དུ་ཏི་ཡ་གཱ་ཐཱ་ས་ངྒ་ཎི་ཀཾ

ཙོ་ད་ནཱ་དི་པུ་ཙྪཱ་ཝི་སྶ་ཛྫ་ནཱ་ཝ་ཎྞ་ནཱ

༣༥༩. དུ་ཏི་ཡ་གཱ་ཐཱ་ས་ངྒ་ཎི་ཀཱ་ཡ ‘‘ཙོ་ད་ནཱ ཀི་མ་ཏྠཱ་ཡཱ’’ཏི་ཨཱ་དི་ཀཱ པུ་ཙྪཱ ཨུ་པཱ་ལི་ཏྠེ་རེ་ན ཀ་ཏཱ. ‘‘ཙོ་ད་ནཱ སཱ་ར་ཎ་ཏྠཱ་ཡཱ’’ཏི་ཨཱ་དི་ཝི་སྶ་ཛྫ་ནཾ བྷ་ག་ཝ་ཏཱ ཝུ་ཏྟཾ. ཨུ་པཱ་ལི་ཏྠེ་རོ ས་ཡ་མེ་ཝ པུ་ཙྪི་ཏྭཱ ཝི་སྶ་ཛྫ་ནཾ ཨ་ཀཱ་སཱི་ཏི་པི ཝ་ད་ནྟི.

མ་ནྟ་གྒ་ཧ་ཎནྟི ཏེ་སཾ ཝི་ཙཱ་ར་ཎཱ་ག་ཧ་ཎཾ, སུ་ཏྟ་ནྟི་ཀ་ཏྠེ་རཱ་ནཾ, ཝི་ན་ཡ་དྷ་ར་ཏྠེ་རཱ་ན་ཉྩ ཨ་དྷི་པྤཱ་ཡ་ག་ཧ་ཎ་ནྟི ཨ་ཏྠོ. པཱ་ཊེ་ཀྐཾ ཝི་ནི་ཙྪ་ཡ་ས་ནྣི་ཊྛཱ་པ་ན་ཏྠནྟི ཏེ་སཾ པ་ཙྩེ་ཀཾ ཨ་དྷི་པྤཱ་ཡཾ ཉ་ཏྭཱ ཏེ་ཧི ས་མུ་ཊྛཱ་པི་ཏ་ན་ཡ་མྤི ག་ཧེ་ཏྭཱ ཝི་ནི་ཙྪ་ཡ་པ་རི་ཡོ་སཱ་པ་ན་ཏྠ་ནྟི ཨ་དྷི་པྤཱ་ཡོ.

‘‘མཱ ཁོ ཏུ་རི་ཏོ ཨ་བྷ་ཎཱི’’ཏི་ཨཱ་དི་ནཱ ཨ་བྷི་མུ་ཁེ ཋི་ཏཾ ཀ་ཉྩི ཨ་ནུ་ཝི་ཛྫ་ཀཾ ཨོ་ཝ་ད་ནྟེ་ན ཝི་ཡ ཐེ་རེ་ན ཨ་ནུ་ཝི་ཛྫ་ཀ་ཝ་ཏྟཾ ཀ་ཐི་ཏཾ.

ཨ་ནུ་ཡུ་ཉྫ་ན་ཝ་ཏྟནྟི ཨ་ནུ་ཡུ་ཛྫ་ན་ཀྐ་མཾ, ཏཾ པ་ན ཡ་སྨཱ ས་བྦ་སི་ཀྑཱ་པ་ད་ཝཱི་ཏི་ཀྐ་མ་ཝི་ས་ཡེ་པི ཏཾ་ཏཾ་སི་ཀྑཱ་པ་དཱ་ནུ་ལོ་མེ་ན ཀ་ཏྟ་བྦཾ, ཏ་སྨཱ ‘‘སི་ཀྑཱ་པ་དཱ་ནུ་ལོ་མི་ཀ’’ནྟི ཝུ་ཏྟཾ. ཨ་ཏྟ་ནོ ག་ཏིཾ ནཱ་སེ་ཏཱིཏི ཨ་ཏྟ་ནོ སུ་ག་ཏི་ག་མ་ནཾ ཝི་ནཱ་སེ་ཏི.

