༩. ན་ཝ་མ་སི་ཀྑཱ་པ་དཾ

༡༠༥༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཨུ་པོ་ས་ཐ་མྤི ན པུ་ཙྪ་ནྟི ཨོ་ཝཱ་ད་མྤི ན ཡཱ་ཙ་ནྟི. བྷི་ཀྑཱུ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨུ་པོ་ས་ཐ་མྤི ན པུ་ཙྪི་སྶ་ནྟི ཨོ་ཝཱ་ད་མྤི ན ཡཱ་ཙི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ‘‘ཨུ་པོ་ས་ཐ་མྤི ན པུ་ཙྪ་ནྟི ཨོ་ཝཱ་ད་མྤི ན ཡཱ་ཙ་ནྟཱི’’ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཨུ་པོ་ས་ཐ་མྤི ན པུ་ཙྪི་སྶ་ནྟི ཨོ་ཝཱ་ད་མྤི ན ཡཱ་ཙི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༠༥༩. ‘‘ཨ་ནྭ་དྡྷ་མཱ་སཾ བྷི་ཀྑུ་ནི་ཡཱ བྷི་ཀྑུ་ས་ངྒྷ་ཏོ དྭེ དྷ་མྨཱ པ་ཙྩཱ་སཱི་སི་ཏ་བྦཱ – ཨུ་པོ་ས་ཐ་པུ་ཙྪ་ཀ་ཉྩ ཨོ་ཝཱ་དཱུ་པ་ས་ངྐ་མ་ན་ཉྩ. ཏཾ ཨ་ཏི་ཀྐཱ་མེ་ནྟི་ཡཱ པཱ་ཙི་ཏྟི་ཡ’’ནྟི.

༡༠༦༠. ཨ་ནྭ་དྡྷ་མཱ་སནྟི ཨ་ནུ་པོ་ས་ཐི་ཀཾ. ཨུ་པོ་ས་ཐོ ནཱ་མ དྭེ ཨུ་པོ་ས་ཐཱ – ཙཱ་ཏུ་དྡ་སི་ཀོ ཙ པ་ནྣ་ར་སི་ཀོ ཙ.

ཨོ་ཝཱ་དོ ནཱ་མ ཨ་ཊྛ ག་རུ་དྷ་མྨཱ. ‘‘ཨུ་པོ་ས་ཐ་མྤི ན པུ་ཙྪི་སྶཱ་མི ཨོ་ཝཱ་ད་མྤི ན ཡཱ་ཙི་སྶཱ་མཱི’’ཏི དྷུ་རཾ ནི་ཀྑི་ཏྟ་མ་ཏྟེ ཨཱ་པ་ཏྟི པཱ་ཙི་ཏྟི་ཡ་སྶ.

༡༠༦༡. ཨ་ནཱ་པ་ཏྟི ས་ཏི ཨ་ནྟ་རཱ་ཡེ, པ་རི་ཡེ་སི་ཏྭཱ དུ་ཏི་ཡི་ཀཾ བྷི་ཀྑུ་ནིཾ ན ལ་བྷ་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ན་ཝ་མ་སི་ཀྑཱ་པ་དཾ ནི་ཊྛི་ཏཾ.