༩. པཱ་ཏི་མོ་ཀྑ་ཊྛ་པ་ན་ཀྑ་ནྡྷ་ཀ་ཝ་ཎྞ་ནཱ

པཱ་ཏི་མོ་ཀྑུ་དྡེ་ས་ཡཱ་ཙ་ན་ཀ་ཐཱ་ཝ་ཎྞ་ནཱ

༣༨༣-༤. ‘‘ན་ནྡི་མུ་ཁཱི’’ཏི ལི་ཁི་ཏཾ. ཨཱ་ཡ་ཏ་ཀེ་ནེ་ཝཱཏི ཨཱ་དི་མྷི ཨེ་ཝ. ཡནྟི ཡ་སྨཱ. ས་ཝ་ནྟི་ཡོ མ་ཧཱ་ན་དི་ཡོ. ‘‘མ་ཧ་ནྟ་བྷཱུ་ཏཱ་ན’’ནྟི པཱ་ཋོ. པ་ཏྟཱཏི པ་ཏྭཱ. ‘‘ས་མཱུ་ལི་ཀཱ་ཡ ཋ་པེ་ཏི ཨ་ཀ་ཏཱ་ཡཱ’’ཏི ཋ་པ་ན་ཀ་སྶ ས་ཉྙཱ་མཱུ་ལ་ཝ་སེ་ན ཝུ་ཏྟཾ. ཏཾ ཝ་ཏྠུཾ ཨ་ཝི་ནི་ཙྪི་ནི་ཏྭཱ་ཝ པ་རི་སཱ ཝུ་ཊྛཱ་ཏི.

ཨ་ཏྟཱ་དཱ་ན་ཨ་ངྒ་ཀ་ཐཱ་ཝ་ཎྞ་ནཱ

༣༩༨-༩. ‘‘ཨ་ཏྟཱ་དཱ་ནནྟི ས་ཡཾ པ་རེ་ཧི ཙོ་དི་ཏོ ཨ་ཏྟཱ་ནཾ སོ་དྷེ་ཏུཾ ཨ་ནཱ་དི་ཡི་ཏྭཱ པ་རེ་སཾ ཝི་པྤ་ཊི་པ་ཏྟིཾ དི་སྭཱ སཱ་ས་ནཾ སོ་དྷེ་ཏུཾ ཨ་ཏྟ་ནཱ ཨཱ་དི་ཏ་བྦ’’ནྟི ལི་ཁི་ཏཾ. ཝ་སྶཱ་ར་ཏྟོཏི ཝ་སྶ་ཀཱ་ལོ. ས་པྤ་ཊི་མཱ་སོཏི ཨཱ་ཀ་ཌྜྷ་ན་ཡུ་ཏྟོ་ཏི ཨ་དྷི་པྤཱ་ཡོ.

༤༠༡. ཨུ་པ་ད་ཧཱ་ཏ་བྦོཏི ཨུ་པྤཱ་དེ་ཏ་བྦོ, ཝི་པྤ་ཊི་སཱ་ར་མུ་ཁེ་ན དྷཱ་རེ་ཏ་བྦོ་ཏི ཨ་དྷི་པྤཱ་ཡོ.

པཱ་ཏི་མོ་ཀྑ་ཊྛ་པ་ན་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.