པ་ཉྙ་ཏྟི་ཧཱ་ར་ཝ་ཎྞ་ནཱ

ཨཱ་གྷཱ་ཏོ ཝ་ཏྠུ་ཝ་སེ་ན ད་ས་ཝི་དྷེ་ན, ཨེ་ཀཱུ་ན་ཝཱི་ས་ཏི་ཝི་དྷེ་ན ཝཱ པ་ཉྙ་ཏྟོ. ཨ་པ་ཙྩ་ཡོ ཨུ་པ་ཝི་ཙཱ་ར་ཝ་སེ་ན ཚ་དྷཱ པ་ཉྙ་ཏྟོ. ཨཱ་ན་ནྡོ པཱི་ཏི་ཨཱ་དི་ཝ་སེ་ན ཝེ་ཝ་ཙ་ནེ་ན ན་ཝ་དྷཱ པ་ཉྙ་ཏྟོ. པཱི་ཏི སཱ་མ་ཉྙ་ཏོ པ་ན ཁུ་དྡི་ཀཱ་དི་ཝ་སེ་ན པ་ཉྩ་དྷཱ པ་ཉྙ་ཏྟོ. སོ་མ་ན་སྶཾ ཨུ་པ་ཝི་ཙཱ་ར་ཝ་སེ་ན ཚ་དྷཱ, སཱི་ལཾ ཝཱ་རི་ཏྟ་ཙཱ་རི་ཏྟཱ་དི་ཝ་སེ་ན ཨ་ནེ་ཀ་དྷཱ, ག་མྦྷཱི་ར་ཏཱ་དི་ཝི་སེ་ས་ཡུ་ཏྟཾ ཉཱ་ཎཾ ཙི་ཏྟུ་པྤཱ་ད་ཝ་སེ་ན ཙ་ཏུ་དྷཱ, དྭཱ་ད་ས་དྷཱ ཝཱ, ཝི་ས་ཡ་བྷེ་ད་ཏོ ཨ་ནེ་ཀ་དྷཱ ཙ, དི་ཊྛི་ས་སྶ་ཏཱ་དི་ཝ་སེ་ན དྭཱ་ས་ཊྛི་ཡཱ བྷེ་དེ་ཧི, ཏ་ད་ནྟོ་ག་དྷ་ཝི་བྷཱ་གེ་ན ཨ་ནེ་ཀ་དྷཱ ཙ, ཝེ་ད་ནཱ ཚ་དྷཱ, ཨ་ཊྛ་ས་ཏ་དྷཱ, ཨ་ནེ་ཀ་དྷཱ ཙ, ཏ་སྶཱ ས་མུ་ད་ཡོ པ་ཉྩ་དྷཱ, ཏ་ཐཱ ཨ་ཏྠ་ངྒ་མོ་པི, ཨ་སྶཱ་དོ དུ་ཝི་དྷེ་ན, ཨཱ་དཱི་ན་ཝོ ཏི་ཝི་དྷེ་ན, ནི་སྶ་ར་ཎཾ ཨེ་ཀ་དྷཱ, ཙ་ཏུ་དྷཱ ཙ, ཨ་ནུ་པཱ་དཱ་ཝི་མུ་ཏྟི དུ་ཝི་དྷེ་ན, ‘‘ཨ་ཛཱ་ན་ཏཾ ཨ་པ་སྶ་ཏ’’ནྟི ཝུ་ཏྟཱ ཨ་ཝི་ཛྫཱ ཝི་ས་ཡ་བྷེ་དེ་ན ཙ་ཏུ་དྷཱ, ཨ་ཊྛ་དྷཱ ཙ, ‘‘ཏ་ཎྷཱ་ག་ཏཱ་ན’’ནྟི་ཨཱ་དི་ནཱ ཝུ་ཏྟཱ ཏ་ཎྷཱ ཚ་དྷཱ, ཨ་ཊྛ་ས་ཏ་དྷཱ, ཨ་ནེ་ཀ་དྷཱ ཙ, ཕ་སྶོ ནི་སྶ་ཡ་ཝ་སེ་ན ཚ་དྷཱ, ཨུ་པཱ་དཱ་ནཾ ཙ་ཏུ་དྷཱ, བྷ་ཝོ དྭི་དྷཱ, ཨ་ནེ་ཀ་དྷཱ ཙ, ཛཱ་ཏི ཝེ་ཝ་ཙ་ན་ཝ་སེ་ན ཚ་དྷཱ, ཏ་ཐཱ ཛ་རཱ ས་ཏྟ་དྷཱ, མ་ར་ཎཾ ཨ་ཊྛ་དྷཱ, ན་ཝ་དྷཱ ཙ, སོ་ཀོ པ་ཉྩ་དྷཱ, པ་རི་དེ་ཝོ ཚ་དྷཱ, དུ་ཀྑཾ ཙ་ཏུ་དྷཱ, ཏ་ཐཱ དོ་མ་ན་སྶཾ, ཨུ་པཱ་ཡཱ་སོ ཙ་ཏུ་དྷཱ པ་ཉྙ་ཏྟོ་ཏི ཨ་ཡཾ པ་བྷེ་ད་པ་ཉྙ་ཏྟི, ས་མཱུ་ཧ་པ་ཉྙ་ཏྟི ཙ.

