ཨཱ་ས་ནྡཱ་དི་ཀ་ཐཱ

༥༥. ཨཱ་ས་ནྡཱ་དི་ཀ་ཐཱ་ཡཾ ཙ་ཏུ་ར་སྶ་པཱི་ཋནྟི ས་མ་ཙ་ཏུ་ར་སྶཾ. ཨ་ཊྛ་ངྒུ་ལ་པཱ་དཾ ཝ་ཊྚ་ཏཱིཏི ཨ་ཊྛ་ངྒུ་ལ་པཱ་ད་ཀ་མེ་ཝ ཝ་ཊྚ་ཏི. པ་མཱ་ཎཱ་ཏི་ཀྐ་ནྟོ་པི ཝ་ཊྚ་ཏཱིཏི ས་མ་ཙ་ཏུ་ར་སྶ་མེ་ཝ ས་ནྡྷཱ་ཡ ཝུ་ཏྟཾ. ཨཱ་ཡ་ཏ་ཙ་ཏུ་ར་སྶཱ པ་ན ས་ཏྟ་ངྒ་པ་ཉྩ་ངྒཱ་པི ཨུ་ཙྩ་པཱ་དཱ ན ཝ་ཊྚ་ནྟི. ཝེ་ཏྟེ་ཧེ་ཝ ཙ་ཏུ་ར་སྶཱ་དི་ཨཱ་ཀཱ་རེ་ན ཀ་ཏཾ བྷ་དྡ་པཱི་ཋ་ནྟི ཨཱ་ཧ ‘‘ཝེ་ཏྟ་མ་ཡ་པཱི་ཋ’’ནྟི. དཱ་རུ་པ་ཊྚི་ཀཱ་ཡ ཨུ་པ་རཱིཏི ཨ་ཊ་ནི་ཨཱ་ཀཱ་རེ་ན ཋི་ཏ་དཱ་རུ་པ་ཊ་ལ་སྶ ཧེ་ཊྛཱ. ཨུ་དྡྷཾ པཱ་དཾ ཀ་ཏྭཱ པ་ཝེ་ས་ན་ཀཱ་ལ་ཉྷི ས་ནྡྷཱ་ཡ ‘‘ཨུ་པ་རཱི’’ཏི ཝུ་ཏྟཾ. ཨེ་ལ༹་ཀ་སྶ པ་ཙྪི་མ་པཱ་ད་དྭ་ཡཾ ཝི་ཡ ཝ་ངྐཱ་ཀཱ་རེ་ན ཋི་ཏ་ཏྟཱ པ་ནེ་ཏཾ ‘‘ཨེ་ལ༹་ཀ་པཱ་ད་པཱི་ཋ’’ནྟི (ཝི. ཝི. ཊཱི. ཙཱུ་ལ༹་ཝ་གྒ ༢.༢༩༧) ཝུ་ཏྟཾ.