ཨ་དྷི་ཀ་ར་ཎ་བྷེ་དཾ
ཨུ་ཀྐོ་ཊ་ན་བྷེ་དཱ་དི་ཀ་ཐཱ་ཝ་ཎྞ་ནཱ
༣༤༡. ‘‘ཨ་ལཾ ཨཱ་ཝུ་སོ’’ཏི ཨ་ཏྟ་པ་ཙྩ་ཏྠི་ཀེ ས་ཉྙཱ་པེ་ཏྭཱཏི པ་ཏྟ་ཙཱི་ཝ་རཱ་དི་ཨ་ཏྠཱ་ཡ ཨ་ལཾ བྷ་ཎྜ་ནཱ་དི་ཀ་ར་ཎ་ནྟི ཝི་ཝཱ་དཱ་དཱི་སུ དོ་ས་ད་སྶ་ན་མ་ཏྟེ་ན ས་ཉྙཱ་པེ་ཏྭཱ ཨ་ཉྙ་མ་ཉྙཾ ཁ་མཱ་པེ་ཏྭཱ ཝཱུ་པ་ས་མེ་ནྟི, ན པ་ན ཨ་ཉྙ་མ་ཉྙཾ ཨཱ་པ་ཏྟཱ་ནཱ་པ་ཏྟི་ད་སྶ་ན་ཝ་སེ་ནཱ་ཏི ཨ་དྷི་པྤཱ་ཡོ. ཏེ་ནཱ་ཧ ‘‘པཱ་ལི༹་མུ་ཏྟ་ཀ་ཝི་ནི་ཙྪ་ཡེ་ནེ་ཝཱ’’ཏི.
ཝི་ས་མཱ་ནི ཀཱ་ཡ་ཀ་མྨཱ་དཱི་ནི ནི་སྶི་ཏོ བྷི་ཀྑུ ཝི་ས་མ་ནི་སྶི་ཏོ ནཱ་མ, མི་ཙྪཱ་དི་ཊྛི་ནི་སྶི་ཏོ ག་ཧ་ན་ནི་སྶི་ཏོ, བ་ལ་ཝ་ནྟེ པུ་རི་སེ ནི་སྶི་ཏོ བ་ལ་ཝ་ནི་སྶི་ཏོ ནཱ་མཱ་ཏི ད་སྶེ་ནྟོ ‘‘ཨེ་ཀོ ཝི་ས་མཱ་ནཱི’’ཏི་ཨཱ་དི་མཱ་ཧ.
ཨུ་ཀྐོ་ཊ་ན་བྷེ་དཱ་དི་ཀ་ཐཱ་ཝ་ཎྞ་ནཱ ནི་ཊྛི་ཏཱ.
ཨ་དྷི་ཀ་ར་ཎ་ནི་དཱ་ནཱ་དི་ཝ་ཎྞ་ནཱ
༣༤༢. ཨཱ་པ་ཏྟིཾ ནི་སྶཱ་ཡ ཨུ་པྤ་ཛྫ་ན་ཀ་ཨཱ་པ་ཏྟི་ཝ་སེ་ནཱཏི པ་རེ་སཾ, ཨ་ཏྟ་ནོ ཙ ཨཱ་པ་ཏྟིཾ པ་ཊི་ཙྪཱ་དེ་ནྟཱ་ནཾ ཝ་ཛྫ་པ་ཊི་ཙྪཱ་དཱི་ནཾ པཱ་རཱ་ཛི་ཀཱ་དི་ཨཱ་པ་ཏྟི་མེ་ཝ ས་ནྡྷཱ་ཡ ཝུ་ཏྟཾ, ན ས་བྦཱ་པ་ཏྟི་ཡོ. ཀི་ཙྩཾ ནི་སྶཱ་ཡ ཨུ་པྤ་ཛྫ་ན་ཀ་ཀི་ཙྩཱ་ནནྟི ཨུ་ཀྑེ་པ་ནཱི་ཡཱ་དི་ཀ་མྨཾ ནི་སྶཱ་ཡ ཨུ་པྤ་ཛྫ་ན་ཀཱ་ནཾ ཏ་ད་ནུ་ཝ་ཏྟི་ཀཱ་ཡ བྷི་ཀྑུ་ནི་ཡཱ ཡཱ་ཝ་ཏ་ཏི་ཡཱ་ནུ་སྶཱ་ཝ་ནཱ་ནཾ ཀི་ཙྩཱ་ནཾ ཝ་སེ་ན, ན ས་བྦེ་སཾ ཀི་ཙྩཱ་ནཾ ཝ་སེ་ནཱ་ཏི.
