨུ་པ་ཊྛ་ཧེ་ཡྻ. དྭེ ཝ་སྶཱ་ནི ནཱ་ནུ་བ་ནྡྷི་སྶཱ་མཱི་ཏི དྷུ་རཾ ནི་ཀྑི་ཏྟ་མ་ཏྟེ ཨཱ་པ་ཏྟི པཱ་ཙི་ཏྟི་ཡ་སྶ.

༡༡༡༤. ཨ་ནཱ་པ་ཏྟི ཨུ་པ་ཛ྄ཛྷཱ་ཡཱ བཱ་ལཱ ཝཱ ཧོ་ཏི ཨ་ལ་ཛྫི་ནཱི ཝཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ན་ཝ་མ་སི་ཀྑཱ་པ་དཾ ནི་ཊྛི་ཏཾ.

༡༠. ད་ས་མ་སི་ཀྑཱ་པ་དཾ

༡༡༡༥. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཏི ན ཝཱུ་པ་ཀཱ་སཱ་པེ་ཏི. སཱ་མི་ཀོ ཨ་གྒ་ཧེ་སི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་སྶ་ཏི ན ཝཱུ་པ་ཀཱ་སཱ་པེ་སྶ་ཏི, སཱ་མི་ཀོ ཨ་གྒ་ཧེ་སི! ས་ཙཱ་ཡཾ བྷི་ཀྑུ་ནཱི པ་ཀྐ་ནྟཱ ཨ་སྶ, ན ཙ སཱ་མི་ཀོ ག་ཎྷེ་ཡྻཱ’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཏི ན ཝཱུ་པ་ཀཱ་སཱ་པེ་ཏི […སི (ཀ.)], སཱ་མི་ཀོ ཨ་གྒ་ཧེ་སཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་སྶ་ཏི ན ཝཱུ་པ་ཀཱ་སཱ་པེ་སྶ་ཏི, སཱ་མི་ཀོ ཨ་གྒ་ཧེ་སི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༡༡༦. ‘‘ཡཱ པ་ན བྷི་ཀྑུ་ནཱི ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཡྻ ན ཝཱུ་པ་ཀཱ་སཱ་པེ་ཡྻ ཨ་ནྟ་མ་སོ ཚ་པྤ་ཉྩ་ཡོ་ཛ་ནཱ་ནི་པི, པཱ་ཙི་ཏྟི་ཡ’’ནྟི.

༡༡༡༧. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ས་ཧ་ཛཱི་ཝི་ནཱི ནཱ་མ ས་དྡྷི་ཝི་ཧཱ་རི་ནཱི ཝུ་ཙྩ་ཏི. ཝུ་ཊྛཱ་པེ་ཏྭཱཏི ཨུ་པ་ས་མྤཱ་དེ་ཏྭཱ. ནེ་ཝ ཝཱུ་པ་ཀཱ་སེ་ཡྻཱཏི ན ས་ཡཾ ཝཱུ་པ་ཀཱ་སེ་ཡྻ. ན ཝཱུ་པ་ཀཱ་སཱ་པེ་ཡྻཱཏི ན ཨ་ཉྙཾ ཨཱ་ཎཱ་པེ་ཡྻ. ‘‘ནེ་ཝ ཝཱུ་པ་ཀཱ་སེ་སྶཱ་མི ན ཝཱུ་པ་ཀཱ་སཱ་པེ་སྶཱ་མི ཨ་ནྟ་མ་སོ ཚ་པྤ་ཉྩ་ཡོ་ཛ་ནཱ་ནི་པཱི’’ཏི དྷུ་རཾ ནི་ཀྑི་ཏྟ་མ་ཏྟེ ཨཱ་པ་ཏྟི པཱ་ཙི་ཏྟི་ཡ་སྶ.

༡༡༡༨. ཨ་ནཱ་པ་ཏྟི ས་ཏི ཨ་ནྟ་རཱ་ཡེ, པ་རི་ཡེ་སི་ཏྭཱ དུ་ཏི་ཡི་ཀཾ བྷི་ཀྑུ་ནིཾ ན ལ་བྷ་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ད་ས་མ་སི་ཀྑཱ་པ་དཾ ནི་ཊྛི་ཏཾ.

ག་བྦྷི་ནི་ཝ་གྒོ ས་ཏྟ་མོ.