ཨ་ནུ་ས་ནྡྷི་ཏ-ས་དྡོ བྷཱ་ཝ་སཱ་དྷ་ནོ་ཏི ཨཱ་ཧ ‘‘ཨ་ནུ་ས་ནྡྷི་ཏ་ནྟི ཀ་ཐཱ་ནུ་ས་ནྡྷཱི’’ཏི. ཝ་ཏྟཱ་ནུ་ས་ནྡྷི་ཏེ་ནཱཏི ཨེ་ཏྠཱ་པི ཨེ་སེ་ཝ ན་ཡོ. ཝ་ཏྟཱ་ནུ་ས་ནྡྷི་ཏེ་ནཱཏི ཨཱ་ཙཱ་རཱ་ནུ་ས་ནྡྷི་ནཱ, ཨཱ་ཙཱ་རེ་ན ས་དྡྷིཾ ས་མེ་ནྟི་ཡཱ པ་ཊི་ཉྙཱ་ཡཱ་ཏི ཨ་ཏྠོ. ཏེ་ནཱ་ཧ ‘‘ཡཱ ཨ་སྶ ཝ་ཏྟེ་ནཱ’’ཏི་ཨཱ་དི.

པཱ་ལི༹་ཡཾ ས་ཉྩི་ཙྩ ཨཱ་པ་ཏྟིནྟི་ཨཱ་དི ཨ་ལ་ཛྫི་ལ་ཛྫི་ལ་ཀྑ་ཎཾ བྷི་ཀྑུ་བྷི་ཀྑུ་ནཱི་ནཾ ཝ་སེ་ན ཝུ་ཏྟཾ ཏེ་ས་ཉྙེ་ཝ ས་བྦ་པྤ་ཀཱ་ར་ཏོ སི་ཀྑཱ་པ་དཱ་དྷི་ཀཱ་ར་ཏྟཱ. སཱ་མ་ཎེ་རཱ་དཱི་ན་མྤི སཱ་དྷཱ་ར་ཎ་ཝ་སེ་ན པ་ན ས་ཉྩི་ཙྩ ཡ་ཐཱ་ས་ཀཾ སི་ཀྑཱ་པ་ད་ཝཱི་ཏི་ཀྐ་མ་ནཱ་དི་ཀཾ ཨ་ལ་ཛྫི་ལ་ཛྫི་ལ་ཀྑ་ཎཾ ཝེ་དི་ཏ་བྦཾ.

ཀ་ཐཱ་ནུ་ས་ནྡྷི་ཝ་ཙ་ནནྟི ཙུ་དི་ཏ་ཀ་ཨ་ནུ་ཝི་ཛྫ་ཀཱ་ནཾ ཀ་ཐཱ་ཡ ཨ་ནུ་ས་ནྡྷི་ཡུ་ཏྟཾ ཝ་ཙ་ནཾ ན ཛཱ་ནཱ་ཏི, ཏེ་ཧི ཨེ་ཀ་སྨིཾ ཀཱ་ར་ཎེ ཝུ་ཏྟེ ས་ཡཾ ཏཾ ཨ་ས་ལླ་ཀྑེ་ཏྭཱ ཨ་ཏྟ་ནོ ཨ་བྷི་རུ་ཙི་ཏ་མེ་ཝ ཨ་ས་མྦ་ནྡྷི་ཏ་ཏྠ་ནྟི ཨ་ཏྠོ. ཝི་ནི་ཙྪ་ཡཱ་ནུ་ས་ནྡྷི་ཝ་ཙ་ན་ཉྩཱཏི ཨ་ནུ་ཝི་ཛྫ་ཀེ་ན ཀ་ཏ་སྶ ཨཱ་པ་ཏྟཱ་ནཱ་པ་ཏྟི་ཝི་ནི་ཙྪ་ཡ་སྶ ཨ་ནུ་གུ་ཎཾ, ས་མྦ་ནྡྷ་ཝ་ཙ་ན་ཉྩ.

ཙོ་ད་ནཱ་དི་པུ་ཙྪཱ་ཝི་སྶ་ཛྫ་ནཱ་ཝ་ཎྞ་ནཱ ནི་ཊྛི་ཏཱ.