༣༤༤. པཱ་ལི༹་ཡཾ ‘‘ཀ་ཏི་ཧི ཨ་དྷི་ཀ་ར་ཎེ་ཧཱི’’ཏི པུ་ཙྪཱ་ཡ ‘‘ཨེ་ཀེ་ན ཨ་དྷི་ཀ་ར་ཎེ་ན ཀི་ཙྩཱ་དྷི་ཀ་ར་ཎེ་ནཱ’’ཏི ཝུ་ཏྟཾ. ‘‘ཀ་ཏི་སུ ཋཱ་ནེ་སཱུ’’ཏི པུ་ཙྪཱ་ཡ ‘‘ཏཱི་སུ ཋཱ་ནེ་སུ ས་ངྒྷ་མ་ཛ྄ཛྷེ, ག་ཎ་མ་ཛ྄ཛྷེ, པུ་གྒ་ལ་སྶ ས་ནྟི་ཀེ’’ཏི ཝུ་ཏྟཾ. ‘‘ཀ་ཏི་ཧི ས་མ་ཐེ་ཧཱི’’ཏི པུ་ཙྪཱ་ཡ ‘‘ཏཱི་ཧི ས་མ་ཐེ་ཧཱི’’ཏི ཝུ་ཏྟཾ. ཏཱི་ཧི་པི ཨེ་ཏེ་ཧི ཨེ་ཀོ ཝཱུ་པ་ས་མ་ན་པྤ་ཀཱ་རོ་ཝ པུ་ཙྪི་ཏོ, ཝི་སྶ་ཛྫི་ཏོ ཙཱ་ཏི ཝེ་དི་ཏ་བྦོ.
༣༤༨. ཝི་ཝཱ་དཱ་དྷི་ཀ་ར་ཎཾ ཧོ་ཏི ཨ་ནུ་ཝཱ་དཱ་དྷི་ཀ་ར་ཎནྟི་ཨཱ་དཱི་སུ ཝི་ཝཱ་དཱ་དྷི་ཀ་ར་ཎ་མེ་ཝ ཨ་ནུ་ཝཱ་དཱ་དྷི་ཀ་ར་ཎཱ་དི་པི ཧོ་ཏཱི་ཏི པུ་ཙྪཱ་ཡ ཝི་ཝཱ་དཱ་དྷི་ཀ་ར་ཎཾ ཝི་ཝཱ་དཱ་དྷི་ཀ་ར་ཎ་མེ་ཝ ཧོ་ཏི, ཨ་ནུ་ཝཱ་དཱ་ད་ཡོ ན ཧོ་ཏཱི་ཏི ཝི་སྶ་ཛྫ་ནཾ.
ཨ་དྷི་ཀ་ར་ཎ་ནི་དཱ་ནཱ་དི་ཝ་ཎྞ་ནཱ ནི་ཊྛི་ཏཱ.
ས་ཏྟ་ས་མ་ཐ་ནཱ་ནཱ་ཏྠཱ་དི་ཝ་ཎྞ་ནཱ
༣༥༤. ཨ་དྷི་ཀ་ར་ཎ་པུ་ཙྪཱ་ཝི་སྶ་ཛྫ་ནེ པཱ་ལི༹་ཡཾ ཝི་པ་ཙྩ་ཡ་ཏཱ་ཡ ཝོ་ཧཱ་རོཏི ཝི་རཱུ་པ་ཝི་པཱ་ཀཱ་ཡ ཨ་ཉྙ་མ་ཉྙཾ དུ་ཀྑུ་པྤཱ་ད་ནཱ་ཡ ཀཱ་ཡ་ཝ་ཙཱི་ཝོ་ཧཱ་རོ. མེ་དྷ་གནྟི ཝུ་དྡྷི་པྤ་ཏྟོ ཀ་ལ་ཧོ.
ཨ་ནུ་ས་མྤ་ཝ་ངྐ་ཏཱཏི ཝི་པ་ཏྟི་ཙོ་ད་ནཱ་ཡ ཨ་ནུ ཨ་ནུ སཾ་ཡུ་ཛྫ་ན་ཝ་སེ་ན ནི་ནྣ་ཏཱ.
ཨ་བྦྷུ་སྶ་ཧ་ན་ཏཱཏི ཨ་ཏི་ཝི་ཡ ས་ཉྫཱ་ཏུ་སྶཱ་ཧ་ཏཱ. ཨ་ནུ་བ་ལ་པྤ་དཱ་ནནྟི ཙོ་ད་ཀཱ་ན་མྤི ཨུ་པ་ཏྠ་མྦྷ་ཀ་ར་ཎཾ. ཀ་མྨ་ས་ངྒ་ཧཱ་བྷཱ་ཝེ་ནཱཏི ས་ངྒྷ་ས་མྨུ་ཁ་ཏཱ་དི་མ་ཏྟ་སྶ ས་མྨུ་ཁཱ་ཝི་ན་ཡ་སྶ ས་ངྒྷཱ་དཱི་ཧི ཀ་ཏྟ་བྦ་ཀི་ཙྩེ་སུ ས་ངྒ་ཧཱ་བྷཱ་ཝཱ.
