ཝེ་ཝ་ཙ་ན་ཧཱ་ར་ཝ་ཎྞ་ནཱ

‘‘མ་མཾ མ་མ མེ’’ཏི པ་རི་ཡཱ་ཡ་ཝ་ཙ་ནཾ. ‘ཝཱ ཡ་དི ཙཱ’’ཏི པ་རི་ཡཱ་ཡ་ཝ་ཙ་ནཾ. ‘‘བྷི་ཀྑ་ཝེ ས་མ་ཎཱ ཏ་པ་སྶི་ནོ’’ཏི པ་རི་ཡཱ་ཡ་ཝ་ཙ་ནཾ. ‘‘པ་རེ ཨ་ཉྙེ པ་ཊི་ཝི་རུ་དྡྷཱ’’ཏི…པེ… ནཾ. ‘‘ཨ་ཝ་ཎྞཾ ཨ་ཀི་ཏྟིཾ ནི་ནྡ’’ནྟི…པེ… ནཾ. ‘‘བྷཱ་སེ་ཡྻུཾ བྷ་ཎེ་ཡྻུཾ ཀ་ཐེ་ཡྻུ’’ནྟི…པེ… ནཾ. ‘‘དྷ་མྨ་སྶ ཝི་ན་ཡ་སྶ ས་ཏྠུ་སཱ་ས་ན་སྶཱ’’ཏི…པེ… ནཾ. ‘‘ས་ངྒྷ་སྶ ས་མཱུ་ཧ་སྶ ག་ཎ་སྶཱ’’ཏི…པེ… ནཾ. ‘‘ཏ་ཏྲ ཏ་ཏྠ ཏེ་སཱུ’’ཏི…པེ… ནཾ. ‘‘ཏུ་མྷེ་ཧི ཝོ བྷ་ཝ་ནྟེ་ཧཱི’’ཏི…པེ… ནཾ. ‘‘ཨཱ་གྷཱ་ཏོ དོ་སོ བྱཱ་པཱ་དོ’’ཏི…པེ… ནཾ ‘‘ཨ་པྤ་ཙྩ་ཡོ དོ་མ་ན་སྶཾ ཙེ་ཏ་སི་ཀ་དུ་ཀྑ’’ནྟི…པེ… ནཾ. ‘‘ཙེ་ཏ་སོ ཙི་ཏྟ་སྶ མ་ན་སོ’’ཏི…པེ… ནཾ. ‘‘ཨ་ན་བྷི་ར་དྡྷི བྱཱ་པ་ཏྟི མ་ནོ་པ་དོ་སོ’’ཏི…པེ… ནཾ. ‘‘ན ནོ ཨ མཱ’’ཏི…པེ… ནཾ. ‘‘ཀ་ར་ཎཱི་ཡཱ ཨུ་པྤཱ་དེ་ཏ་བྦཱ པ་ཝ་ཏྟེ་ཏ་བྦཱ’’ཏི པ་རི་ཡཱ་ཡ་ཝ་ཙ་ནཾ. ཨི་མི་ནཱ ན་ཡེ་ན ས་བྦ་པ་དེ་སུ ཝེ་ཝ་ཙ་ནཾ ཝ་ཏྟ་བྦ་ནྟི ཨ་ཡཾ ཏ་སྶ ཏ་སྶ ཨ་ཏྠ་སྶ ཏཾ་ཏཾ་པ་རི་ཡཱ་ཡ་ས་དྡ་ཡོ་ཛ་ནཱ་ལ་ཀྑ་ཎོ ཝེ་ཝ་ཙ་ན་ཧཱ་རོ ནཱ་མ. ཝུ་ཏྟ་ཉྷེ་ཏཾ ‘‘ཝེ་ཝ་ཙ་ནཱ་ནི བ་ཧཱུ་ནི ཏུ, སུ་ཏྟེ ཝུ་ཏྟཱ་ནི ཨེ་ཀ་དྷ་མྨ་སྶཱ’’ཏི་ཨཱ་དི (ནེ་ཏྟི. ༤.༡༠).