‘‘ས་མུ་ད་ཡོ ཧོ་ཏཱི’’ཏི པ་བྷ་ཝ་པ་ཉྙ་ཏྟི, ‘‘ཡ་ཐཱ་བྷཱུ་ཏཾ པ་ཛཱ་ནཱ་ཏཱི’’ཏི དུ་ཀྑ་སྶ པ་རི་ཉྙཱ་པ་ཉྙ་ཏྟི, ས་མུ་ད་ཡ་སྶ པ་ཧཱ་ན་པ་ཉྙ་ཏྟི, ནི་རོ་དྷ་སྶ ས་ཙྪི་ཀི་རི་ཡཱ་པ་ཉྙ་ཏྟི, མ་གྒ་སྶ བྷཱ་ཝ་ནཱ་པ་ཉྙ་ཏྟི. ‘‘ཨ་ནྟོ་ཛཱ་ལཱི་ཀ་ཏཱ’’ཏི་ཨཱ་དི་ས་བྦ་དི་ཊྛཱི་ནཾ ས་ངྒ་ཧ་པ་ཉྙ་ཏྟི. ‘‘ཨུ་ཙྪི་ནྣ་བྷ་ཝ་ནེ་ཏྟི་ཀོ’’ཏི་ཨཱ་དི དུ་ཝི་དྷེ་ན པ་རི་ནི་བྦཱ་ན་པ་ཉྙ་ཏྟཱི་ཏི ཨེ་ཝཾ ཨཱ་གྷཱ་ཏཱ་དཱི་ནཾ པ་བྷ་ཝ་པ་ཉྙ་ཏྟི་པ་རི་ཉྙཱ་པ་ཉྙ་ཏྟི་ཨཱ་དི་ཝ་སེ་ན. ཏ་ཐཱ ‘‘ཨཱ་གྷཱ་ཏོ’’ཏི བྱཱ་པཱ་ད་སྶ ཝེ་ཝ་ཙ་ན་པ་ཉྙ་ཏྟི. ‘‘ཨ་པྤ་ཙྩ་ཡོ’’ཏི དོ་མ་ན་སྶ་སྶ་ཝེ་ཝ་ཙ་ན་པ་ཉྙ་ཏྟཱི་ཏི་ཨཱ་དི་ཝ་སེ་ན ཙ པ་ཉྙ་ཏྟི་བྷེ་དོ ཝི་བྷ་ཛྫི་ཏ་བྦོ་ཏི ཨ་ཡཾ ཨེ་ཀེ་ཀ་སྶ དྷ་མྨ་སྶ ཨ་ནེ་ཀཱ་ཧི པ་ཉྙ་ཏྟཱི་ཧི པ་ཉྙ་པེ་ཏ་བྦཱ་ཀཱ་ར་ཝི་བྷཱ་ཝ་ན་ལ་ཀྑ་ཎོ པ་ཉྙ་ཏྟི་ཧཱ་རོ ནཱ་མ, ཏེ་ན ཝུ་ཏྟཾ ‘‘ཨེ་ཀཾ བྷ་ག་ཝཱ དྷ་མྨཾ, པ་ཎྞ་ཏྟཱི་ཧི ཝི་ཝི་དྷཱ་ཧི དེ་སེ་ཏཱི’’ཏི་ཨཱ་དི (ནེ་ཏྟི. ༤.༡༡).