ས་ཏྟ་ས་མ་ཐ་ནཱ་ནཱ་ཏྠཱ་དི་ཝ་ཎྞ་ནཱ ནི་ཊྛི་ཏཱ.
ཨ་དྷི་ཀ་ར་ཎ་བྷེ་ད་ཝ་ཎྞ་ནཱ་ན་ཡོ ནི་ཊྛི་ཏོ.
དུ་ཏི་ཡ་གཱ་ཐཱ་ས་ངྒ་ཎི་ཀཾ
ཙོ་ད་ནཱ་དི་པུ་ཙྪཱ་ཝི་སྶ་ཛྫ་ནཱ་ཝ་ཎྞ་ནཱ
༣༥༩. དུ་ཏི་ཡ་གཱ་ཐཱ་ས་ངྒ་ཎི་ཀཱ་ཡ ‘‘ཙོ་ད་ནཱ ཀི་མ་ཏྠཱ་ཡཱ’’ཏི་ཨཱ་དི་ཀཱ པུ་ཙྪཱ ཨུ་པཱ་ལི་ཏྠེ་རེ་ན ཀ་ཏཱ. ‘‘ཙོ་ད་ནཱ སཱ་ར་ཎ་ཏྠཱ་ཡཱ’’ཏི་ཨཱ་དི་ཝི་སྶ་ཛྫ་ནཾ བྷ་ག་ཝ་ཏཱ ཝུ་ཏྟཾ. ཨུ་པཱ་ལི་ཏྠེ་རོ ས་ཡ་མེ་ཝ པུ་ཙྪི་ཏྭཱ ཝི་སྶ་ཛྫ་ནཾ ཨ་ཀཱ་སཱི་ཏི་པི ཝ་ད་ནྟི.
མ་ནྟ་གྒ་ཧ་ཎནྟི ཏེ་སཾ ཝི་ཙཱ་ར་ཎཱ་ག་ཧ་ཎཾ, སུ་ཏྟ་ནྟི་ཀ་ཏྠེ་རཱ་ནཾ, ཝི་ན་ཡ་དྷ་ར་ཏྠེ་རཱ་ན་ཉྩ ཨ་དྷི་པྤཱ་ཡ་ག་ཧ་ཎ་ནྟི ཨ་ཏྠོ. པཱ་ཊེ་ཀྐཾ ཝི་ནི་ཙྪ་ཡ་ས་ནྣི་ཊྛཱ་པ་ན་ཏྠནྟི ཏེ་སཾ པ་ཙྩེ་ཀཾ ཨ་དྷི་པྤཱ་ཡཾ ཉ་ཏྭཱ ཏེ་ཧི ས་མུ་ཊྛཱ་པི་ཏ་ན་ཡ་མྤི ག་ཧེ་ཏྭཱ ཝི་ནི་ཙྪ་ཡ་པ་རི་ཡོ་སཱ་པ་ན་ཏྠ་ནྟི ཨ་དྷི་པྤཱ་ཡོ.
‘‘མཱ ཁོ ཏུ་རི་ཏོ ཨ་བྷ་ཎཱི’’ཏི་ཨཱ་དི་ནཱ ཨ་བྷི་མུ་ཁེ ཋི་ཏཾ ཀ་ཉྩི ཨ་ནུ་ཝི་ཛྫ་ཀཾ ཨོ་ཝ་ད་ནྟེ་ན ཝི་ཡ ཐེ་རེ་ན ཨ་ནུ་ཝི་ཛྫ་ཀ་ཝ་ཏྟཾ ཀ་ཐི་ཏཾ.
ཨ་ནུ་ཡུ་ཉྫ་ན་ཝ་ཏྟནྟི ཨ་ནུ་ཡུ་ཛྫ་ན་ཀྐ་མཾ, ཏཾ པ་ན ཡ་སྨཱ ས་བྦ་སི་ཀྑཱ་པ་ད་ཝཱི་ཏི་ཀྐ་མ་ཝི་ས་ཡེ་པི ཏཾ་ཏཾ་སི་ཀྑཱ་པ་དཱ་ནུ་ལོ་མེ་ན ཀ་ཏྟ་བྦཾ, ཏ་སྨཱ ‘‘སི་ཀྑཱ་པ་དཱ་ནུ་ལོ་མི་ཀ’’ནྟི ཝུ་ཏྟཾ. ཨ་ཏྟ་ནོ ག་ཏིཾ ནཱ་སེ་ཏཱིཏི ཨ་ཏྟ་ནོ སུ་ག་ཏི་ག་མ་ནཾ ཝི་ནཱ་སེ་ཏི.
