པ་ད་ཊྛཱ་ན་ཧཱ་ར་ཝ་ཎྞ་ནཱ

ཝ་ཎྞཱ་ར་ཧཱ་ཝ་ཎྞ་དུ་བྦ་ཎྞ་ཏཱ་ནཱ་དེ་ཡྻ་ཝ་ཙ་ན་ཏཱ་དི ཝི་པ་ཏྟཱི་ནཾ པ་ད་ཊྛཱ་ནཾ. ཝ་ཎྞཱ་ར་ཧ་ཝ་ཎྞ་སུ་བྦ་ཎྞ་ཏཱ་ས་དྡྷེ་ཡྻ་ཝ་ཙ་ན་ཏཱ་དི ས་མྤ་ཏྟཱི་ནཾ པ་ད་ཊྛཱ་ནཾ. ཏ་ཐཱ ཨཱ་གྷཱ་ཏཱ་ད་ཡོ ནི་ར་ཡཱ་དི་དུ་ཀྑ་སྶ པ་ད་ཊྛཱ་ནཾ. ཨཱ་གྷཱ་ཏཱ་དཱི་ན་མ་ཀ་ར་ཎཾ ས་གྒ་ས་མྤ་ཏྟི་ཡཱ་དི་ས་བྦ་ས་མྤ་ཏྟཱི་ནཾ པ་ད་ཊྛཱ་ནཾ. པཱ་ཎཱ་ཏི་པཱ་ཏཱ་དི་པ་ཊི་ཝི་ར་ཏི ཨ་རི་ཡ་སྶ སཱི་ལ་ཀྑ་ནྡྷ་སྶ པ་ད་ཊྛཱ་ནཾ, ཨ་རི་ཡོ སཱི་ལ་ཀྑ་ནྡྷོ ཨ་རི་ཡ་སྶ ས་མཱ་དྷི་ཀྑ་ནྡྷ་སྶ པ་ད་ཊྛཱ་ནཾ. ཨ་རི་ཡོ ས་མཱ་དྷི་ཀྑ་ནྡྷོ ཨ་རི་ཡ་སྶ པ་ཉྙཱ་ཀྑ་ནྡྷ་སྶ པ་ད་ཊྛཱ་ནཾ. ག་མྦྷཱི་ར་ཏཱ་དི་ཝི་སེ་ས་ཡུ་ཏྟཾ བྷ་ག་ཝ་ཏོ པ་ཊི་ཝེ་དྷ་པྤ་ཀཱ་ར་ཉཱ་ཎཾ དེ་ས་ནཱ་ཉཱ་ཎ་སྶ པ་ད་ཊྛཱ་ནཾ. དེ་ས་ནཱ་ཉཱ་ཎཾ ཝེ་ནེ་ཡྻཱ་ནཾ ས་ཀ་ལ་ཝ་ཊྚ་དུ་ཀྑ་ནི་སྶ་ར་ཎ་སྶ པ་ད་ཊྛཱ་ནཾ. ས་བྦཱ་ཡ་པི དི་ཊྛི་ཡཱ དི་ཊྛུ་པཱ་དཱ་ན་བྷཱ་ཝ་ཏོ སཱ ཡ་ཐཱ་ར་ཧཾ ན་ཝ་ཝི་དྷ་སྶ་པི བྷ་ཝ་སྶ པ་ད་ཊྛཱ་ནཾ. བྷ་ཝོ ཛཱ་ཏི་ཡཱ. ཛཱ་ཏི ཛ་རཱ་མ་ར་ཎ་སྶ, སོ་ཀཱ་དཱི་ན་ཉྩ པ་ད་ཊྛཱ་ནཾ. ཝེ་ད་ནཱ་ནཾ ཡ་ཐཱ་བྷཱུ་ཏཾ ས་མུ་ད་ཡ་ཏྠ་ངྒ་མཱ་དི་པ་ཊི་ཝེ་དྷ་ནཱ ཙ་ཏུ་ནྣཾ ཨ་རི་ཡ་ས་ཙྩཱ་ནཾ ཨ་ནུ་བོ་དྷ་པ་ཊི་ཝེ་དྷོ ཧོ་ཏི. ཏ་ཏྠ ཨ་ནུ་བོ་དྷོ པ་ཊི་ཝེ་དྷ་སྶ པ་ད་ཊྛཱ་ནཾ. པ་ཊི་ཝེ་དྷོ ཙ་ཏུ་བྦི་དྷ་སྶ སཱ་མ་ཉྙ་ཕ་ལ་སྶ པ་ད་ཊྛཱ་ནཾ. ‘‘ཨ་ཛཱ་ན་ཏཾ ཨ་པ་སྶ་ཏ’’ནྟི ཨ་ཝི་ཛྫཱ་ག་ཧ་ཎཾ. ཏ་ཏྠ ཨ་ཝི་ཛྫཱ ས་ངྑཱ་རཱ་ནཾ པ་ད་ཊྛཱ་ནཾ, ས་ངྑཱ་རཱ ཝི་ཉྙཱ་ཎ་སྶ. ཡཱ་ཝ ཝེ་ད་ནཱ ཏ་ཎྷཱ་ཡ པ་ད་ཊྛཱ་ན་ནྟི ནེ་ཏྭཱ ཏེ་སཾ ‘‘ཝེ་ད་ནཱ་པ་ཙྩ་ཡཱ ཏ་ཎྷཱ’’ཏི་ཨཱ་དི་ནཱ པཱ་ལི༹་ཡ་མཱ་ག་ཏ་ན་ཡེ་ན ས་མྦ་ཛ྄ཛྷི་ཏ་བྦཾ. ‘‘ཏ་ཎྷཱ་ག་ཏཱ་ནཾ པ་རི་ཏ་སྶི་ཏ་ཝི་པྥ་ནྡི་ཏ’’ནྟི ཨེ་ཏྠ ཏ་ཎྷཱ ཨུ་པཱ་དཱ་ན་སྶ པ་ད་ཊྛཱ་ནཾ. ‘‘ཏ་ད་པི ཕ་སྶ་པ་ཙྩ་ཡཱ’’ཏི ཨེ་ཏྠ ས་སྶ་ཏཱ་དི་པ་ཉྙཱ་པ་ནཾ པ་རེ་སཾ མི་ཙྪཱ་བྷི་ནི་ཝེ་ས་སྶ པ་ད་ཊྛཱ་ནཾ. མི་ཙྪཱ་བྷི་ནི་ཝེ་སོ ས་དྡྷ་མྨ་སྶ་ཝ་ན་ས་པྤུ་རི་སཱུ་པ་ནི་སྶ་ཡ་ཡོ་ནི་སོ་མ་ན་སི་ཀཱ་ར་དྷ་མྨཱ་ནུ་དྷ་མྨ་པ་ཊི་པ་ཏྟཱི་ཧི ཝི་མུ་ཁ་ཏཱ་ཡ ཨ་ས་དྡྷ་མྨ་སྶ་ཝ་ནཱ་དཱི་ན་ཉྩ པ་ད་ཊྛཱ་ནཾ. ‘‘ཨ་ཉྙ་ཏྲ ཕ་སྶཱ’’ཏི་ཨཱ་དཱི་སུ ཕ་སྶོ ཝེ་ད་ནཱ་ཡ པ་ད་ཊྛཱ་ནཾ. ཚ ཕ་སྶཱ་ཡ་ཏ་ནཱ་ནི ཕ་སྶ་སྶ, ས་ཀ་ལ་སྶ ཙ ཝ་ཊྚ་དུ་ཀྑ་སྶ པ་ད་ཊྛཱ་ནཾ. ཚ་ནྣཾ ཕ་སྶཱ་ཡ་ཏ་ནཱ་ནཾ ཡ་ཐཱ་བྷཱུ་ཏཾ ས་མུ་ད་ཡཱ་དི་པ་ཛཱ་ན་ནཾ ནི་བྦི་དཱ་ཡ པ་ད་ཊྛཱ་ནཾ, ནི་བྦི་དཱ ཝི་རཱ་ག་སྶཱ་ཏི་ཨཱ་དི་ནཱ ཡཱ་ཝ ཨ་ནུ་པཱ་དཱ་པ་རི་ནི་བྦཱ་ནཾ ནེ་ཏ་བྦཾ. བྷ་ག་ཝ་ཏོ བྷ་ཝ་ནེ་ཏྟི་ས་མུ་ཙྪེ་དོ ས་བྦ་ཉྙུ་ཏཱ་ཡ པ་ད་ཊྛཱ་ནཾ, ཏ་ཐཱ ཨ་ནུ་པཱ་དཱ་པ་རི་ནི་བྦཱ་ན་སྶ ཙཱ་ཏི. ཨ་ཡཾ སུ་ཏྟེ ཨཱ་ག་ཏ་དྷ་མྨཱ་ནཾ པ་ད་ཊྛཱ་ན་དྷ་མྨཱ, ཏེ་ས་ཉྩ པ་ད་ཊྛཱ་ན་དྷ་མྨཱ་ཏི ཡ་ཐཱ་ས་མྦྷ་ཝཾ པ་ད་ཊྛཱ་ན་དྷ་མྨ་ནི་དྡྷཱ་ར་ཎ་ལ་ཀྑ་ཎོ པ་ད་ཊྛཱ་ན་ཧཱ་རོ ནཱ་མ. ཝུ་ཏྟ་ཉྷི ‘‘དྷ་མྨཾ དེ་སེ་ཏི ཛི་ནོ, ཏ་སྶ ཙ དྷ་མྨ་སྶ ཡཾ པ་ད་ཊྛཱ་ན’’ནྟི་ཨཱ་དི (ནེ་ཏྟི. ༤.༤).