ཙོ་ད་ནཱ་ཀ་ཎྜཾ

ཨ་ནུ་ཝི་ཛྫ་ཀ་ཀི་ཙྩ་ཝ་ཎྞ་ནཱ

༣༦༠. པཱ་ལི༹་ཡཾ ཡཾ ཁོ ཏྭནྟི་ཨཱ་དཱི་སུ ཏྭཾ, ཨཱ་ཝུ་སོ, ཡཾ ཨི་མཾ བྷི་ཀྑུཾ ཙོ་དེ་སི, ཏཾ ཀི་མྷི དོ་སེ ཙོ་དེ་སི, ཀ་ཏ་རཱ་ཡ ཝི་པ་ཏྟི་ཡཱ ཙོ་དེ་སཱི་ཏི ཨ་ཏྠོ. ཨེ་ཝཾ ས་བྦ་ཏྠ.

༣༦༡. ཨ་སུ་དྡྷ་པ་རི་ས་ངྐི་ཏོཏི ཨ་སུ་དྡྷཱ་ཡ ཨ་ཊྛཱ་ནེ ཨུ་པྤ་ནྣཱ་ཡ པ་རི་ས་ངྐཱ་ཡ པ་རི་ས་ངྐི་ཏོ. ཏེ་ནཱ་ཧ ‘‘ཨ་མཱུ་ལ་ཀ་པ་རི་ས་ངྐི་ཏོ’’ཏི.

༣༦༤. པཱ་ལི༹་ཡཾ ཨུ་པོ་ས་ཐོ སཱ་མ་གྒ་ཏྠཱ་ཡཱཏི ཝི་སུ་དྡྷཱ་ནཾ བྷི་ཀྑཱུ་ནཾ ཨ་ཉྙོ་ཉྙ་ནི་ར་པེ་ཀྑོ ཨ་ཧུ་ཏྭཱ ཨུ་པོ་ས་ཐོ ཨུ་པོ་ས་ཐ་ཊྛཱ་ནཾ ས་ནྣི་པ་ཏི་ཏྭཱ ‘‘པཱ་རི་སུ་དྡྷིཾ ཨཱ་ཡ་སྨ་ནྟོ ཨཱ་རོ་ཙེ་ཐ, པ་རི་སུ་དྡྷེ་ཏྠཱ་ཡ་སྨ་ནྟོ, པ་རི་སུ་དྡྷོ ཨ་ཧཾ ཨཱ་ཝུ་སོ’’ཏི་ཨཱ་དི་ནཱ ཨ་ཉྙ་མ་ཉྙཾ པ་རི་སུ་དྡྷི་ཝཱི་མཾ་ས་ནཱ་རོ་ཙ་ན་ཝ་སེ་ན ཨ་ཡུ་ཏྟེ ཝི་ཝ་ཛྫེ་ཏྭཱ ཡུ་ཏྟེ་ཧེ་ཝ ཀཱ་ཡ་ཙི་ཏྟ་སཱ་མ་གྒཱི་ཀ་ར་ཎ་ཏྠཱ་ཡ.

ཝི་སུ་དྡྷཱ་ཡ པ་ཝཱ་ར་ཎཱཏི དི་ཊྛ་སུ་ཏཱ་དཱི་ཧི ཨ་ཉྙ་མ་ཉྙཾ ཀ་ཐཱ་པེ་ཏྭཱ ཝི་སུ་དྡྷི་ས་མྤཱ་ད་ན་ཏྠཱ་ཡཱ་ཏི ཨ་ཏྠོ. ཨུ་བྷོ ཨེ་ཏེཏི ཨཱ་མི་ས་པུ་གྒ་ལ་ནི་སྶ་ཡ་ནེ ཨེ་ཏེ ཨུ་བྷོ.

ཨ་ནུ་ཝི་ཛྫ་ཀ་ཀི་ཙྩ་ཝ་ཎྞ་ནཱ ནི་ཊྛི་ཏཱ.