༧. ས་ཏྟ་མ་སི་ཀྑཱ་པ་དཾ

༩༡༡. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ས་ངྒྷ་སྶ ཨ་ཀཱ་ལ་ཙཱི་ཝ་རཾ ཨུ་པྤ་ནྣཾ ཧོ་ཏི. ཨ་ཐ ཁོ བྷི་ཀྑུ་ནི་ས་ངྒྷོ ཏཾ ཙཱི་ཝ་རཾ བྷཱ་ཛེ་ཏུ་ཀཱ་མོ ས་ནྣི་པ་ཏི. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ་ཡ བྷི་ཀྑུ་ནི་ཡཱ ཨ་ནྟེ་ཝཱ་སི་ནི་ཡོ བྷི་ཀྑུ་ནི་ཡོ པ་ཀྐ་ནྟཱ ཧོ་ནྟི. ཐུ་ལླ་ན་ནྡཱ བྷི་ཀྑུ་ནཱི ཏཱ བྷི་ཀྑུ་ནི་ཡོ ཨེ་ཏ་ད་ཝོ་ཙ – ‘‘ཨ་ཡྻེ, བྷི་ཀྑུ་ནི་ཡོ པ་ཀྐ་ནྟཱ, ན ཏཱ་ཝ ཙཱི་ཝ་རཾ བྷཱ་ཛཱི་ཡི་སྶ་ཏཱི’’ཏི. ཙཱི་ཝ་ར་ཝི་བྷ་ངྒཾ པ་ཊི་བཱ་ཧི. བྷི་ཀྑུ་ནི་ཡོ ན ཏཱ་ཝ ཙཱི་ཝ་རཾ བྷཱ་ཛཱི་ཡི་སྶ་ཏཱི་ཏི པ་ཀྐ་མིཾ་སུ [ཝི་པ་ཀྐ་མིཾ་སུ (སྱཱ.)]. ཐུ་ལླ་ན་ནྡཱ བྷི་ཀྑུ་ནཱི ཨ་ནྟེ་ཝཱ་སི་ནཱི་སུ བྷི་ཀྑུ་ནཱི་སུ ཨཱ་ག་ཏཱ་སུ ཏཾ ཙཱི་ཝ་རཾ བྷཱ་ཛཱ་པེ་སི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ དྷ་མྨི་ཀཾ ཙཱི་ཝ་ར་ཝི་བྷ་ངྒཾ པ་ཊི་བཱ་ཧི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི དྷ་མྨི་ཀཾ ཙཱི་ཝ་ར་ཝི་བྷ་ངྒཾ པ་ཊི་བཱ་ཧ་ཏཱི་ཏི [པ་ཊི་བཱ་ཧཱི་ཏི (ཀ.)]? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི དྷ་མྨི་ཀཾ ཙཱི་ཝ་ར་ཝི་བྷ་ངྒཾ པ་ཊི་བཱ་ཧི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༩༡༢. ‘‘ཡཱ པ་ན བྷི་ཀྑུ་ནཱི དྷ་མྨི་ཀཾ ཙཱི་ཝ་ར་ཝི་བྷ་ངྒཾ པ་ཊི་བཱ་ཧེ་ཡྻ, པཱ་ཙི་ཏྟི་ཡ’’ནྟི.

༩༡༣. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

དྷ་མྨི་ཀོནཱ་མ ཙཱི་ཝ་ར་ཝི་བྷ་ངྒོ ས་མ་གྒོ བྷི་ཀྑུ་ནི་ས་ངྒྷོ ས་ནྣི་པ་ཏི་ཏྭཱ བྷཱ་ཛེ་ཏི.

པ་ཊི་བཱ་ཧེ་ཡྻཱཏི ཀ་ཐཾ ཨི་མཾ ཙཱི་ཝ་རཾ ན བྷཱ་ཛེ་ཡྻཱ་ཏི [ཙཱི་ཝ་རཾ བྷཱ་ཛེ་ཡྻཱ་ཏི (ཀ.)] པ་ཊི་བཱ་ཧ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

༩༡༤. དྷ་མྨི་ཀེ དྷ་མྨི་ཀ་ས་ཉྙཱ པ་ཊི་བཱ་ཧ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. དྷ་མྨི་ཀེ ཝེ་མ་ཏི་ཀཱ པ་ཊི་བཱ་ཧ་ཏི, ཨཱ་པ་ཏྟི དུ་ཀྐ་ཊ་སྶ. དྷ་མྨི་ཀེ ཨ་དྷ་མྨི་ཀ་ས་ཉྙཱ པ་ཊི་བཱ་ཧ་ཏི, ཨ་ནཱ་པ་ཏྟི. ཨ་དྷ་མྨི་ཀེ དྷ་མྨི་ཀ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་དྷ་མྨི་ཀེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་དྷ་མྨི་ཀེ ཨ་དྷ་མྨི་ཀ་ས་ཉྙཱ, ཨ་ནཱ་པ་ཏྟི.

༩༡༥. ཨ་ནཱ་པ་ཏྟི ཨཱ་ནི་སཾ་སཾ ད་སྶེ་ཏྭཱ པ་ཊི་བཱ་ཧ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.