ཨ་ནུ་ས་ནྡྷི་ཏ-ས་དྡོ བྷཱ་ཝ་སཱ་དྷ་ནོ་ཏི ཨཱ་ཧ ‘‘ཨ་ནུ་ས་ནྡྷི་ཏ་ནྟི ཀ་ཐཱ་ནུ་ས་ནྡྷཱི’’ཏི. ཝ་ཏྟཱ་ནུ་ས་ནྡྷི་ཏེ་ནཱཏི ཨེ་ཏྠཱ་པི ཨེ་སེ་ཝ ན་ཡོ. ཝ་ཏྟཱ་ནུ་ས་ནྡྷི་ཏེ་ནཱཏི ཨཱ་ཙཱ་རཱ་ནུ་ས་ནྡྷི་ནཱ, ཨཱ་ཙཱ་རེ་ན ས་དྡྷིཾ ས་མེ་ནྟི་ཡཱ པ་ཊི་ཉྙཱ་ཡཱ་ཏི ཨ་ཏྠོ. ཏེ་ནཱ་ཧ ‘‘ཡཱ ཨ་སྶ ཝ་ཏྟེ་ནཱ’’ཏི་ཨཱ་དི.
པཱ་ལི༹་ཡཾ ས་ཉྩི་ཙྩ ཨཱ་པ་ཏྟིནྟི་ཨཱ་དི ཨ་ལ་ཛྫི་ལ་ཛྫི་ལ་ཀྑ་ཎཾ བྷི་ཀྑུ་བྷི་ཀྑུ་ནཱི་ནཾ ཝ་སེ་ན ཝུ་ཏྟཾ ཏེ་ས་ཉྙེ་ཝ ས་བྦ་པྤ་ཀཱ་ར་ཏོ སི་ཀྑཱ་པ་དཱ་དྷི་ཀཱ་ར་ཏྟཱ. སཱ་མ་ཎེ་རཱ་དཱི་ན་མྤི སཱ་དྷཱ་ར་ཎ་ཝ་སེ་ན པ་ན ས་ཉྩི་ཙྩ ཡ་ཐཱ་ས་ཀཾ སི་ཀྑཱ་པ་ད་ཝཱི་ཏི་ཀྐ་མ་ནཱ་དི་ཀཾ ཨ་ལ་ཛྫི་ལ་ཛྫི་ལ་ཀྑ་ཎཾ ཝེ་དི་ཏ་བྦཾ.
ཀ་ཐཱ་ནུ་ས་ནྡྷི་ཝ་ཙ་ནནྟི ཙུ་དི་ཏ་ཀ་ཨ་ནུ་ཝི་ཛྫ་ཀཱ་ནཾ ཀ་ཐཱ་ཡ ཨ་ནུ་ས་ནྡྷི་ཡུ་ཏྟཾ ཝ་ཙ་ནཾ ན ཛཱ་ནཱ་ཏི, ཏེ་ཧི ཨེ་ཀ་སྨིཾ ཀཱ་ར་ཎེ ཝུ་ཏྟེ ས་ཡཾ ཏཾ ཨ་ས་ལླ་ཀྑེ་ཏྭཱ ཨ་ཏྟ་ནོ ཨ་བྷི་རུ་ཙི་ཏ་མེ་ཝ ཨ་ས་མྦ་ནྡྷི་ཏ་ཏྠ་ནྟི ཨ་ཏྠོ. ཝི་ནི་ཙྪ་ཡཱ་ནུ་ས་ནྡྷི་ཝ་ཙ་ན་ཉྩཱཏི ཨ་ནུ་ཝི་ཛྫ་ཀེ་ན ཀ་ཏ་སྶ ཨཱ་པ་ཏྟཱ་ནཱ་པ་ཏྟི་ཝི་ནི་ཙྪ་ཡ་སྶ ཨ་ནུ་གུ་ཎཾ, ས་མྦ་ནྡྷ་ཝ་ཙ་ན་ཉྩ.
ཙོ་ད་ནཱ་དི་པུ་ཙྪཱ་ཝི་སྶ་ཛྫ་ནཱ་ཝ་ཎྞ་ནཱ ནི་ཊྛི་ཏཱ.