ལ་ཀྑ་ཎ་ཧཱ་ར་ཝ་ཎྞ་ནཱ

ཨཱ་གྷཱ་ཏཱ་དི་གྒ་ཧ་ཎེ་ན ཀོ་དྷཱུ་པ་ནཱ་ཧ་མ་ཀྑ་པ་ལཱ་ས་ཨི་སྶཱ་མ་ཙྪ་རི་ཡ་སཱ་ར་མྦྷ་པ་ར་ཝ་མྦྷ་ནཱ་དཱི་ནཾ ས་ངྒ་ཧོ པ་ཊི་གྷ་ཙི་ཏྟུ་པྤཱ་ད་པ་རི་ཡཱ་པ་ནྣ་ཏཱ་ཡ ཨེ་ཀ་ལ་ཀྑ་ཎ་ཏྟཱ. ཨཱ་ན་ནྡཱ་དི་གྒ་ཧ་ཎེ་ན ཨ་བྷི་ཛ྄ཛྷཱ་ཝི་ས་མ་ལོ་བྷ་མཱ་ནཱ་ཏི་མཱ་ན་མ་ད་པྤ་མཱ་དཱ་ནཾ ས་ངྒ་ཧོ ལོ་བྷ་ཙི་ཏྟུ་པྤཱ་ད་པ་རི་ཡཱ་པ་ནྣ་ཏཱ་ཡ ཨེ་ཀ་ལ་ཀྑ་ཎ་ཏྟཱ. ཏ་ཐཱ ཨཱ་གྷཱ་ཏ་གྒ་ཧ་ཎེ་ན ཨ་ཝ་སི་ཊྛ་ག་ནྠ་ནཱི་ཝ་ར་ཎཱ་ནཾ ས་ངྒ་ཧོ ཀཱ་ཡ་ག་ནྠ་ནཱི་ཝ་ར་ཎ་ལ་ཀྑ་ཎེ་ན ཨེ་ཀ་ལ་ཀྑ་ཎ་ཏྟཱ. ཨཱ་ན་ནྡ་གྒ་ཧ་ཎེ་ན ཕ་སྶཱ་དཱི་ནཾ ས་ངྒ་ཧོ ས་ངྑཱ་ར་ཀྑ་ནྡྷ་ལ་ཀྑ་ཎེ་ན ཨེ་ཀ་ལ་ཀྑ་ཎ་ཏྟཱ. སཱི་ལ་གྒ་ཧ་ཎེ་ན ཨ་དྷི་ཙི་ཏྟཱ་དྷི་པ་ཉྙཱ་སི་ཀྑཱ་ནཾ ས་ངྒ་ཧོ སི་ཀྑཱ་ལ་ཀྑ་ཎེ་ན ཨེ་ཀ་ལ་ཀྑ་ཎ་ཏྟཱ. དི་ཊྛི་གྒ་ཧ་ཎེ་ན ཨ་ཝ་སི་ཊྛ་ཨུ་པཱ་དཱ་ནཱ་ནཾ ས་ངྒ་ཧོ ཨུ་པཱ་དཱ་ན་ལ་ཀྑ་ཎེ་ན ཨེ་ཀ་ལ་ཀྑ་ཎ་ཏྟཱ. ‘‘ཝེ་ད་ནཱ་ན’’ནྟི ཨེ་ཏྠ ཝེ་ད་ནཱ་གྒ་ཧ་ཎེ་ན ཨ་ཝ་སི་ཊྛ་ཨུ་པཱ་དཱ་ན་ཀྑ་ནྡྷཱ་ནཾ ས་ངྒ་ཧོ ཨུ་པཱ་དཱ་ན་ཀྑ་ནྡྷ་ལ་ཀྑ་ཎེ་ན ཨེ་ཀ་ལ་ཀྑ་ཎ་ཏྟཱ. ཏ་ཐཱ དྷ་མྨཱ་ཡ་ཏ་ན་དྷ་མྨ་དྷཱ་ཏུ་པ་རི་ཡཱ་པ་ནྣ་ཝེ་ད་ནཱ་གྒ་ཧ་ཎེ་ན ས་མྨ་ས་ནུ་པ་གཱ་ནཾ ས་བྦེ་ས་མྤི ཨཱ་ཡ་ཏ་ནཱ་ནཾ, དྷཱ་ཏཱུ་ན་ཉྩ ས་ངྒ་ཧོ ཨཱ་ཡ་ཏ་ན་ལ་ཀྑ་ཎེ་ན, དྷཱ་ཏུ་ལ་ཀྑ་ཎེ་ན ཙ ཨེ་ཀ་ལ་ཀྑ་ཎ་ཏྟཱ. ‘‘ཨ་ཛཱ་ན་ཏཾ ཨ་པ་སྶ་ཏ’’ནྟི ཨེ་ཏྠ ཨ་ཝི་ཛྫཱ་གྒ་ཧ་ཎེ་ན ཧེ་ཏུ་ཨཱ་ས་ཝོ་གྷ་ཡོ་ག་ནཱི་ཝ་ར་ཎཱ་དཱི་ནཾ ས་ངྒ་ཧོ ཧེ་ཏཱ་དི་ལ་ཀྑ་ཎེ་ན ཨེ་ཀ་ལ་ཀྑ་ཎ་ཏྟཱ, ཏ་ཐཱ ‘‘ཏ་ཎྷཱ་ག་ཏཱ་ནཾ པ་རི་ཏ་སྶི་ཏ་ཝི་པྥ་ནྡི་ཏ’’ནྟི ཨེ་ཏྠ ཏ་ཎྷཱ་གྒ་ཧ་ཎེ་ན་པི. ‘‘ཏ་ད་པི ཕ་སྶ་པ་ཙྩ་ཡཱ’’ཏི ཨེ་ཏྠ ཕ་སྶ་གྒ་ཧ་ཎེ་ན ས་ཉྙཱ་ས་ངྑཱ་ར་ཝི་ཉྙཱ་ཎཱ་ནཾ ས་ངྒ་ཧོ ཝི་པ་ལླཱ་ས་ཧེ་ཏུ་བྷཱ་ཝེ་ན, ཁ་ནྡྷ་ལ་ཀྑ་ཎེ་ན ཙ ཨེ་ཀ་ལ་ཀྑ་ཎ་ཏྟཱ. ཚ་ཕ་སྶཱ་ཡ་ཏ་ན་གྒ་ཧ་ཎེ་ན ཨ་ཝ་སི་ཊྛ་ཁ་ནྡྷཱ་ཡ་ཏ་ན་དྷཱ་ཏི་ནྡྲི་ཡཱ་དཱི་ནཾ ས་ངྒ་ཧོ ཕ་སྶུ་པྤ་ཏྟི་ནི་མི་ཏྟ་ཏཱ་ཡ, ས་མྨ་ས་ནཱི་ཡ་བྷཱ་ཝེ་ན ཙ ཨེ་ཀ་ལ་ཀྑ་ཎ་ཏྟཱ. བྷ་ཝ་ནེ་ཏྟི་གྒ་ཧ་ཎེ་ན ཨ་ཝི་ཛྫཱ་དཱི་ནཾ སཾ་ཀི་ལེ་ས་དྷ་མྨཱ་ནཾ ས་ངྒ་ཧོ ཝ་ཊྚ་ཧེ་ཏུ་བྷཱ་ཝེ་ན ཨེ་ཀ་ལ་ཀྑ་ཎ་ཏྟཱ་ཏི. ཨ་ཡཾ སུ་ཏྟེ ཨ་ནཱ་ག་ཏེ་པི དྷ་མྨེ ཨེ་ཀ་ལ་ཀྑ་ཎ་ཏཱ་དི་ནཱ ཨཱ་ག་ཏེ ཝི་ཡ ནི་དྡྷཱ་ར་ཎ་ལ་ཀྑ་ཎོ ལ་ཀྑ་ཎ་ཧཱ་རོ ནཱ་མ. ཏ་ཐཱ ཧི ཝུ་ཏྟཾ ‘‘ཝུ་ཏྟ་མྷི ཨེ་ཀ་དྷ་མྨེ, ཡེ དྷ་མྨཱ ཨེ་ཀ་ལ་ཀྑ་ཎཱ’’ཏི་ཨཱ་དི (ནེ་ཏྟི. ༤.༥).