ན་ནྡི་ཡཱ་ཝ་ཊྚ་ན་ཡ་ཝ་ཎྞ་ནཱ

ཨཱ་གྷཱ་ཏཱ་དཱི་ན་མ་ཀ་ར་ཎ་ཝ་ཙ་ནེ་ན ཏ་ཎྷཱ་ཝི་ཛྫཱ་ས་ངྐོ་ཙོ ད་སྶི་ཏོ. ས་ཏི ཧི ཨ་ཏྟ་ཏྟ་ནི་ཡ་ཝ་ཏྠཱུ་སུ སི་ནེ་ཧེ, ས་མྨོ་ཧེ ཙ ‘‘ཨ་ན་ཏྠཾ མེ ཨ་ཙ་རཱི’’ཏི་ཨཱ་དི་ནཱ ཨཱ་གྷཱ་ཏོ ཛཱ་ཡ་ཏི, ནཱ་ས་ཏི. ཏ་ཐཱ ‘‘པཱ་ཎཱ་ཏི་པཱ་ཏཱ པ་ཊི་ཝི་ར་ཏོ’’ཏི་ཨཱ་དི་ཝ་ཙ་ནེ་ཧི ‘‘པ་ཙྩ་ཏྟ་ཉྙེ་ཝ ནི་བྦུ་ཏི ཝི་དི་ཏཱ, ཨ་ནུ་པཱ་དཱ་ཝི་མུ་ཏྟོ, ཚ་ནྣཾ ཕ་སྶཱ་ཡ་ཏ་ནཱ་ནཾ…པེ… ཡ་ཐཱ་བྷཱུ་ཏཾ པ་ཛཱ་ནཱ་ཏཱི’’ཏི་ཨཱ་དི་ཝ་ཙ་ནེ་ཧི ཙ ཏ་ཎྷཱ་ཝི་ཛྫཱ་ནཾ ཨ་ཙྩ་ནྟ་པྤ་ཧཱ་ནཾ ད་སྶི་ཏཾ ཧོ་ཏི. ཏཱ་སཾ པ་ན པུ་བྦ་ནྟ་ཀ་པྤི་ཀཱ་དི་པ་དེ་ཧི, ‘‘ཨ་ཛཱ་ན་ཏཾ ཨ་པ་སྶ་ཏ’’ནྟི་ཨཱ་དི་པ་དེ་ཧི ཙ ས་རཱུ་པ་ཏོ་པི ད་སྶི་ཏཱ་ནཾ ཏ་ཎྷཱ་ཝི་ཛྫཱ་ནཾ རཱུ་པ་དྷ་མྨཱ, ཨ་རཱུ་པ་དྷ་མྨཱ ཙ ཨ་དྷི་ཊྛཱ་ནཾ. ཡ་ཐཱ་ཀྐ་མཾ ས་མ་ཐོ ཙ ཝི་པ་སྶ་ནཱ ཙ པ་ཊི་པ་ཀྑོ, ཏེ་སཾ པ་ན ཙེ་ཏོ་ཝི་མུ་ཏྟི, པ་ཉྙཱ་ཝི་མུ་ཏྟི ཙ ཕ་ལཾ. ཏ་ཏྠ ཏ་ཎྷཱ ས་མུ་ད་ཡ་ས་ཙྩཾ, ཏ་ཎྷཱ་ཝི་ཛྫཱ ཝཱ, ཏ་ད་དྷི་ཊྛཱ་ན་བྷཱུ་ཏཱ རཱུ་པཱ་རཱུ་པ་དྷ་མྨཱ དུ་ཀྑ་ས་ཙྩཾ, ཏེ་ས་མ་པྤ་ཝ་ཏྟི ནི་རོ་དྷ་ས་ཙྩཾ, ནི་རོ་དྷ་པ་ཛཱ་ན་ནཱ ས་མ་ཐ་ཝི་པ་སྶ་ནཱ མ་གྒ་ས་ཙྩ་ནྟི ཨེ་ཝཾ, ཙ་ཏུ་ས་ཙྩ་ཡོ་ཛ་ནཱ ཝེ་དི་ཏ་བྦཱ.

ཏ་ཎྷཱ་གྒ་ཧ་ཎེ་ན ཙེ་ཏྠ མཱ་ཡཱ་སཱ་ཋེ་ཡྻ་མཱ་ནཱ་ཏི་མཱ་ན་མ་ད་པ་མཱ་ད་པཱ་པི་ཙྪ་ཏཱ་པཱ་པ་མི་ཏྟ་ཏཱ་ཨ་ཧི་རི་ཀཱ་ནོ་ཏྟ་པྤཱ་དི་ཝ་སེ་ན ས་བྦོ་པི ཨ་ཀུ་ས་ལ་པ་ཀྑོ ནེ་ཏ་བྦོ. ཏ་ཐཱ ཨ་ཝི་ཛྫཱ་གྒ་ཧ་ཎེ་ན་པི ཝི་པ་རཱི་ཏ་མ་ན་སི་ཀཱ་ར་ཀོ་དྷུ་པ་ནཱ་ཧ་མ་ཀྑ་པ་ལཱ༹་ས་ཨི་སྶཱ་མ་ཙྪ་རི་ཡ་སཱ་ར་མྦྷ དོ་ཝ་ཙ་སྶ་ཏཱ བྷ་ཝ་དི་ཊྛི་ཝི་བྷ་ཝ་དི་ཊྛཱ་དི་ཝ་སེ་ན. ཝུ་ཏྟ་ཝི་པ་རི་ཡཱ་ཡེ་ན པ་ན ཨ་མཱ་ཡཱ་ཨ་སཱ་ཋེ་ཡྻཱ་དི་ཝ་སེ་ན, ཨ་ཝི་པ་རཱི་ཏ་མ་ན་སི་ཀཱ་རཱ་དི་ཝ་སེ་ན ཙ ས་བྦོ་པི ཀུ་ས་ལ་པ་ཀྑོ ནེ་ཏ་བྦོ. ཏ་ཐཱ ས་མ་ཐ་པ་ཀྑི་ཡཱ་ནཾ ས་དྡྷི་ནྡྲི་ཡཱ་དཱི་ནཾ, ཝི་པ་སྶ་ནཱ་པ་ཀྑི་ཡཱ་ན་ཉྩ ཨ་ནི་ཙྩ་ས་ཉྙཱ་དཱི་ནཾ ཝ་སེ་ནཱ་ཏི ཨ་ཡཾ ཏ་ཎྷཱ་ཝི་ཛྫཱ་ཧི སཾ་ཀི་ལེ་ས་པ་ཀྑཾ སུ་ཏྟ་ཏྠཾ ས་མ་ཐ་ཝི་པ་སྶ་ནཱ་ཧི ཙ ཝོ་དཱ་ན་པ་ཀྑཾ ཙ་ཏུ་ས་ཙྩ་ཡོ་ཛ་ན་མུ་ཁེ་ན ན་ཡ་ན་ལ་ཀྑ་ཎ་སྶ ན་ནྡི་ཡཱ་ཝ་ཊྚ་ན་ཡ་སྶ བྷཱུ་མི. ཝུ་ཏྟ་ཉྷི ‘‘ཏ་ཎྷ་ཉྩ ཨ་ཝི་ཛྫ་མྤི ཙ, ས་མ་ཐེ་ན ཝི་པ་སྶ་ནཱ་ཡ ཡོ ནེ་ཏཱི’’ཏི་ཨཱ་དི.