སོ་དྷ་ན་ཧཱ་ར་ཝ་ཎྞ་ནཱ

‘‘མ་མཾ ཝཱ བྷི་ཀྑ་ཝེ, པ་རེ ཨ་ཝ་ཎྞཾ བྷཱ་སེ་ཡྻུ’’ནྟི ཨཱ་ར་མྦྷོ. ‘‘དྷ་མྨ་སྶ ཝཱ ཨ་ཝ་ཎྞཾ བྷཱ་སེ་ཡྻུཾ ས་ངྒྷ་སྶ ཝཱ ཨ་ཝ་ཎྞཾ བྷཱ་སེ་ཡྻུ’’ནྟི པ་ད་སུ་དྡྷི, ནོ ཨཱ་ར་མྦྷ་སུ་དྡྷི. ‘‘ཏ་ཏྲ ཏུ་མྷེ་ཧི ན ཨཱ་གྷཱ་ཏོ, ན ཨ་པྤ་ཙྩ་ཡོ, ན ཙེ་ཏ་སོ ཨ་ན་བྷི་ར་དྡྷི ཀ་ར་ཎཱི་ཡཱ’’ཏི པ་ད་སུ་དྡྷི ཙེ་ཝ ཨཱ་ར་མྦྷ་སུ་དྡྷི ཙ. དུ་ཏི་ཡ་ན་ཡཱ་དཱི་སུ་པི ཨེ་སེ་ཝ ན་ཡོ, ཏ་ཐཱ ‘‘ཨ་པྤ་མ་ཏྟ་ཀཾ ཁོ པ་ནེ་ཏ’’ནྟི་ཨཱ་དི ཨཱ་ར་མྦྷོ. ‘‘ཀ་ཏ་མ’’ནྟི་ཨཱ་དི པུ་ཙྪཱ. ‘‘པཱ་ཎཱ་ཏི་པཱ་ཏཾ པ་ཧཱ་ཡཱ’’ཏི་ཨཱ་དི པ་ད་སུ་དྡྷི, ནོ ཨཱ་ར་མྦྷ་སུ་དྡྷི. ནོ ཙ པུ་ཙྪཱ་སུ་དྡྷི. ‘‘ཨི་དཾ ཁོ’’ཏི་ཨཱ་དི པུ་ཙྪཱ་སུ་དྡྷི ཙེ་ཝ པ་ད་སུ་དྡྷི ཙ, ཨཱ་ར་མྦྷ་སུ་དྡྷི.

ཏ་ཐཱ ‘‘ཨ་ཏྠི བྷི་ཀྑ་ཝེ’’ཏི་ཨཱ་དི ཨཱ་ར་མྦྷོ. ‘‘ཀ་ཏ་མེ ཙ ཏེ’’ཏི་ཨཱ་དི པུ་ཙྪཱ. ‘‘ས་ནྟི བྷི་ཀྑ་ཝེ’’ཏི་ཨཱ་དི ཨཱ་ར་མྦྷོ. ‘‘ཀི་མཱ་ག་མྨཱ’’ཏི་ཨཱ་དི ཨཱ་ར་མྦྷ་པུ་ཙྪཱ. ‘‘ཡ་ཐཱ ས་མཱ་ཧི་ཏེ’’ཏི་ཨཱ་དི པ་ད་སུ་དྡྷི, ནོ ཨཱ་ར་མྦྷ་སུ་དྡྷི, ནོ ཙ པུ་ཙྪཱ་སུ་དྡྷི. ‘‘ཨི་མེ ཁོ’’ཏི་ཨཱ་དི པ་ད་སུ་དྡྷི ཙེ་ཝ པུ་ཙྪཱ་སུ་དྡྷི ཙ ཨཱ་ར་མྦྷ་སུ་དྡྷི ཙ. ཨི་མི་ནཱ ན་ཡེ་ན ས་བྦ་ཏྠ ཨཱ་ར་མྦྷཱ་ད་ཡོ ཝེ་དི་ཏ་བྦཱ. ཨ་ཡཾ པ་དཱ་ར་མྦྷཱ་ནཾ སོ་དྷི་ཏཱ་སོ་དྷི་ཏ་བྷཱ་ཝ་ཝི་ཙཱ་ར་ཎ་ལ་ཀྑ་ཎོ སོ་དྷ་ན་ཧཱ་རོ ནཱ་མ, ཝུ་ཏྟ་མྤི ཙ ‘‘ཝི་སྶ་ཛྫི་ཏ་མྷི པ་ཉྷེ, གཱ་ཐཱ་ཡཾ པུ་ཙྪི་ཏཱ་ཡ་མཱ་ར་བྦྷཱ’’ཏི་ཨཱ་དི (ནེ་ཏྟི. ༤.༡༣).